Mu makumi no makumi o makore Zvapupu zva Jehovha zvaishandisa, zvaidhindha zve no kukovanisa mushovo jakasiyana-siyana jo mabhaibheri. Asi takavona  kudikanwa ko kubudisa sanduro impsa yaizobesera zvakanaka vandhu kuva no ‘zivo yo bzokadi’, uku ndikona kuda ka Mwari ku vandhu vese. (1 Timoti 2:3, 4) Mu gore ro 1950 takatanga kubudisa dimbu ro Bhaibheri mu mavereketero o mazuva ano, Shanduro yeNyika Itsva. Bhaibheri iri rakasandujwa munjira yakagondeka no yakarungama mu ndimi jinodarika 130.

Bhaibheri rakareruka kurizwisisa raidikana. Mukufamba ko mukuvo ndumi jinocinja, zve sanduro jakawanda jino magama acizivi kujeka kana acikashandiswi anonesa kumazwisisa. Cimwenizve, matahwa mazinji okare akarungama maningi zve aidozwirana kamare no ndumi jo kutanga jakafumbhuhwa, zvova no muuyo wokuzwisisa ushoni Bhaibheri mu ciHebheru, ciAramaiko no ciGiriki.

Sanduro yaidikana yakanasa kucijikira pa izwi ra Mwari. Mukutama kusiyana no vatari vokufemehwa ndi Mwari, vasanduji vo Bhaibheri vakada kugondeka ku matahwa okutanga. Ngo kudaro, mu masandujo mazinji, zina ra Mwari, Jehovha,  arishandiswi mu Matahwa Macena.

Kwaidikana Bhaibheri rinopa nderemejo mune waro. (2 Samueli 23:2) Mu Shanduro yeNyika Itsva zina ra Jehovha rakamusijihwa mu ndau jinokwana 7.000 mu matahwa o Bhaibheri okare inga zvinovoneswa pa muezaniso uri pasi apa. (Nduyo 83:18, BMAA) Bhaibheri iri rinodakaja maningi kuverenga, ngokuti rinojekesa murangarijo wa Mwari, uu ndiwona muuyo wo kupsakisisa ko makore no makore. Kudari imwimwi muno Shanduro yeNyika Itsva mu ndumi yenyu kana mucina, itusu tiri kumuvangisanyi kuti muverenge Bhaibheri njiku jese.—Joxwa 1:8; Nduyo 1:2, 3.

• Ngenyi takasunga kuti sanduro impsa yo Bhaibheri yaidikana?

• Ciito capi co njiku jese cinodikana kuithwa ngo ari wese anoda kujija zvinoda Mwari?