KAPITEL 25
Woweegen leewe wij?
Dai Bijbel sägt dat dai lüür sij leewend is ‘kort un ful mit eelend.’ (Jó 14:1) Wul God dat wij soo leewe schule? Wat har God im wile dat hai dai lüür måkt hät? Däit dit aine dag wirklig passijre? Wat dai Bijbel hijr oiwer fortelt däit dij gefale.
1. Wosoo wil Jehovaa dat wij leewe schåle?
Jehovaa wil dat wij air fröölig leewend schåle häwe. Dat God dai Ër måkt hät, hai hät Adam un Eva måkt dat sai in dai fain Eden gåre leewe schule. Nåheer, “God hät eer seegent un God hät tau eer sägt: ‘Häwt kiner un wart feel; måkt dai Ër ful un bearbërt dai’”. (Gênesis 1:28) Jehovaa wul dat sai schule kiner häwe, dai gans Ër bearbëre taum ain paradijs måke un al tijre uppasse. God sijne wile wäir dat dai lüür gesund sin schule un dat sai up ümer leewe schule.
Wij waite dat dës daile sin ni soo passijrt. a (Kijk dai nåt) Åwer, hai wil dit nog måke. (Isaías 46:10 un 11) God wil dai lüür wat em horge daue, schåle air gaud leewend häwe up ümer. (Lees Apocalipse 21:3 un 4)
2. Wosoo koine wij hüüt air fröölig leewend häwe?
Jehovaa hät oos måkt ‘dat wij em bruuke daue’, dårweegen muite wij em kene un em dijne. (Lees Mateus 5:3 bet 6) God wil dat wij air stark ümgang mit em häwe, ‘dat wij ümer in em sijne weeg gåe, dat wij em lijbe daue, un dat wij em dijne daue mit oos ganse härts’. (Deuteronômio 10:12 un Salmo 25:14) Wen wij dit måke daue, koine wij wirklig fröölig sin, nog dat wij sër feel nood doirsete daue. Taum air fröölig leewend wirklig häwe wij muite Jehovaa dijne.
DAU MËR LËRE
Dau lëre oiwer Jehovaa sijn groot lijb dat hai dai Ër tau oos måkt hät. Dau uk lëre wat dai Bijbel inlërt oiwer woweegen leewe wij.
3. Jehovaa wil dat dai lüür air gaur leewend schåle häwe
Kijk dai VIDEO un nåheer fortel oiwer dai fråg hijr uuner:
-
Woweegen hät God dai Ër soo fain måkt?
Lees Eclesiastes 3:11 un nåheer fortel oiwer dai frågen hijr uuner:
-
Wat fon wünsch hät Jehovaa in oos härts rinermåkt? Wat wil hai tau oos soo’s dat wijst?
4. Wat Jehovaa wil tau oos is ni aners woore
Lees Salmo 37:11 un 29 un Isaías 55:11 un nåheer fortel oiwer dai fråg hijr uuner:
-
Wosoo waite wij dat dat wat Jehovaa wil tau oos is ni aners woore?
Air huus wat foråst is kan nåbuugt ware. Neemlig soo, dai lüür häwe dai Ër foråst, åwer Jehovaa däit dat int raich bringe tau der wat em lijbe daue.
5. Jehovaa dijne däit oos dai wår frööligkët geewe
Waite woweegen leewe wij kan oos frööligkët bringe. Kijk dai VIDEO un nåheer fortel oiwer dai fråg hijr uuner:
-
Wosoo is Terumi sij leewend aners woore dat sai lërt hät woweegen ais wij leewe daue?
Lees Eclesiastes 12:13 un nåheer fortel oiwer dai fråg hijr uuner:
-
Wen wij andenke an ales wat Jehovaa al måkt hät tau oos, wat muite wij den måke taum em gefale?
UN WEN AIR DIJ SOO FRÅGE DÄIT: “Woweegen leewe wij?”
-
Wat däist duu säge?
WAT HÄWE WIJ HIJR LËRT?
Jehovaa wil dat wij air sër gaur leewend schåle häwe un up ümer. Wen wij Jehovaa dijne mit oos ganse härts, wij ware air fröölig leewend häwe nog in dës swår tijd.
Denk dij ais nå
-
Wat fon sort leewend wul Jehovaa tau Adam un Eva?
-
Wosoo waite wij dat dat wat God tau dai lüür wil is ni aners woore?
-
Wosoo kast duu air wår un fröölig leewend häwe?
TAUM MËR WAITE
Woweegen koine wij oos sicher sin dat dai Eden gåre wirklig geewt hät?
“Eden gåre - Wårhët urer loigen?” (Wat Bekandmökt, 1 januar 2011)
Sai woweegen koine wij oos sicher sin dat dai Ër nij ais uutrot wart.
“Wart dai Ër aine dag uutrot?” (Stäit in jw.org taum leesen)
Woweegen leewe wij? Sai wat dai Bijbel sägt.
John däir maine dat hai ales ine leewend har, åwer hai hät ruuterfunge dår däir wat fëgle.
a Nåt: In dai anerd kapitel daue wij saie woweegen is ni passijrt wat God wul tau der lüür.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen. Duu kast dijn gans familg urer dijn fründe nööge taum dai Bijbel lëre t’hoop mit dij.
