KAPITEL 6
Wat passijrt wen air doodbliwt?
1. Wat fon hofnung hät God tau dai doore?
Lazarus un sijn swesters, Marta un Marij, däire dicht bij Jerusalem wåne. As Jësus kåme is, wäire al fair dåg heer dat sij grootfründ Lazarus dood wäir. Jësus is mit Marta un Marij dår hengåe woo Lazarus forgråwt wäir. Glijk wäire uk feel andrer lüür dår. Jësus hät Lazarus upleewt! Krigst duu dij Marta un Marij eer frööligkët foirstelt as sai eene braurer werer leewig saie häwe? — Lees João 11:21-24, 38-44.
Marta däir al dai gaure nijges fon God oiwer dai doore kene. Jehovaa däit dai doore upleewe un sai ware upe Ër leewe. — Lees Jó 14:14, 15.
2. Wat passijrt wen wij doodblijwe?
God hät tau Adam sägt: ‘Duu büst stow un nåm stow gëst duu tröög.’ — GÊNESIS 3:19
Wen wij doodblijwe, nischt fon oos bliwt leewig. Jehovaa hät oos fom stow måkt. Wij sin flaisch un blaud. (Gênesis 2:7; 3:19) Wen oos breege doodbliwt, oos forneemen un gedanke ware al. Is dat wat mit Lazarus passijrt is. Dårweegen, as Lazarus werer leewe däir, har hai nischt taum fortelen oiwer der dood. — Lees Eclesiastes 9:5, 6, 10.
Häst duu al höört dat God dai lüür ine füürhöl brene löt? Dat sin groot loigen! Dai Bijbel däit wijse dat dai doore nischt forneeme un denke. Dat inlëren oiwer dai füürhöl is falsch un löt soo as wen God slecht is. Hai däir nij ais aine forbrene. God hasst soo’n gedanke. — Lees Deuteronômio 12:31.
Kijk dai film Wat Passijrt Wen Wij Doodblijwe?
3. Koine dai doore mit oos fortele?
Dai doore koine ni fortele un ni hööre. (Salmo 115:17) Åwer dat giwt slecht ängels wat mit der lüür fortele un daue sich anstele as wen sai dai sin wat dood sin. (2 Pedro 2:4) Jehovaa hät sägt wij döre ni forsuike mit der doore fortele. — Lees Deuteronômio 18:10, 11.
4. Wee wart fom dood upleewt?
Miljone lüür wat dood sin ware upleewt taum upe Ër leewe. Sogår wek wat ni oiwer God lërt häwe un häwe måkt wat God ni gefale däit ware upleewt. — Lees Lucas 23:43; Atos 24:15.
Dai wat upleewt ware koine den dai wårhët oiwer God lëre. Un den, koine sai wijse dat sai gloobe häwe doir Jësus horge. (Apocalipse 20:11-13) Wen sai horge daue, koine sai up ümer upe Ër leewe. — Lees João 5:28, 29.
5. Wat wist dat upleewen oiwer Jehovaa?
Dai doore koine upleewe weegen Jehovaa hät sij Kind schikt taum for oos doodblijwe. Den, dat upleewen wist dat Jehovaa sër gaut un lijblig is. Wem wist duu gërn trefe fon al dai lüür wat upleewt ware? — Lees João 3:16; Romanos 6:23.
