UMBUZO 6
IBhayibhili Laphrofethani NgoMesiya?
ISIPHROFETHO
“Lawe Bhethilehema Efratha, . . . kuwe kuzaphuma lowo engizamenza umbusi ko-Israyeli.”
UKUGCWALISEKA KWASO
“UJesu wathi esezelwe eBhethilehema yaseJudiya ezinsukwini zeNkosi uHerodi, izazi zezinkanyezi zafika eJerusalema zivela eMpumalanga.”
ISIPHROFETHO
“Behlukaniselana izembatho zami, benza inkatho babelane izigqoko zami.”
UKUGCWALISEKA KWASO
“Amasotsha athi esebethele uJesu esigodweni athatha izembatho zakhe zangaphandle azehlukanisa zaba zingxenye ezine . . . Athatha lesembatho sakhe sangaphakathi kodwa sona sasingelamthungo, selukwe kusukela phezulu kusiya phansi. Asekhuluma wodwa athi: ‘Asingasidabuli lesi kodwa asenzeni inkatho ukuze sibone ukuthi sizathathwa ngubani.’”
ISIPHROFETHO
“Uyawavikela wonke amathambo akhe, alikho lelilodwa elizakwephulwa.”
UKUGCWALISEKA KWASO
“Athi efika kuJesu abona ukuthi wayesefile. Ngakho kawasazephulanga inyawo zakhe.”
ISIPHROFETHO
“Wagwazwa ngenxa yesiphambeko sethu.”
UKUGCWALISEKA KWASO
“Elinye isotsha lamgwaza ngomkhonto emhlubulweni, kwaphuma igazi lamanzi.”
ISIPHROFETHO
“Basebengiholisa inhlamvu zesiliva ezingu-30.”
UKUGCWALISEKA KWASO
“Kusenjalo omunye wabaliTshumi Lambili okwakuthiwa nguJudasi Iskariyothi, waya kubaphristi abakhokhelayo wathi kubo: ‘Lizangiphani ngingamthengisa kini?’ Basebemthembisa inhlamvu zesiliva ezingu-30.”
