Ik bün in ain klain stel geboore in dai gëgend fon Saxônia, in dai República Democrática Alemã. Mijn familg wäir sër lijblig, mijn papa un mama däire mij ümer belëre ain gaur mësch sin. In Saxônia weegen dai sort fon regirung wat regijre däir, dai mëste lüür, däire ni sich ankëre oiwer religion, sogår ik däir ni an God glööwe. Twai daile wat groot wërd tau mij hare bet mijn 18 jåre wäire dai comunismo un dat ik däir ni an God glööwe.

Woweegen däir ik soo gërn mage dai comunismo bijståe? Weegen dat is ain sort regirung woo ale lüür oiwerain sin un dat däir mij sër gefale. Ik däir maine dat dat gild un andrer daile wat dai lüür bruuke däire müste oiwerain uutdailt sin. Den kain wäir tau dul rijk urer arm. Ik häw anfånge wek comunista juugende mithelpe. As ik 14 jåre har ik häw anfånge an mithelpe up ain arbëd taum uld papijr werer benutse. Mijn arbëd hät soo gefale dai wat dai stad fon Aue wirtschafte däire, woo ik wåne däir, dat sai häwe sogår ain beloonen mij geewt. Lijkerst dat ik nog sër jong wäir ik däir al feel politik lüür fon comunismo kene. Ik däir maine dat mijn leewend däir richtig gåe.

Mit ais ales is aners woore. In 1989, Berlim sijn muur is ruunerreete woore, un feel regirung fon comunismo in Europa sin ruunerfale. Dat hät mij sër anstöt. Un nog ik häw ruuterfuune dat mijn land sijn regirung däir feel ungerechtigkët måke, soo as, dai wat comunismo ni bijståe däir, har ni dai neemlig gerechte as dai andrer. Den ik däir mij fråge: Åwer woo kan dat sin? Daue ni dai comunistas säge dat ale oiwerain sin? Kan dai comunismo bloos ain loigen sin? Dit ales hät mij feel kopbreeken geewt.

Ik häw dun anfånge an musik uutlëre un bijler anfarwe. Ik wul sër gërn ain måle mësch un ain musikanter sin. Dun ik häw besijdlåte ales wat mijn papa un mama mij inlërt häwe. Ik wul bloos tijdfordrijwe un feel bruud häwe up dai neemlig tijd. Lijkerst wen ik leewe däir soo as ik wul un bloos denke an musik speele un bijler anfarwe, dai tijd wat nog kåme däit, däir mij sër ängste. Ale küüne sogår mij angst saie doir dai bijler wat ik målt häw. Ik däir denke: Wat däit nog passijre mit mijn leewend? Wotau is dat leewend?

As ik dai antwooren tau mij frågen anfånge häw fijne dat hät mij sër bewunert. Aine dag ine schaul ik un andrer wat t’hoop mit mij lëre däire, däire fortele oiwer woo dat leewend wäir in dai tijd wat nog kümt. Ain määke wat Jehovaas Tüügen wäir, wat Mandy a haite däir, hät mij ain gaur formånen geewt: “Andreas, wen’s duu wist dai antwooren tau dijn frågen fijne oiwer dat leewend un dai tijd wat nog kümt, duu must saie wat dai Bijbel sägt dåroiwer.”

Ik häw ni sër anglööwt an dat wat sai sägt hät, åwer lijkerst soo ik wul saie wat dai Bijbel säge däir. Mandy hät mij dai kapitel 2 fon Daniel leese un dat hät mij sër bewunert. Dës kapitel sägt oiwer feel regirungs wat bet hüüt hen dai wild sër angåe däire. Sai hät uk weese andrer sprüüch fon dai Bijbel wat uutdüüre daue oiwer dai tijd wat nog kümt. Taulätst ik häw dai antwooren fuune tau mijn frågen. Nåheer ik häw grüüwelt: Wat dai Bijbel sägt is soo genau foiruutsägt woore. Däit dat wijse dat wirklig air God geewe däit? Den, wee kan genau säge wat nog passijre däit?

Mandy hät mij foir Horst un Angelika foirstelt, ain kërl un fruug wat Jehovaas Tüügen wäire wat mij sër mithulpe häwe dai Bijbel beeter forståe. Ik häw glijk saie dat dai Jehovaas Tüügen sin dai ainsig kirch wat dai lüür helpe däit God sijne nåme, Jehovaa kene. (Salmo 83:18 un Mateus 6:9) Ik häw uk lërt dat Jehovaa oos forspråke hät dat wij koine hijr upe Ër ine fain stel leewe up ümer un wij koine dår anglööwe. Dai Salmo 37:9 sägt: “Dai wat up Jehovaa luure, daue dai ër besite.” Waite dat ale lüür wat God horge daue up ümer leewe koine, hät mij sër fröögt.

Åwer is ni licht wääst måke wat dai Bijbel sägt. Ik häw mij sër anstrengt. In anfang ik häw müst lëre gewöönlig ware. Ik bün ain prålsak woore, weegen dai musik un dat ik däir bijler anfarwe. Is sër swår wääst hijnerlåte dai slechte daile wat ik måke däir. Ik dau Jehovaa danke dat hai air geduld God is un dat forgeewe däit. Hai süüt wofeel wij oos anstrenge daue taum sijne wile måke!

Bet mijn 18 jåre, ni an God glööwe un dai comunismo häwe mij sër angåe soo as ik denke däir, åwer nåheer ik häw anfånge glööwe an wat dai Bijbel sägt. Wat ik lërt häw hät mij hulpe kain angst mër forneeme oiwer dai tijd wat nog kümt un uk mij leewend gaud benutse. In 1993 ik häw mij tauwe låte soo as air Tüügen fon Jehovaa. Soiwen jåre nåheer ik häw mit ain swester frigt wat Tabitha haite däit. Sai däit sich sër anstrenge ine Jehovaa sijne arbëd. Hüüt daue wij mëste for oos tijd benutse taum andrer lüür helpe dai Bijbel gaud kene. Feel fon eer, soo as ik, fon klain an däire ni an God glööwe un dai comunismo däir eer angåe. Ik daue mij sër frööge dës lüür helpe Jehovaa beeter kene lëre.

As ik anfånge häw dai Bijbel lëre mit Jehovaas Tüügen, mijn papa un mama sin sër traurig woore. Åwer mite tijd, sai häwe saie dat dai Bijbel lëre, hät mijn leewend gans aners måkt. Nuu ik bün sër fröölig dat sai dai Bijbel leese daue un sogår daue dai kristlig forsamlung fon Jehovaas Tüügen taukijke.

Tabitha un ik sin sër fröölig in oos forfrigt leewend, weegen wij daue dai formånen fon God sij Woord någåe. Ain formåne is dat dai Bijbel däit kërl un fruug taureere taum reäl ain for dem andrer sin. An dës formånen glööwe mökt oos forfrigt leewend stärker. (Hebreus 13:4)

Hüüt ik häw kain angst for dai tijd wat nog kümt. Ik dau tauhööre tau ain groot familg fon Jehovaas Tüügen ine ganse wild. Wij häwe freere, wij sin ainig un mank oos kain däit dai andrer forachte, wij sin ale oiwerain. Ik wul sër gërn soo’n leewend häwe, nuu dat is wirklig soo.