Okwiimbwanga mumwe kwomaitaalo
Mbela omalongelokalunga agehe ohaga longele Kalunga gumwe?
Deut 32:16, 17; 1Aak 11:33; 1Kor 8:5, 6; 10:20
Mbela Jehova okwa hokwa ngaa omalongelokalunga ogendji ngoka haga longo aantu omalongo ga yoolokathana?
Mat 7:13, 14; Joh 17:3; Ef 4:4-6
Iiholelwa yopaMbiimbeli mbyoka tayi vulu oku ku kwathela:
Jos 24:15 — Josua okwa ti otu na okuhogolola ngele otatu longele Jehova nenge iikalunga
1Aak 18:19-40 — Jehova okwa li a longitha omuhunganeki Elia a tse omuthindo kutya aalongeli yaKalunga kaye na okulongela iikalunga, ngaashi Baal
Jehova oha kala e uvitile ngiini iikalunga yiigwana naamboka haye yi galikana?
Eks 12:12; Num 25:2-5; Deut 12:29-31; Sef 2:11
Jehova oha kala e uvite ngiini, uuna aantu taya ti otaye mu longele, ihe otaya longo shoka e tonde?
Jes 1:13-15; 1Kor 10:20-22; 2Kor 6:14, 15, 17
Iiholelwa yopaMbiimbeli mbyoka tayi vulu oku ku kwathela:
Eks 32:1-10 — Jehova okwa li a geya noonkondo, sho Aaron a thiminikwa kAaisraeli ooyakwawo a ninge ontana yoshingoli noku yi longitha mokudhana ‘oshituthi shOmuwa’
1Aak 12:26-30 — Omukwaniilwa Rehoboam okwa li a hambulitha iikalunga, opo aantu kaaya ye we kotempeli kuJerusalem ya ka longele Jehova, naashono osha ningitha oshigwana shi yone
Oshike shono Jehova a li a longo Aaisraeli, ngele tashi ya pokwiiyoolola ko kwaamboka haya longele iikalunga?
Eks 23:31-33; Deut 7:1-4
Jehova okwa li i inyenge ngiini, sho oshigwana sha tameke okulongela iikalunga?
Aatok 10:6, 7; Eps 106:35-40; Jer 44:2, 3
Iiholelwa yopaMbiimbeli mbyoka tayi vulu oku ku kwathela:
1Aak 11:1-9 — Omukwaniilwa Salomo okwa li a geyitha Jehova noonkondo, sho a thiminikwa kaakulukadhi aakwiilongo, a longele iikalunga
Eps 78:40, 41, 55-62 — Asaf okwa popi nkene uunashipotha wAaisraeli nokulongela iikalunga kwawo, kwa li kwa ehameke Jehova nokwe mu ningitha a ekelehi oshigwana she
Mbela Jesus okwa li ha yambidhidha omalongo ngoka ge li ompinge nOohapu dhaKalunga?
Iiholelwa yopaMbiimbeli mbyoka tayi vulu oku ku kwathela:
Mat 16:6, 12 — Jesus okwa li a yelekanitha omalongo gAafarisayi nAasadukayi nefulika, molwaashoka omalongo ngoka giifundja ohaga taandele nziya nohaga nyateke oshili yOohapu dhaKalunga
Mat 23:5-7, 23-33 — Jesus okwa li a aneke pomutenya eihumbato lyaafudhime nosho wo omalongo giifundja gaalongimpango nAafarisayi
Mark 7:5-9 — Jesus okwa li a popi sha yela kutya aalongimpango nAafarisayi ohaya simaneke omithigululwakalo dhopantu, pehala lyokusimaneka omalongo gomOohapu dhaKalunga
Mbela Jesus okwa li a ladhipike aalanduli ye, ya kale ya topolwa momalongelokalunga ga yoolokathana?
Iiholelwa yopaMbiimbeli mbyoka tayi vulu oku ku kwathela:
Joh 15:4, 5 — Jesus okwa li a longitha ethaneko lyomuviinu, a ulike uukumwe mboka aalanduli ye ya pumbwa okukala ye na naye nosho wo nAakriste ooyakwawo
Joh 17:1, 6, 11, 20-23 — Ongulohi ndjoka a li pamwe naayapostoli ye manga inaa dhipagwa, okwa galikana aalanduli ye yashili ya kale ye na uukumwe
Mbela Aakriste yomethelemumvo lyotango oya li ngaa ya itaala omalongo ga faathana nohaya longele Jehova momukalo gwa faathana?
Iiholelwa yopaMbiimbeli mbyoka tayi vulu oku ku kwathela:
Iil 11:20-23, 25, 26 — Omagongalo gomuAntiokia nomuJerusalem oga li haga longele kumwe noga hangana
Rom 15:25, 26; 2Kor 8:1-7 — Omagongalo gi ili nogi ili gomethelemumvo lyotango, oga li ga gandja omagano gokukwathela mboka ye na ompumbwe, shono sha ulike kutya ohole oye ga hanganitha
Mbela Kalunga okwa hokwa omalongelokalunga agehe ngoka haga ti kutya oga itaala muJesus?
Mat 7:21-23; 2Kor 11:13-15
Mbela Kalunga okwa hokwa ngaa omalongelokalunga gaantu mboka inaaya itaala momalongo gaKristus nogaayapostoli?
Iil 20:29, 30; 1Tim 4:1-3
Iiholelwa yopaMbiimbeli mbyoka tayi vulu oku ku kwathela:
Mat 13:24-30, 36-43 — Jesus okwa li a longitha ethaneko, a ulike kutya ngaashi owala omawu haga mene mepya, otaku ka kala Aakriste oyendji yiifundja, mboka taye ki ihanena momagongalo
1Joh 2:18, 19 — Omuyapostoli Johannes ngoka a li a kulupa, okwa popi kutya otaku ka kala aakondjithi oyendji yaKristus, mboka ya li taya ka holoka pehulilo lyethelemumvo lyotango
Oshike tashi ka ningwa po, ngele aantu mboka haya longo omalongo giifundja noinaya hala okuvulika kuKristus oya ethiwa ya kale megongalo?
2Kor 11:3; 2Pet 2:1-3; Jud 3, 4
Aakriste oye na okuninga shike, opo ya tsikile okukala ya hangana?
Omolwashike Aakriste kaaye na okukutha ombinga melongelokalunga lyiifundja?
2Kor 6:14-17; Eh 18:4
Omolwashike sha simana okulondodha aantu kombinga yomalongo giifundja?
Jer 14:14; 23:13, 14, 16; Mat 15:12-14; 23:13-26
Omolwashike kaatu na okukala twa kumwa, uuna aantu yomalongelokalunga giifundja taye tu pataneke noku tu ponokela?
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Mbela Oonzapo dhaJehova odha hangana noongeleka dhilwe?
Omalongo gOmbiimbeli geni haga wilike Oonzapo dhi yamukule epulo ndjoka?
OMAPULO GOPAMBIIMBELI TAGA YAMUKULWA
Mbela omalongelokalunga agehe oga faathana? Mbela agehe ohaga longele Kalunga?
Iinima iyali ya popiwa mOmbiimbeli, otayi gandja eyamukulo.
Embo lyandje lyokwiilonga Ombiimbeli
Uukwaniilwa tawu topolwa
Aaisraeli oyendji oye etha po okulongela Jehova.
KOMBINGA YETU
Pula ekonakonombiimbeli
Kundathaneneni epulo lyopaMbiimbeli nenge wu ilonge oshindji kombinga yOonzapo dhaJehova.
