Isaya 38:1-22
38 Mu mukuwowo, Ezekiya wakahwaja, iyena wainga waaphedo no kuda kufa. Muporofeti Isaya mwana wa Amozi, wakaenda kwaari womuvhunja kudari: “Izvi ndizvona zvananga Jehovha: ‘Vhunjai masoko vandhu vo pamuzi pako, ngokuti iwewe unozofa, auzovangizve.’”
2 Ngo kudaro, Ezekiya wakasika wosota ku biravira wotanga kuita mukumbiro kuna Jehovha ecinanga kudari:
3 “Ndinomudeketera imwimwi Jehovha, ndapota, mucakanganwa kuti inini ndakaita zviro zvakanaka ndakagondeka pamberi penyu ngo mwoyo wangu wese. Mbhera wari, ndicandoita zviro zvakanaka pamberi penyu.” Ngo kudaro, Ezekiya wakatanga kucema maningi.
4 Tevere, Isaya wakavhunjwa ndi Jehovha masoko aya:
5 “Hwirirai uvhunje Ezekiya kudari: ‘Izvi ndizvona zvananga Jehovha, Mwari wa cekuru wako Dhavhidhi: “ Ndazwa mukumbiro wako. Ndavona musoji jako. Ngo kudaro, ndinokuengejera gumi* ro makore no makore mashanu o upenyu hwako.
6 Ndinozoponesa iwewe no dhorobha iri mu nyara ja mambo wo Asiriya, ndozongwarira dhorobha iri.
7 Ici ndicona citatijo cinovha kuna Jehovha cokuti Jehovha acaita zvaakananga:
8 Ndinozoita kuti munvuriri wadihwa ngo zuva pa sikada* ya Akazi, uhwirire gumi ro mudanyu kwenda sure.”’” Ngo kudaro, munvuriri wainga wakadihwa ngo zuva pa sikada wakahwirira gumi ro mudanyu kuviya sure.
9 Izvi ndizvona zvakatahwa ndi Ezekiya Mambo wo Judha pamukuwo waakahwaja wozovanga.
10 Inini ndakati: “Bindikati ro upenyu hwanguNdinodikana kunghwina ngo musuvo jo Guva.*
Ndinozonyimwa makore angu asara.”
11 Inini ndakati: “Pandinozonga no vagari
Vo mu ndau inopera zviro zvese,Andizovonizve Jehovha,* hina, Jehovha mu nyika yo vandhu vanopona, andizovonizve vandhu.
12 Ndau yangu yo kugara yakaita inga tende yo muhavisiInovhiswa yoenda koodihwa ndhambo na inini.
Ndakapeta upenyu hwangu inga muruki anopeta macira;Iyena anondiceka inga macekehwe anoitwa uruji pa jira.
Ecindipeja kuvhira mangwanani mbhera madeko.
13 Ndinogajana mbhera mangwanani.
Inga mbhondoro, iyena anogura-gura maphondo angu;Ecindipeja kuvhira mangwanani mbhera madeko.
14 Ndiri kurira inga cinyengwa-nyengwa kana inga cishiri cidoko;Ndiri kutetemera inga njiva.
Majiso angu aremba ngo kusota mudenga:
‘Imwimwi Jehovha, ndiri kutambujika maningi;Ndibesenyivo!’
15 Ndinganangenyi?
Iyena wakabhuya na inini, wozviita.
Mu makore angu ese ndinozofamba ndecizvidodokesaNgo ndava yo kuhwajihwa kwangu.
16 ‘Jehovha, mundhu wese anopona ngo ndava yo zviro izvi,*Simba rangu ro upenyu, rinopona ngo ndava yazvo.
Imwimwi munozondiita kuti ndive no uhomi hwakanaka mozondingwarira ndiri penye.
17 Vonanyi! Kusiyapo kuva no runyararo, inini ndakahwajihwa maningi;Asi ngo ndava yo rudo hwenyu kwandiri,Makandiita kuti nditame kufa.
Makakhandira zvishaishi zvangu zvese sure kwenyu.
18 Ngokuti Guva* aringakwanisi kumukuja,Rufu aungakwanisi kumusimba.
Vaya vanoenda mu rindi avangavoni kugondeka kwenyu.
19 Vandhu vari penye, basi vandhu vari penye ndivona vangakwanisa kumusimba,Inga zvandiri kuitari nyamasi.
Baba vangakwanisa kupekeja ruzivo vana vavo ngo pamusoro po kugondeka kwenyu.
20 Jehovha ndiponesenyi,Ndinozorija zvimadangari zvangu pamwepo no vamweniMu upenyu hwedu hwese, mu nyumba ya Jehovha.’”
21 Ngo kudaro, Isaya wakati: “Viisanyi pasta yo mafigu akavoma mudire panyezuru po mota wake, kuti iyena avange.”
22 Ezekiya wainga wakavhunjisa kudari: “Ngo capi citatijo cinokhombija kuti ndinozoenda ku nyumba ya Jehovha?”
Masoko o Pasi
^ Gama ngo Gama: “gumi ro njiku no njiku shanu.”
^ Zvingaita kuti sikada iyi, yaishandiswa pakuvona nguva ngo kufamba kunoita munvuriri pa sikadeyo.
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ “Jah” uku kugurisihwa ko zina ra Jehovha.
^ Kana: “masoko no zviito zva Mwari.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
