IZaga 5:1-23
5 Ndodana yami zwana ukuhlakanipha kwami.
Lalelisisa* uzwe ukuqedisisa kwami,+
2 Ukuze uhlale usebenzisa kuhle ingqondo yakho,Ugcine ulwazi ezindebeni zakho.+
3 Ngoba izindebe zowesifazana oxhwalileyo* zimnandi njengoluju,+Lomlomo wakhe ubutshelezi ukwedlula amafutha.+
4 Kodwa ekucineni owesifazana lo ubaba gamu njengomhlonyane,*+Ubukhali njengenkemba esika inxa zombili.+
5 Inyawo zakhe zehlela ekufeni.
Izinyathelo zakhe ziqonda khona kanye engcwabeni.
6 Kacabangisisi ngendlela yokuphila.
Indlela yakhe iyale lale, kakwazi ukuthi iyangaphi.
7 Ngakho ngilalelani madodana ami,Lingaphambuki kulokho engikutshoyo.
8 Dlalela khatshana laye,Ungasondeli eduze komnyango wendlu yakhe,+
9 Ukuze ungazehlisi isithunzi,*+Njalo ungavuni iminyaka egcwele ubuhlungu;+
10 Ukuze abantu abangaziwayo bangayiqedi impahla yakho,*+Lokuthi owakusebenzela nzima kungayi endlini yomuntu wesinye isizwe.
11 Nxa ungananzelelanga uzabubula ekucineni,Lapho inyama yakho lomzimba wakho sekucikizeka,+
12 Ubususithi: “Ngangikuzonda kakhulu ukulaywa;
Inhliziyo yami yayikudelela ukukhuzwa.
13 Angililalelanga ilizwi labantu ababengifundisa,Lalabo ababengicebisa angibalalelanga.
14 Impilo yami isilenga ngomnxeba,Phambi kwalo lonke ibandla.”+
15 Natha amanzi kowakho umgodi,Amanzi agobhoza kowakho umthombo.+
16 Kambe imithombo yakho kumele ichithekele phandle yini?
Izifula zakho zamanzi kumele zisabalale emagcekeni edolobho+ yini?
17 Akube ngokwakho wedwa,Ungakwabelani labanye abantu.+
18 Kawubusiswe umthombo wakho,Njalo thokoza ngomfazi wobutsha bakho,+
19 Yena oyimpalakazi ethandekayo, igogo elikhangayo.*+
Akuthi amabele akhe akuthokozise* zikhathi zonke.
Hlala ulukholisa uthando lwakhe.+
20 Ndodana yami, pho kungani kumele uhlanyiswe ngowesifazana oxhwalileyo,*Kumbe ugone owesifazana ongaziphathanga?*+
21 Phela uJehova uyazibona izindlela zomuntu;Uyazihlolisisa zonke izindlela zakhe.+
22 Owenza okubi ubanjwa ngamacala akhe,Njalo uzabanjwa zintambo zesono sakhe.+
23 Uzakufa ngenxa yokungavumi ukulaywa,Njalo uzahlanhlatha ngenxa yobuthutha bakhe obuphindiweyo.
Amabala angaphansi
^ Kumbe, “Thiya indlebe.”
^ Kumbe, “njengesihlahlakazana esibaba gamu.”
^ Kumbe, “ungenzi abantu bangakuhloniphi.”
^ Kumbe, “amandla akho.”
^ Kumbe, “imbuzi yeganga enhle.”
^ Kumbe, “akusuthise.”
