Dij taufeel kopbreeken måke kan dijn gesundhët wat schåre un dijn frööligkët wegneeme. Dat kan dij nog mër problems geewe as duu al häst.

•  Dau ni feel beschaids in celular urer televison saie oiwer slechte daile. Duu bruukst ni ales oiwer air slecht dail waite wat passijre däit. Al tijd oiwer soo wat kijke mökt dat’s duu unruig un traurig warst.

   Ine Bijbel stäit: “Dai traurigkët nimt der mësch sijn kraft weg.” (Provérbios 17:22)

   “In celular un televison wart dai gans tijd oiwer slechte beschaids weese. Is licht sich dår ranerwene dat ales saie, åwer dat is ni wat gaures. Wen ik uutsuike dau wënige beschaids kijke, den dau ik mij ni sofeel kopbreeken måke.” - John.

   Dau hijr oiwer denke: Woo oft must duu wirklig dai beschaids kijke?

•  Häw ine gedanke wat’s duu upe dag måke wilst. Häw jërer dag ain stuun taum upståen, taum eeten, taum dat huus reegen måke un taum slåpe gåen. Wen’s duu jërer dag dat soo måke däist, den däist duu ni soo feel kopbreeken måke un däist dij gaud befijne.

   Ine Bijbel stäit: “Dem wirtschaftige mësch sij uutdenken däit wat gaures ruutergeewe.” (Provérbios 21:5)

   “As dai pandemia fon covid-19 anfånge hät, ik däir ni mër dai daile måke wat ik mij uutdacht har upe dag un häw mij sër inlåte mit tijdfordrijwen. Dun häw ik saie ik müst beeter mijn tijd benutse. Dårweegen häw ik mij inricht taum jërer dag måke wat ik måke müst.” - Joseph.

   Dau hijr oiwer denke: Häst duu dij uutdacht wat’s duu jërer dag måke wilst? Wen’s duu dat måkt kreege häst, löt dij dat fröölig?

•  Hul dij an dai gaure daile. Wen’s duu bloos andenke däist an dai slechte daile wat koine passijre, duu setst dij nog mër ine kop riner. Airer denk an 2 urer 3 daile woo’s duu dankbår oiwer kast sin.

   Ine Bijbel stäit: “Wijst dat jij dankbår sin.” (Colossenses 3:15)

   “Dai Bijbel leese däit mij helpe mij ni kopbreeken måke oiwer dai slechte daile un mij anhule an dai gaure daile. Dit kan ainfach formånen sin, åwer giwt richtig!” - Lisa.

   Dau hijr oiwer denke: Häst duu ine moor dij anhule an dai slechte daile wat mit dij passijre un ni an dai gaure?

•  Denk an dai andrer lüür. Is licht alaine blijwe wile wen’s duu feel daile im kop häst. Laiwer, dau andenke an andrer wat’s duu helpe kast wat dat bruuke.

   Ine Bijbel stäit: ‘Suik ni bloos wat’s duu wilst, åwer uk wat dai andrer wile.’ (Filipenses 2:4)

   “Ik fröög mij wen ik dai andrer helpe dau. Soo, dau ik ni bloos dai andrer mithelpe dat sai wat gaures beleewe, åwer help mij uk dat ik mij ni sofeel kopbreeken måke. Wen ik andrer helpe dau ik häw går kain tijd taum mij anhule an slechte gedanke.” - Maria.

   Dau hijr oiwer denke: Dai lüür wat’s duu kene däist, wee fon dai bruukt hülp un wat kast duu måke taum der helpe?

•  Dau dijn gesundhët uppasse. Dau dij beweege, dau dij naug uutrooge un eet gesund eeten. Dijn gesundhët uppasse dat kan dij helpe gaur gedanke oiwer dat leewend häwe un wënige kopbreeken häwe.

   Ine Bijbel stäit: “Dai körper beweege is . . . gaud.” (1 Timóteo 4:8)

   “Ik un mij kind koine ni sofeel daile buuten måke as wij wule. Soo, daue wij jërer dag forsuike oose körper beweege t’huus im huus. Dat helpt oos dat wij oos gaud befijne. Wij sin oos nuu sogår beeter inenaner.” - Catherine.

   Dau hijr oiwer denke: Must duu gesuuner eeten eete un dijne körper mër beweege taum gesuuner ware?

 Dës formånen häwe feel lüür hulpe sich ni sofeel kopbreeken måke. Wat hät eer nog mër hulpe? Lëre oiwer dai faine daile wat dai Bijbel forspråke hät tau dai tijd wat nog kümt. Taum nog mër waiten lees der kapitel 33 fon dem bauk Leew up ümer lustig!.