Isaya 63:1-19
63 Ndiyani uwo ari kugumaro ecivha ku Edhomi?Ndiyani uwo ari kuzaro ecivha ku Bhozira wakasimira nguvo jokumunikira?Ndiyani uwo ano nguvo waro jinoreremejwa?Ari waro kufamba ngo simba rake guru?
“Ndini, wiya anobhuya zviro zvakarurama,Ano simba guru rokuponesa.”
2 Ngenyi nguvo yako yakapsuka?Ngenyi nguvo jako jakaezana no jo mundhu anocika-cika uvha mu ndau inosvinihwa vhinyu?
3 “Ndakacika-cika mucisviniro co vhinyu ndiri ndega.
Apana ari wese wainga na inini.
Ndakaenderera mberi ndecicika-cika ndino ushungu,Ndecivasvina ndakanyangajwa.
Nguvo jangu jese jakacatihwa ngo sangi yavo,Ndosvipisa nguvo yangu yese.
4 Ngokuti njiku yo kuhwirijira iri mu mwoyo mwangu,Raguma gore rokuponesa vandhu vangu.
5 Ndakasota, asi painga pacina mundhu waibesera;Ndakashamaisika, ngokuti painga pacina mundhu wakapa besero.
Ngo kudaro, mukono wangu wakavisa ruponeso,Ushungu hwangu kamare wakandiita kuti ndiite zviri zvese.
6 Ndakacika-cika majinja pandainga ndakacamwa,Ndakamarejeresa ngo ushungu hwanguNdakadururira pasi sangi yavo.”
7 Ndinozovereketa ngo pamusoro po zviito zvo rudo hucikacinji hwa Jehovha,Zviito zvinosimba Jehovha,Ngo ndava yo zviro zvese zvaakatiitira Jehovha,Zviro zvese zvakanaka zvaakaitira Vaiziraeri,Mukuzwirana no usizi hwake pamwepo no rudo hwake hukuru hucikacinji.
8 Ngokuti iyena wakananga kudari: “Kunasa kunanga, ivona ndi vandhu vangu, vana vanozwira.”
Ngo kudaro, wakava Muponesi wavo.
9 Pa matambujiko avo ese, iyena wakatambujikavo.
Ndhumwa* yake kamare yakavaponesa.
Ngo rudo no pena iyena wakavaponesa,Wakavamusa no kuvathwara njiku jese jo mukuvo wo kare.
10 Asi ivona vakamupandukira, vonyangajisa mujimu mucena wake.
Ngo kudaro, iyena wakava muvengi wavo,Wohwisana navo.
11 Ngo kudaro, ivona vakaceukija njiku jo mazuva o kare,Mu njiku ja Mosi mushandiri wake vojivhunjisa kudari:
“Ari kwapi Wiya wakatibudisa mu jombe no vahavisi vo mushambi wake?
Ari kwapi wiya wakamudira Mujimu Mucena wake?
12 Wiya wakaita kuti mukono wake unokujwa uende ku mukono muho wa Mosi,Wiya wakapaura kumwa pamberi pavoKuti ajiitire zina ricikaperi,
13 Ari kwapi wiya wakamuita kuti mufambe pakati po kumwa yakajika?Zvomuita kuti mufambe mucikakhugunyiki?Inga haci iri mu ndau icina cikhugu?
14 Mujimu wa Jehovha wakavazoroja,Inga zvinoitika no mushambi paunoderera kwenda mu bani.”
Ndiwona manera omakatungamirira vandhu venyu,Kuti mujiitire zina rinokujwa.
15 Sotanyi pasi muri kudengaMuvone muri pa ndau yenyu yakakhwira, yakacena no inokujwa.
Kuvangisira kwenyu no simba renyu kuri kwapi?Pena yenyu yakakura no usizi wenyu zviri kwapi?
Imwimwi amuzivi kundiitira.
16 Ngokuti imwimwi ndimwi Baba wedu;Pikija Abhirahama acikatiziviIziraeri acikaticeukiji,Imwimwi Jehovha ndimwi Baba wedu.
Zina renyu ndirona Muponesi wedu kuvhira kare no kare.
17 Ngenyi imwimwi, Jehovha munotiregera tecisiya makwanja enyu?
Ngenyi munotiregera teciomesa mwoyo yedu kuti titame kumuthya?
Hwiriranyi ngo ndava yo vashandiri venyu,Mavhumbo o ndhaka yenyu.
18 Vandhu venyu vakacena vakagara nguva doko pa nyika.
Vavengi vedu vakacika-cika ndau yenyu yakacenesesa.
19 Ko mukuwo wakareba maningi, itusu takaita inga vandhu vaya vacizivi kumbotungamirihwa ndimwi,Inga vandhu vacizivi kumbodanijwa ngo zina renyu.
Masoko o Pasi
^ Kana: “Ngirozi inogara pamberi pake.”
