गीत ६९
परमेश्वरको राज्य सन्देश सुनाउन अघि बढ!
-
१. सुनाउँदै जाऊ राज्यको सन्देश
सब जाति र मुलुकलाई।
प्रेम गर्दै छिमेकीलाई मनमा
देऊ सन्देश ती सोझालाई।
याहको सेवा नै हाम्रो सम्मान;
गर्नेछौँ खुसीले यो काम।
सुनाइरहौँ है राज्य सन्देश;
पारौँ पवित्र उनको नाम।
(कोरस)
अघि बढी सुनाऊ राज्य
सन्देश कुना कुनामा।
अघि सरी वफादार
रहनू सधैँ याहमा।
-
२. मिलीजुली बढौँ अगाडि
शेष जन अनि ठूलो भीड।
बालक, वृद्ध र नरनारी
सत्य नै हो यिनको रीत।
सुन्नु जरुरी छ सबैले
राज्य सन्देश यहोवाको।
प्रचार गर्छौँ उनैको भरमा,
मूल उनी हाम्रो साहसको!
(कोरस)
अघि बढी सुनाऊ राज्य
सन्देश कुना कुनामा।
अघि सरी वफादार
रहनू सधैँ याहमा।
(भज. २३:४; प्रेषि. ४:२९, ३१; १ पत्रु. २:२१ पनि हेर्नुहोस्)
