Hina, ariyo. Madhimoni i “ngirozi jaxaixa”, zvisikwa zvoku mujimu zvakapandukira Mwari. (2 Pedhru 2:4) Ngirozi yokutanga yakava Dhimoni i Sathana dhiayabhu, inodaninjwa ngo Bhaibheri kuti “mambo wo masathana.”—Mateu 12:24, 26.

Vapanduki vo mu njiku ja Nowa

 Bhaibheri rinonanga ngo ngirozi jakapanduka ucikato ikagumi ndambi yo mu njiku ja Nowa, irona rinonanga kuti: “vana va Mwari, pakuvona kuti vasikane vainga vakaseja, vakatorera vanakaji vakasejesesa.” (Genesi 6:2 ) Ngirozi iji jakashata ‘jakabuda pa mbuto pajo’ ku matenga jocica jova no muviri wo vandhu kuti jikwanise kuita zvo vatano no vanakaji.—Judha 1:6.

 Paayakatanga ndambi, ngorozi jakashata jakasiya muviri wo vandhu johwirira kumatenga. Asi ijona jakagogomehwa pa mbhuri ya Mwari. Inga muviyo wo kuposa uku, ijona ajicakwanisizve kucinja jova no muviri wo vandhu. (VaEfeso 6:11, 12)