Në, God sij Regirung is ni bloos air dail in der kristen eer härts. a Dai Bijbel däit genau inlëre woo God sijn Regirung blijwe däit, däit säge oiwer der soo as: “himlisch Regirung”. (Mateus 4:17) Dau saie, wosoo as dai Bijbel wijse däit, dat God sij Regirung air regirung im himel is.

•   God sij Regirung hät dai wat regijre, dai wat regijrt ware, leis un hät oiwersich God sijne wile insete im himel un upe Ër. (Mateus 6:10 un Apocalipse 5:10)

•   God sij Regirung wart regijre oiwer “al dat folk, gëgende un språke” upe Ër. (Daniel 7:13 un 14) Dës macht hät dai aigen God em geewt, ni dai lüür woo hai oiwer regijre wart. (Salmo 2:4 bet 6 un Isaías 9:7)

•   Jësus hät sägt dat sijn reäl apostels däire t’hoop mit em regijre soo as köönige im himel. (Lucas 22:28 un 30)

•   God sij Regirung däit al sijn fainde uutrote. (Salmo 2:1, 2, 8 un 9, 110:1 un 2, 1 Coríntios 15:25 un 26)

 Dai Bijbel däit ni inlëre, dat dai Regirung fom himel in oose härts is, soo’s wen dai regijre däit in aim mësche sijn härts. Åwer dai wijst dat, dat “woord fon regirung” urer dai “gaures nijges fon regirung” koine un muite oos inlåte. (Mateus 13:19 un 24:14)

Wat bedüüre dai wöör “God sij Regirung is in juuch”?

 Wek lüür daue ni onglig forståe, woo God sij Regirung blijwe däit, weegen soo as in wek Bijbels dëse spruch in Lucas 17:21 nåsrijwe daue. Soo as dai Almeida, revista e atualizada (up briånisch), sägt: “God sij regirung is in juuch.” Taum dëse spruch onglig forståe, muite wij saie wat dai sprüüch airer un nåheer säge daue.

 Jësus däir fortele mit dai Fariseus, ain grup religionschefs wat em sijn fainde wäire un hare sich uutdacht em doodmåke. (Mateus 12:14 un Lucas 17:20) Däir sich soo wat t’hooppasse denke, dat God sij Regirung, in soo’ne groosartige lüür eer härts wäir soo’s dai Fariseus? Jësus hät tau eer sägt: “Inwarts sin jij ful mit hijnerlistigkët un wat gëgen dai lei is.” (Mateus 23:27 un 28)

 In wek andrer Bijbels is dit gans genau nåsreewe woore wat Jësus sägt in Lucas 17:21: “God sij Regirung is mank juuch.” (Nova versão internacional, up briånisch) “God sij Regirung is mank juuch.”(Tradução do Novo Mundo) Dai Regirung fom himel wäir “mank” dai fariseus, weegen, Jësus dai köönig, wat uutsöcht is fon God, wäir dår mank eer, urer foir eer. (Lucas 1:32 un 33)