Isaya 31:1-9
31 Nyathwa ku vaya vanobzuka vecienda Ejipita kuti vapsake besero,Ku vaya vanothemba haciKu vaya vanothemba kuwanda ko ngoro* jo hondo,Ku vaya vanothemba simba rino haci jo hondo.
Asi ivona avapsaki Mucena wo Iziraeri,Nee avapsaki Jehovha.
2 Asi iyena wakangwara, anozoviisa dambujiko,Iyena aazocinji zvaakananga.
Iyena anozohwisa nyumba jo vaya vanoita zvakashataNo kuhwisa vanobesera vanoita zvakashata.
3 Ngokuti Vaejipita ndi vandhu, asipi Mwari;Haci javo izvisikwa zvo kunyama, asipi zvisikwa zvo kumujimu.
Jehovha paanotambanuja nyara yake,Wiya anozobesera, anozokhugunyikaWiya anonga ecibesehwa, anozowa;Vese vanozofa pa mukuwo wondhowo.
4 Ngokuti Jehovha wakati kwandiri:
“Kudari inga mbhondoro, cimwana co mbhondoro cinosimba, cinobhonga pacinonga cakabata ciro,Apo cikwata co vahavisi cakabatana kuti ciihwise,Iyona aithyi kukhuwa kwavoNee kuthisijihwa ngo mbhere yavo,Mu njira yakaezana, Jehovha wo hondo anozobzuka kuti aite hondoNo dundhu ro Ziyoni pamwepo no cidundhu caro.
5 Inga shiri iri kumburuka mudenga, Jehovha wo hondo anozojivirira Jerusarema.
Iyena anozorijivirira no kuzoriponesa.
Iyena anozoringwarira no kuzoriponesa.”
6 “Hwiriranyi ka wiya wamakapandukira, imwimwi vandhu vo Iziraeri.
7 Pa njikuyo, umwe na umwe wenyu, anozoramba zvimwari zvake zvo sirivha zvicikashandi ciro pamwepo no zvimwari zvo goridhi zvicikasisiri zvamakaita ngo nyara jenyu kamare, meciita cishaishi.
8 Muasiriya anozourawa ngo banga riciripi ro mundhu;Anozoparajwa ngo banga riciripi ro mundhu.
Iyena anozotiza ngo ndava yo banga,Majaha ake anozobatiswa basa ro kuvangirijwa.
9 Buwe rake rinozongara-ngara ngo kuthya,Vatongi vake vanozothya ngo ndava yo citatijo co ciziviso,” izvi ndizvona zvinonanga Jehovha,Uwo ano ruvheneko uri mu Ziyoni no coto ciri mu Jerusarema.
Masoko o Pasi
^ Kana: “kareta.”
