Vavengi va Jesu vaimupumbha vecinanga kuti anojiita inga ndi Mwari. (Johani 5:18; 10:30-33) Asi Jesu aazivi kumborangarira kuva inga Mwari wo masimba ese. Iyena wakati: “Baba mukuru kondiri.”—Johani 14:28.

 Vateveri vokutanga va Jesu avacaimuvona inga wakaezana na Mwari wo Masimba Ese. Inga muezaniso, mupostori Pauro wakatara kuti Jesu paakamuswa, Mwari “wakamukuja, womupa zina riri pa nyezuru po mazina ese.” Zvakajeka kuti Pauro aacaitendepi kuti Jesu ndi Mwari wo masimba ese. Jesu naainga Mwari, mu njira yapi Mwari waizomukuja pa nyezuru po mazina ese?—VaFiripi 2:9.