Inga zvakanangwa ndi muporofita Isaya, sangano ra Jehovha riri kuenderera mberi recikura mu njiku jino jokupejisira. (Is 54:2) Izvi zvinoreva kuti kunodikanazve kuvakwa Nyumba jo Umambo, Nyumba jo Magungano no Mabheteri. Kusiyapo izvo, nyumba iji jinodikana kunasirihwa mukuvo wese, jimweni jinodikana kuvakiswazve. Waro tingabeseresa kudini sangano ra Jehovha ngo nguva yedu no simba redu?

• Ngo kubesera kudari cikwata cedu cikagajwa kuti cicenese pa Nyumba yo Umambo

• Ngo kuzvipira kuti tiashire rovejo no kubesera pa kunasirira-nasirira Nyumba yo Umambo

• Ngo kusaina Petição para Voluntário do Departamento Local de Projeto/Construção (DC-50) kuitira kubesera basa ro kuvaka no kunasirira-nasirira phedo no kwatinogararo

• Ngo kusaina Petição para o Serviço de Voluntário (A-19) kuitira kubesera pa sumana imwe kana zinji ku Bheteri kana ndau imweni inoshandiswa ngo Bheteri

VONANYI VHIDHIYO INOTI KUNASIRIHWA KO ZVIVAKO ZVIPSA—CIDIMBU, PERAPO DAVIRANYI MUVHUNJO JINOTEVERA:

• Kuvhira mu gore ro 2014, ngozvapi zviri kuitika no mavhidhiyo edu?

• Kuti tienderere mberi teciita mavhidhiyo akawanda, urongwa hwapi o kuvaka uri kuithwa, urongwa uu o kuvaka unotanga rini no kupera rini?

• Vaya vanozvipira vanozobesera kudini pa urongwa uu?

• Kudari mecida kubesera basa ro kuvaka ku Ramapo, ngenyi zvinosisira kusaina (DC-50) no kubesera basa ro kuvaka phedo no kwamunogararo?

• Ngenyi tino cokwadi cokuti Jehovha ari kutungamirira basa iri ro kuvaka?

• Kudari ticikakwanisi kubesera pa kuvakwa ko zvivako izvi ngo ndava yo mugariro wedu, ngozvapi zvatingaita kuti tibesere urongwa uu?