Ta e ndo vɔrɔ bo Yehova na ngoi mɛ e ndo du ndoni kɔi, ka bombi, nga ka kota bombi ma, kanda e ndo li nga ni na bɛ e bere na ya ndasewa. Ba ambanga awangɔ mɛ alengbi ti zangɔ mɔ, na omɛ aba lingɔ sambela ti ndasewa nga mandangɔ Ngbangɔ tɛ mɔ nvɛ̃ni:

• Ndo lɛkɛ bombi. Mɔ lengbi ti kpãngɔ prɔgramɛ ti mandangɔ abia nga zangɔ azi ti ndasewa tɛ mɔ ya, ala lɛkɛ agbinya ti hɛ̃ngɔ ka bombi.

• Ndo di apandɛ ti ya Ngbangɔ. Na gesi, su bere li limɔ ti aye mɛ ĩ manda.

• Di atɛnɛ ti sambela kɔi mɛ mɔ lua kaya Ngbangɔ, wa ĩ tɛnɛ tɛnɛ ndoni nga ná se mɛ ni lengbi ti zangɔ ĩ ya, ĩ lɛkɛ sɛ tɛ ĩ ti lingɔ sambela.

• Ĩ ndo ba avideo mɛ akpã ni kaya jw.org, wa na gesi ĩ tɛnɛ tɛnɛ ndoni, ĩ su nga atɛni ti ngbondoni mɛ ĩ lua kaya ni.

• Ndo lɛkɛ tɛrɛ mɔ na ndo fɔrmasiɔ̃ mɛ e ndo lua kaya bombi ti ya pɔsɔ na omɛ aba hɛ̃ngɔ tɛrɛ mɔ na ya kwa ti fangɔ tɛnɛ

• Ĩ ngbɔ̃ li ĩ na ndo aye mɛ Yehova li, wa ĩ lua wangɔ na ndoni. a