Nduyo 5:1-12
Ku Mutungamiri Nehiroti.* Nduyo ya Dhavhidhi.
5 Jehovha izwanyi masoko angu;Izwanyivo kugomera kwangu.
2 Izwanyi kucumba kwandinoita ndecikumbira besero,Imwimwi mambo wangu na Mwari wangu, ngokuti ndinoita mukumbiro kwamuri.
3 Jehovha munozozwa izwi rangu comangwanani;Ndinozomuvhunja zviya zvinondinesa comangwanani, ndovetera mupinguro wenyu.
4 Ngokuti imwimwi amuripi Mwari anodakarira zviro zvakashata;Apana mushati angaenderera mberi anemwi.
5 Apana mundhu anozvikuja angaenderera mberi akaima pamberi penyu.
Imwimwi munonyenya vese vaya vanoita zviro zvakashata.
6 Munozopeja vaya vanobhuya zvokunyepa.
Jehovha anonyenya vandhu vaya vanouraya no vanocengeja.
7 Inini ndinozonghwina ku nyumba yenyu ngo ndava yo rudo hwenyu hwakakura hucikacinji,Ndinozokotama pamberi po themberi yakacena, ndecimuthya no kumureremeja.
8 Jehovha nditungamirirenyivo mu urungami ngo ndava yo vavengi vangu;Itanyi kuti gwanja renyu rijeke pamberi pangu.
9 Ngokuti zvese zvavanobhuya, azvithembeki;Vanorangarira kuita zvakashata mumwoyo mavo;Madokoriro avo akaita inga guva rakashama.Rurimi hwavo hunocengeja.
10 Mwari anozovapanica;Mazano avo kamare anozovaita kuti vawe.
Ndapota, vagogomerenyi ngo ndava yo kuposa kwavo kwakawanda,Ngokuti ivona vakamupandukira.
11 Asi vaya vanotizira kwamuri vanozodakara,Vanozotamba ngo kudakara mukuvo wese.
Imwimwi munozovangwarira,Vaya vanoreremeja zina renyu vanozodakara ngo ndava yenyu.
12 Ngokuti imwimwi Jehovha munokomborera mundhu wese wakarungama.Kudari inga muvhiko mukuru, imwimwi munovangwarira no kuvatendera.
Masoko o Pasi
^ Vonanyi Kudurujihwa ko Magama.
