यसैया ६०:१-२२
६० “ए स्त्री, उठ!+ ज्योति चम्काऊ, तिम्रो ज्योति आइसकेको छ।यहोवाको महिमा तिमीमाथि चम्केको छ।+
२ हेर! पृथ्वीलाई अन्धकारले छोप्नेछ,घोर अन्धकारले राष्ट्रहरूलाई ढाक्नेछतर तिमीमाथि चाहिँ यहोवा चम्कनुहुनेछअनि उहाँको महिमा तिमीमाथि प्रकट हुनेछ।
३ जातिजातिका मानिसहरू तिम्रो ज्योतितर्फ आउनेछन्+अनि तिम्रो वैभव चम्किएको देखेर* राजाहरू+ तिमीतर्फ आउनेछन्।+
४ आँखा उठाएर चारैतिर हेर,तिनीहरू सबै भेला भएका छन् अनि तिमीकहाँ आइरहेका छन्।तिम्रा छोराहरू टाढा-टाढाबाट आइरहेका छन्+अनि तिम्रा छोरीहरूलाई काखमा बोकेर ल्याइँदै छ।+
५ यो देखेर तिम्रो अनुहार उज्यालो हुनेछ,+खुसीले तिम्रो मुटुको ढुकढुकी बढ्नेछकिनभने समुद्रको सम्पत्ति तिमीतर्फ ओइरिनेछ;जातिजातिको धनसम्पत्ति तिमीतर्फ आउनेछ।+
६ उँटको बथानले तिम्रो देशलाई* ढाक्नेछतिम्रो देश मिद्यान र एपाका जवान उँटहरूले भरिनेछ।+सेबाबाट सबै मानिस आउनेछन्;तिनीहरूले सुन र सेतो धूप* ल्याउनेछन्।तिनीहरूले यहोवाको गुणगान गाउनेछन्।+
७ केदारको+ सारा बगाल तिमीकहाँ आउनेछ।नबायोथका+ थुमाहरू तिम्रो लागि हाजिर हुनेछन्।तिनीहरूलाई मेरो वेदीमा चढाइनेछ र म त्यो स्विकार्नेछु+अनि म मेरो सुन्दर घरको शोभा बढाउनेछु।+
८ बादलसरि उड्दै आइरहेका यी को हुन्?ढुकुरहरू आफ्नो गुँडतिर फर्केर आइरहेझैँ देखिने यी को हुन्?
९ टापुहरू मेरो बाटो हेर्छन्;+तर्सिसका जहाजहरू सबैभन्दा अगाडि छन्,*ती जहाजहरूले तिम्रा छोराहरूलाई टाढाबाट ल्याउँदै छन्।+तिम्रा परमेश्वर र इस्राएलका पवित्र परमेश्वर यहोवाको नामको महिमा गर्नतिनीहरूले आफ्ना सुन र चाँदी ल्याउँदै छन्अनि परमेश्वरले तिम्रो सौन्दर्य* बढाउनुहुनेछ।+
१० विदेशीहरूले तिम्रा पर्खाल बनाउनेछन्अनि उनीहरूका राजाहरूले तिम्रो सेवा गर्नेछन्।+रिसाएर मैले तिमीलाई हिर्काएको थिएँतर अब खुसी भएर म तिमीलाई कृपा गर्नेछु।+
११ तिम्रा ढोकाहरू रातदिन खुला राखिनेछन्;+ती कहिल्यै बन्द गरिनेछैनन्,तिम्रो लागि देश-देशबाट धनसम्पत्ति ल्याउन ती खुला राखिनेछन्अनि यसो गर्न तिनीहरूका राजाहरूले अगुवाइ लिनेछन्।+
१२ जुन जाति र जुन राज्यले तिम्रो सेवा गर्दैन, त्यसको नामोनिसान मेटाइनेछ,त्यसको अस्तित्व नै रहनेछैन।+
१३ लेबनानको गौरव तिमीकहाँ आउनेछ;+धुपी, लाँकुरी र राइसल्ला एकसाथ तिमीकहाँ आउनेछन्+अनि मेरो पवित्र स्थानको* शोभा बढाउनेछन्।तब म मेरो पाउदानको गौरव बढाउनेछु।+
१४ तिमीलाई सताउनेहरूका छोराहरू तिमीकहाँ आउनेछन् अनि तिमीलाई दण्डवत् गर्नेछन्,तिम्रो अपमान गर्नेहरू सबैले तिम्रो खुट्टा ढोग्नेछन्,तिनीहरूले तिमीलाई यहोवाको सहर भन्नेछन्,तिमीलाई इस्राएलका पवित्र परमेश्वरको सियोन भन्नेछन्।+
१५ तिम्रो वास्ता गरिएन, तिमीलाई घृणा गरियो अनि तिम्रो बाटो हुँदै कोही गएन+तर अब तिमी सदाको लागि गर्व गर्ने कारण हुनेछौ,तिमी पुस्तौँपुस्तासम्म रमाहट गर्ने कारण हुनेछौ।+
१६ तिमीले जातिजातिको दूध पिउनेछौ,+तिमीले राजाहरूका छातीबाट दूध चुस्नेछौ;+तब तिमीले थाह पाउनेछौ, म यहोवा नै तिम्रो उद्धारक हुँ,म याकुबका शक्तिशाली परमेश्वर तिम्रो मुक्तिदाता हुँ।+
१७ म तामाको सट्टा सुनर फलामको सट्टा चाँदी ल्याउनेछु;म काठको सट्टा तामार ढुङ्गाको सट्टा फलाम ल्याउनेछु;म शान्तिलाई तिम्रो निरीक्षकअनि धार्मिकतालाई तिम्रो नाइके बनाउनेछु।+
१८ तिम्रो देशमा फेरि कहिल्यै हिंसाको स्वर सुनिनेछैन,तिम्रो सिमानाभित्र विनाश र बरबादीको खबर सुनिनेछैन।+तिमीले आफ्नो पर्खालको नाम उद्धार+ र ढोकाको नाम प्रशंसा राख्नेछौ।
१९ तिमीलाई सूर्यको प्रकाशको खाँचो पर्नेछैन,चन्द्रमाको उज्यालो पनि चाहिनेछैनकिनभने यहोवा नै सदासदा तिम्रो ज्योति हुनुहुनेछ+अनि तिम्रा परमेश्वर तिम्रो शोभा हुनुहुनेछ।+
२० तिम्रो सूर्य कहिल्यै अस्ताउनेछैनअनि तिम्रो चन्द्रमा कहिल्यै धमिलो हुनेछैनकिनभने यहोवा सदासदा तिम्रो ज्योति हुनुहुनेछ,+तब तिमीले कहिल्यै शोक गर्नुपर्नेछैन।+
२१ तिम्रा सबै मानिस धर्मी हुनेछन्;तिनीहरूले सदाको लागि देश अधिकार गर्नेछन्।तिनीहरू मैले रोपेका बिरुवा,मेरो शोभा बढाउने मेरो हातको काम हुन्।+
२२ थोरैचाहिँ हजार हुनेछअनि सानोचाहिँ शक्तिशाली जाति हुनेछ।म यहोवाले नै ठीक समयमा त्यसको वृद्धि गर्नेछु।”
फुटनोटहरू
^ वा “तिम्रो बिहानीको ज्योति देखेर।”
^ शा., “तिमीलाई।”
^ वा “महिमा।”
^ वा “पहिलाजस्तै आइरहेका छन्।”
