CIJIJO 03
Ngenyi Tingathemba Zvinobhuiwa Ngo Bhaibheri?
Bhaibheri rinobhuya zvakawanda ngo zvo ramangwana, no kutipa mazano anoshanda zuva ngo zuva. Dangani munodavo kuziva zvarinobhuya, asi amuna chokwadi cokuti mungathemba zvinobhuiwa ngo bhuku iri rakanyorwa kare-kare. Kureva kuti mungathemba mazano no zvigondiso zvinobhuiwa ngo Bhaibheri ngo ndava yo kuva no upenyu wakanaka zvino no ramangwana? Vandhu vazinji vari kuzvitenda. Imwimwivo munozvitenda?
1. Zvinobhuiwa ngo Bhaibheri Zvakaitika kamare?
Bhaibheri rinobhuya kuti rino masoko ‘akarurama okadi.’ (Muparidzi 12:10) Irona rinobhuya ngo pamusoro po zviro zvakaitika no vandhu vaingeyo kamare. (Verenganyi Ruka 1:3; 3:1, 2.) Vazivi no vapsakisisi vo zvo mathere, vakawana ucapupu wokuti zvinobhuiwa ngo Bhaibheri ngo pamusoro po mazuva, ndau, no vandhu vairaramemo ngo zvo cokwadi kamare.
2. Zvicinyi zvinokhombija kuti Bhaibheri risiri kushanda no kunyati ngo lokare?
Zvakawanda zvinobhuiwa ngo Bhaibheri, zvainga zvisikanasi kuzivika panguva yo zvakanyorwa. Ambolangariranyi zvarinobhuya ngo ndava yo siensiya, vandhu vakawanda vainga vasikazvitendi pa nguva yo zvakanyorwa. Asi mazuva ano, vazivi vo siensiya vakazovona kuti zvakabhuiwa ngo Bhaibheri ngo zvo cokwadi. Zvarinobhuya ngo zvo cokwadi ‘mazuva ano, nokusingaperi.’—Mapisarema 111:8.
3. Ngenyi tingathemba zvinobhuiwa ngo Bhaibheri ngo pamusoro po ramangwana?
Bhaibheri rino uporofita a wakabhuiwa kare ‘zviro zvisati zvaitika.’ (Isaya 46:10) Irona lakanasa kubhuya zviro zvakawanda pasiri no makore zvisati zvaitika. Lakabhuyavo ngo pamusoro po zviro zvatiri kuvona zvesiitika munyika mazuva ano. Mu cijijo cino, tiri kuda kuvona uporofita unganani unobhuiwa mu Bhaibheri. Kuvona kukwanirisika kakaita uporofita uwu, zvinotishamaisa!
JIJANYI ZVIZINJI
Vonanyi kuti Bhaibheri rinozwirana papi no siensiya, psakanyi uporofita umweni unobhuiwa mu Bhaibheri.
4. Siensiya inozwirana no Bhaibheri
Kare, vandhu vazinji vailangarira kuti nyika ino poyakagara. Vonanyi VHIDHIYO.
Vonanyi zvakanyorwa mu bhuku ra Jobho mu makore 3.500 adarika. Verenganyi Jobho 26:7, mapeja bhuisananyi ngo muvhunjo unotevera:
-
Ngenyi zvinobhuiwa ngo Bhaibheri zvokuti ‘nyika yakapaikwa pasina ciro’ zvinotishamaisa?
Vandhu vakazoguma pa kuzwisisa zvinoita kuti kumwa irambe iripo mu makore 1800 adarika. Ngatende tivone kuti Bhaibheri rakabuyenyi ko makore no makore adarika. Verenganyi Jobho 36:27, 28, mapeja bhuisananyi ngo muvhunjo jinotevera:
-
Ngenyi zvinobhuiwa ngo Bhaibheri, ngo pamusoro po kutenderera kunoita kumwa kunotishamaisa?
-
Mavhesi o maperari kuverenga, anovangisa kuthemba kamunoita Bhaibheri here?
5. Bhaibheri rakabhuya kare zviro zvinokosha zvaizoitika mazuva ano
Verenganyi Isaya 44:27–45:2, mapeja bhuisananyi ngo muvhunjo unotevera:
-
Nga zvipi zvakabhuiwa ngo Bhaibheri ngo ndava yo kupalajwa ko Bhabhiloni mu makore 200 zvisati zvaitika?
Vapsakisisi vo zvakaitika kare vanotenda kuti Mambo Siro wo Persiya no masoca ake, vakapalaja Bhabhiloni mu gore la 539 Kristu asati aviya. Vakaca mugero wakaita kuti kumwa yo mumulambo waijivirira thaundi iri, iyerere yesienda kumweni, vopinda mu thaundi iri ngo pamusuvo jakasiiwa jisito kuvharwa, vakanyisa thaundi iri pasina hondo yakaitika. Izvi zvakaitika mu makore 2.500 adarika, mbhera na nyamasi Bhabhiloni risiri mathere. Vonanyi zvainga zvakabhuiwa kare ngo Bhaibheri.
Verenganyi Isaya 13:19, 20, mapeja bhuisananyi ngo muvhunjo unotevera:
-
Ngazvipi zvinokhombija kuti uporofita uwu wakazajika?
Mathere o Bhabhiloni, ku nyika inozwi Iraki mazuva ano
6. Bhaibheri rakabhuya kare zviro zviri kuitika mazuva ano
Bhaibheri rinobhuya kuti tiri kurarama mu ‘mazuva okupejisira.’ (2 Timoti 3:1) Vonanyi zvakabhuiwa kare ngo Bhaibheri, kuti ndizvona zvaizoitika mazuva ano.
Verenganyi Mateu 24:6, 7, mapeja bhuisananyi ngo muvhunjo unotevera:
-
Ngazvipi zvakabhuiwa ngo Bhaibheri kuti zvaizoitika?
Verenganyi 2 Timoti 3:1-5, mapeja bhuisananyi ngo muvhunjo jinotevera:
-
Bhaibheri rakabhuya kuti vandhu vaizova vakadini mu mazuva okupejisira?
-
Ngazvipi zvamurikuvonavo pacenyu?
VAMWENI VANOTI: “Zviri mu Bhaibheri ingano jo vandhu.”
-
Imwimwivo keni, ngazvipi zvinomuthembesa kuti Bhaibheri ngo lokadi?
TAJIJENYI?
Tajija kuti patinopsakisisa zvakaitika kare ngo ndava yo siensiya no uporofita, tinovona kuti Bhaibheri ngo lokadi.
Muvhunjo jo Kuhwirijira
-
Zviro zvinobhuiwa ngo Bhaibheri ngo zvokadi kana kuti ingano?
-
Ngazvipi zvinobhuiwa ngo Bhaibherri zvinokhombija kuti irona rinozwirana no siensiya?
-
Munolangarira kuti Bhaibheri rinobhuya zviro zvisada kuzoitika here? Ngenyi madalo?
JIJANYI ZVIMWENI
Bhaibheri pano parinopesana no siensiya here?
“Siensiya Inozwirana no Zviri mu Bhaibheri Here?” (Iri mu saiti jw.org)
Ngazvipi zvinokhombija kuti tiri mu “mazuva okupejisira”?
“Uporofita 6 Uri mu Bhaibheri Uri Kuzajika” (Nharireyomurindi, 1 ya Maio yo 2011 Mucishona)
Jijanyi kuti uporofita uri mu Bhaibheri ngo pamusoro po Umambo wo Gresiya wakazajika kudini.
Vonanyi kuti uporofita uri mu Bhaibhei wakacinjisa kudini mavonero aiita mwanarume umweni Bhaibheri.
“Ndairangarira Kuti Mwari Akuna” (Nharireyomurindi N.º 5, 2017)
a Soko lokuti uporofita, rinoda kubhuya masoko a Mwari ngo ndava yo zviro zvinozoitika muna ramangwana.
Mathere o Bhabhiloni, ku nyika inozwi Iraki mazuva ano
