God hät sägt dat Abraham sijn famijlg sër groot ware däir. Abraham sijn famijlg is God sij folk woore. Jehovaa hät dit folk uutsöcht taum em dijne. Sai müste God sijn leis horge un Em dijne upt richtig årt. (Salmo 147:19, 20) Soo, al dai andrer lüür krëge hülp fon God doir dat folk fon Israel. — Lees Gênesis 22:18.

God hät dai israeliten uutsöcht taum sijn tüügen sin. Andrer lüür küüne Jehovaa kenelëre doir dat folk fon Israel. Dit folk sijn geschicht däit wijse dat gaut is Jehovaa sijn leis horge. — Deuteronômio 4:6. — Lees Isaías 43:10, 12.

Mite tijd, hät dat folk fon Israel God sijn leis ni mër horgt. Dun, wul Jehovaa ni mër dat dai israeliten Em sijn tüügen wäire. God hät ain anert grup lüür uutsöcht. (Mateus 21:43; 23:37, 38) Hüüt, sin dai wår kristen Jehovaa sijn tüügen. — Lees Atos 15:14, 17.

Jësus hät sijn jüngers inlërt taum oiwer God sijne Regirung preege un ‘jüngers måke fon lüür in al gëgende’. (Mateus 10:7, 11; 24:14; 28:19, 20) Dës slecht wild wart bald uutrot, un dai wår kristen daue oiwer God sijne Regirung upe ganse Ër preege. Upt airst mål, hät Jehovaa air folk mit miljone lüür wat up al stele sin. (Apocalipse 7:9, 10) Un nog, dai wår kristen daue sich lijbe un helpe air der andrer mit weegen sai sin sich ainig. Ine ganse wild, lëre sai dai neemlige daile oiwer dai Bijbel. — Lees Hebreus 10:24, 25.

Fon 1870 an, ain klain grup wat dai Bijbel lëre däir, hät beeter forståe wat dai Bijbel inlëre däir. Sai däire waite dat Jësus wul dat dai kristen preege däire oiwer God sijne Regirung. Dun, häwe sai anfunge preege oiwer God sijne Regirung ine ganse wild. Im jår 1931, häwe sai dere nåme Jehovaas Tüügen uutsöcht. — Lees Atos 1:8; 2:1, 4, 11; 5:42.

Jësus is ümer der wår kristen sij Her wääst. In der apostels eer tijd, Jësus, doir ain grup kërls, hät dai gemainde inlërt un hulpe. Dës grup kërls wäire dai apostels un wek andrer ülster. (Atos 16:4, 5) Hüüt, ain grup klauk kërls mit starke gloobe häwe oiwersich der arbëd wat Jehovaas Tüügen måke. Dës grup is kent soo as Grup Kërls wat Jehovaa sijne arbëd lenkt. Sai daue nåkijke nå dat nåsrijwen up andrer språke, dat updrüken un uutdailen fone bijblisch buiker un hefte in mër as 750 språke ine ganse wild. Dai Grup Kërls wat Jehovaa sijne arbëd lenkt benutst dai Bijbel taum helpe un inlëre mër as 110 duusend gemainde. Un, in jërer gemaind, wek kërls wat stark im gloobe sin daue dijne soo as ülster. Dai sin gaut un daue God sijn lijbe schåp uppasse. — Lees 1 Pedro 5:2, 3.

Jehovaas Tüügen preege oiwer God sijne Regirung. Soo as dai apostels dat måke däire, wij gåe nå der lüür eer hüüser hen. (Atos 20:20) Wij daue uk dai Bijbel inlëre tau ale dai wat oiwer God lëre wile. Åwer Jehovaas Tüügen sin mër as ain religioon. Wij sin ain famijlg un häwe aine lijbe Fåter. Wij sin bruirers un swesters wat air der andrer uppasse däit. (2 Tessalonicenses 1:3) Dit is dai frööligst famijlg upe Ër weegen is dat folk wat God sijne wile mökt un daue dai andrer lüür helpe. — Lees Salmo 33:12; Atos 20:35.