Qhubeka Uthandaza KuNkulunkulu
Umthandazo yisipho uNkulunkulu asinika abantu ukuze bakhulume laye bemtshela okusenhliziyweni zabo. Umphrofethi uDavida wathandaza wathi: “Yebo, wena owuzwayo umthandazo, bonke abantu bazakuza kuwe.” (IHubo 65:2) Kumele sithandaze njani ukuze uNkulunkulu asizwe futhi asibusise?
THOBEKA NXA UTHANDAZA FUTHI UTHULULE ISIFUBA SAKHO
Umthandazo owenza uwedwa ukunika ithuba lokuthi ‘ukhuphe konke okusenhliziyweni yakho [kuNkulunkulu],’ umtshela indlela ozizwa ngayo. (IHubo 62:8) Imithandazo esuka enhliziyweni iligugu kuNkulunkulu uSomandla.
SEBENZISA IBIZO LIKANKULUNKULU NXA UTHANDAZA
Lanxa uNkulunkulu elamabizo amanengi okuhlonipha, u-Isaya 42:8 uthi: “Mina nginguJehova, lelo yilo ibizo lami!” Ibizo elithi Jehova litholakala izikhathi ezingaba ngu-7 000 eMibhalweni Engcwele. Abaphrofethi abanengi babekhuluma loNkulunkulu besebenzisa ibizo lakhe. Ngokwesibonelo, u-Abhrahama wathi: “UJehova makangathukutheli, kodwa ake ngikhulume.” (UGenesisi 18:30) Lathi nxa sithandaza kumele silisebenzise ibizo likaNkulunkulu elithi Jehova.
THANDAZA NGOLIMI LWAKHO
UNkulunkulu uyayizwisisa imicabango yethu kanye lendlela esizizwa ngayo kungelani lokuthi sikhuluma limi bani. ILizwi lakhe lithi: “UNkulunkulu kakhethi, kodwa kuzo zonke izizwe uyamemukela umuntu omesabayo njalo owenza okulungileyo.”—ImiSebenzi 10:34, 35.
Ngaphandle kokuthandaza kulokunye okumele sikwenze ukuze sibusiswe nguNkulunkulu, sizaxoxa ngalokho ezihlokweni ezilandelayo.
Nanku Okunye
IMIBUZO YEBHAYIBHILI IYAPHENDULWA
Kuyini Engingakuthandazela?
Esihlokweni lesi uzabona ukuthi uNkulunkulu uyayizwa imithandazo yakho nxa umtshela okukuhluphayo.
IMIBUZO EBUZWA NGABASAKHULAYO
Kungani Kumele Ngithandaze?
Abanye bacabanga ukuthi ukuthandaza yindlela yokuziduduza nje kuphela.
IMIBUZO YEBHAYIBHILI IYAPHENDULWA
UNkulunkulu Uzakuncedisa Yini Nxa Ungakhuleka Kuye?
UNkulunkulu ulendaba lokwenzakala empilweni yakho yini?
OKUMAYELANA LATHI
Imihlangano Yebandla YaboFakazi BakaJehova
Thola ukuthi sikhonzela ngaphi futhi sikhonza njani.
