Jehovaa is air fröölig God un wil dat dai famijlge fröölig sin schåle. (1 Timóteo 1:11) Is hai wat dat frijgen inset hät. Dat wist dat God wil dat dai kërl un fruug wat ain famijlg häwe wile sich t’hoopsrijwe låte. Soo, ale ine famijlg daue sich lijblig un behüüten befijne. Dårweegen daue dai kristen sich t’hoopsrijwe låte un gåe nå dai leis upe stel woo sai wåne. — Lees Lucas 2:1, 4, 5.

Tau God, dat frijgen is mit aim kërl un ain fruug. Hai wil dat dai kërl un fruug air tau dem andrer reäl sin. (Hebreus 13:4) God hasst dat uutenanersrijwen. (Malaquias 2:16) Åwer, wen dai kërl urer dai fruug sich aine andrer neeme däit? Bloos den däit God erlaube dat dai wat kain schuuld hät uutsuike kan sich uutenanersrijwe låte un werer frijge. — Lees Mateus 19:3-6, 9.

Jehovaa wil dat dai kërl un fruug air dem andrer helpe däit. (Gênesis 2:18) Dai kërl hät twai groot daile oiwersich: (1) dai famijlg ernääre un (2)  dai kiner un dai fruug inlëre oiwer God. Dai kërl wat sijn fruug lijbt däit airste an eer denke. Dai kërl un fruug mut air der andrer lijbe un groote wërd geewe. Dat dai famijlg fröölig kan sin is nöörg lëre air der andrer forgeewe weegen wij ale måke forkërd daile. — Lees Efésios 4:31, 32; 5:22-25, 33; 1 Pedro 3:7.

Jërer forfrigt leewent hät eelent. Dai kërl un fruug muite forsuike dat eelent mit lijb int raich bringe. (1 Coríntios 13:4, 5) Dai Bijbel sägt dat dat uutenanergåen ni loone däit taum dat eelent dag for dag int raich bringe. — Lees 1 Coríntios 7:10-13.

Jehovaa wil dat dai kiner fröölig sin. Dårweegen, giwt hai gaur formånen tau eer. Jehovaa wät dat dai papa un mama koine eer kiner helpe un inlëre weegen dai häwe al feel daile in eer leewent lërt. (Colossenses 3:20) Dai kiner muite uk Jehovaa horge. Dai juugende wat måke wat Jehovaa un Jësus säge sin fröölig. — Lees Eclesiastes 11:9-12:1; Mateus 19:13-15; 21:15, 16.

Dai kiner bruuke tüüg, eeten un ain stel taum wånen. (1 Timóteo 5:8) Åwer sai sin bloos fröölig wen sai God lijbe un oiwer em lëre. Dai papa un mama muite der kiner dat inlëre. (Efésios 6:4) Wosoo? (1) Doir eer dat wijse. Wen dai papa un mama God lijbe is feel lichter dat dai kiner uk God lijbe. (2) Doir dai Bijbel benutse taum dai kiner inlëre. Soo, daue sai lëre gaur uutsuiken in eer leewent måke. — Lees Deuteronômio 6:4-7; Provérbios 22:6.

Is sër nöörg dai kiner låwe wen sai måke wat richtig is. Un nog, dai kiner muite uk inlërt un formånt ware. Soo häwe sai wënige eelent in eer leewent. (Provérbios 22:15) Åwer up neemlig tijd dai papa un mama döre ni tau streng sin un dai kiner mit wuut stråwe. — Lees Colossenses 3:21.

Jehovaas Tüügen häwe feel buiker un hefte wat koine der papa un mama un dai kiner helpe. Dës buiker un hefte wijse dai formånen fon God sij Woord. — Lees Salmo 19:7, 11.