Isaya 28:1-29
28 Nyathwa ku korowa* inozvikuja yo zvidhakwa zvo EfraimiNo kukura ko kuseja kwayo, kwakaezana no firori rinofota,Iyona iri pamusoro po bani rino ndimo ra vaya vakanyiswa ngo vhinyu!
2 Vonanyi! Jehovha anozotumira mundhu wakavanga, anosimba.
Inga zvinoita nvura ino mbheni no mapuwe, inga zibepo rinoparaja,Inga nvura inobara usore,Iyena anozoikhandira pasi ngo simba.
3 Korowa inozvikuja yo zvidhakwa zvo Efraimi,Inozocikwa-cikwa.
4 No kukura ko kuseja kwayo kwakaezana no firori rinofota,Iro riri panyezuru po bani rino ndimo,Rinozova inga figu ro kutanga mukuvo wo kupisa ucito ukaguma.
Mundhu akarivona, anoritora worimija ngo kukasika.
5 Pa njiku yondhoyo, Jehovha wo hondo anozoita inga korowa yakanaka maningi no cinemeso cakanaka co mumusoro, kuitira vaya vakasara pakati po vandhu vake.
6 Iyena anozopa mujimu wo ururami wiya wakagara kuti atonge no kupa simba vaya vanogogomera vavengi vaviya koohwisa pamusuvo po dhorobha.
7 Na ivonavo vanosvejeka ngo ndava yo vhinyu;Doro rinovaita kuti vathethereke.
Mupiri no muporofeti vanosvejeka ngo ndava yo doro;Vhinyu inovabararisa hwiru,Ivona vanothethereka ngo ndava yo doro;Zvavanovona zvinovaita kuti vasvejeke,No kushaisha kutonga.
8 Ngokuti meza javo, jakazara ngo maruco anosembhusa.Akazara pa ndau yese.
9 Ndiyani waanozopa zivo,No kumusanangurira masoko?
Kureva kuti ndi vaya varumuhwa,Kana kuti vaya vavha kuvhiswa pazamu here?
10 Ngokuti iyena anozopa “mupango pasure po mupango, mupango pasure po mupango,Mutemo pasure po mutemo, mutemo pasure po mutemo,*Padoko apa, padoko apoo.”
11 Ngo kudaro, iyena anozobhuya no vandhu ava ecikakamira no kushandisa ndumi yo vandhu vo nyikanja.
12 Iyena wainga akavavhunja kudari: “Iyi indau yo kuzorora. Siyanyi wakaremba kuti azorore; iyi indau yo kuzorora,” asi ivona avazivi kuzwira.
13 Ngo kudaro, masoko a Jehovha kwavari anozova aya:
“Mupango pasure po mupango, mupango pasure po mupango,Mutemo pasure po mutemo, mutemo pasure po mutemo,*Padoko apa, padoko apo,”
Zvokuti pavanozofamba,Ivona vanozokhugunyika, vozowa ngo gociIvona vanozoguhwa, voteiwa no kubathwa.
14 Ngo kudaro, izwanyi soko ra Jehovha, imwimwi vandhu vanojikuja,Vatongi vo vandhu ava vari Jerusarema,
15 Ngokuti imwimwi munoti:
“Takaita citenderano no Rufu,Toita cisungo no Guva.*
Usore ukaviya,Iwona auzotigumiri,Ngokuti takatizira ku manyepoTofindara ku ucengeji.”
16 Ngo kudaro, Mambo Mukuru-kuru Jehovha anonanga kudari:
“Vonanyi, ndiri kudira buwe rakaejwa inga maambo mu Ziyoni,Buwe ro mutengo mukuru pacikina inga maambo akavanga.
Apana anoritenda anozozungunyiswa.
17 Ndinozoita kuti ururami uve bote ro kupima ndironaUrungami uve bote ro kurungamisa.
Mapuwe o nvura anozophwanya citiziro co manyepo,Kumwa inozoboboja ndau yo kufindarira.
18 Citenderano camaita no Rufu cinozopejwa,Cisungo camakaita no Guva* acizoendereri mberi.
Usore paunozoviya,Imwimwi munozopejwa.
19 Pa mukuvo wese paunozoviya,Iwona unozomutora;Ngokuti unozoviya mangwanani ese,Usiku no masikati.
Kuthya kunozomuita kuti muzwisise masoko akanangwa.”
20 Kama idoko maningi zvokuti aikwani kuti mundhu aivatire,Ransori rakadodoka maningi zvokuti arikwani kurifuka.
21 Ngokuti Jehovha anozomuka inga zvaakaita pa dundhu Perazimi;Anozonyangajwa inga zvaakaita pa bani riri phedo no Gibhiyoni,Kuti aite basa rake. Basa rake rinoshamaisa.Kuti aite basa rake. Basa raacizivi kumboitazve.
22 Wari mucashora,Kuti magaragajero enyu atame kuengejehwa kusungiswa,Ngokuti ndazwa ndi Mambo Mukuru-kuru Jehovha wo hondo,Kuti kwasungwa mukuvo kuti nyika iyi iparajwe.
23 Teyanyi njeve muzwe izwi rangu;Nasanyi kuteya njeve, muzwe zvandinonanga.
24 Kureva kuti murimi anorima mukuvo wese kuti asime?
Kureva kuti iyena anoenderera mberi ecirima no kunasirira acikaimi here?
25 Pasure po kunasirira mavhu,Iyena aakusi kumini yo kusvipa no kumini* here?Aasimi tirigu, mungwere,* sevhadha mu ndau yazvo here?No maforishi mu mugano here?
26 Ngokuti Mwari anomujijisa* ngo njira yakanaka;Mwari wake anomujijisa.
27 Kumini yo kusvipa aipuhwi ngo muponda,Kumini aicikwi-cikwi ngo marodha o kareta.
Asi kumini yo kusvipa inopuhwa ngo mushakwe,Kumini inopuhwa ngo ndonga.
28 Kureva kuti aripo mundhu anopura mbeu mbhera yoita upfu wo kuita pau?
Haiwa, apana anoenderera mberi eciipura;Mundhu paanofambisa marodha o kareta ngo haci jake panyezuru po mbeu,Aazoikwiyi.
29 Izvi zvinovha kuna Jehovha wo hondoMbhangiro jake jinoshamaisaMabasa ake akakura.
Masoko o Pasi
^ Kangaije zviri kunangira Samariya, dhorobha guru.
^ Kana: “Bote ro kupima ndirona pasure po bote ro kupima ndirona, bote ro kupima ndirona pasure po bote ro kupima ndirona.”
^ Kana: “Bote ro kupima ndirona pasure po bote ro kupima ndirona, bote ro kupima ndirona pasure po bote ro kupima ndirona.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kumini, imushovo wo mbeu inonakisa zvokuha.
^ Kana: “mbhunga.”
^ Kana: “anomupangira, anomupanica.”
