Nyamasi uno, masoko anofamba kwese-kwese ngo kukasika ngo ndava yo jhorinari, radhiyo, terevhizau, no interneti, asi masoko mazinji ngo okunyepa. Asi vaya vanonamata “Mwari wokadi-kadi” vanodikana kungwarira kuti vatame kundhandhanisa manyepo aya, pikija vacikadi. (Ndu 31:5; Ex 23:1) Kundhandhanisa masoko okunyepa kungakhuvaza vandhu vakawanda. Kudari mecikana-kana kuti munodikana kunanga kana kutama kunanga masoko aya, zvivhunjisenyi kudari:

• ‘Masoko aya anothembeka?’ Kangaije mundhu wanangaro masokowo aanasi kuziva zvese zvinobatanijwa pa masoko ondhowo. Kusiyapo izvo, vandhu pavanovhunja vamweni masoko ari ese, vanoengejera masoko amweni. Ngo kudaro, vaya vano mutoro mu ungano vanodikana kubhasopa kuvhunja vandhu vamweni masoko ovakavhunjwa ngo vamweni

• ‘Masoko aya anozosvipisa zina ro mundhuwo?’ Kudari mukavona kuti masoko aya anozosvipisa zina ro mundhuwo, zvaizova zvakanaka kutama kuvhunja vamweni masoko aya.—Mazwi 18:8; Fil 4:8

• ‘Masoko aya ngo o cokwadi?’ Bhasopanyi pamunozwa masoko kana zviitiko zvinonesa kuzvithemba

VONANYI VHIDHIYO INOTI ZVICINYI ZVANDINGAITA KUTI NDITAME KUITA MAGUMBU? PERAPO DAVIRANYI MUVHUNJO JINOTEVERA:

• Mukuzwirana na Mazwi Akangwara 12:18, magama edu anoezaniswa nenyi?

• VaFilipi 2:4 inotibeseresa kudini patinoda kubhuya ngo pamusoro po vamweni?

• Ngozvapi zvatinodikana kuita kudari vandhu vakatanga kubhuya zvakashata ngo pamusoro po vamweni?

• Muvhunjo japi jatinodikana kurangarira kudari tecida kutanga kubhuya ngo pamusoro po vamweni?