Salmu 115:1-18
115 Ohiya hiyaano, khwoo Yehova, ohiya hiyaano,*Nyenya mvahe ovuwa nsina nanyuWa nthowa na osivela wanyu woororomeleya ni ororomeleya wanyu.
2 Ntakhara heeni maloko yaahaalaaya oloca eriki:
“Muluku aya ori woowi?”
3 Muluku ahu ori wirimu;Owo onnapaka soothene inamuhakalaliha.
4 Soophwaniherya saya ti sa eparata ni ooru,Muteko wa matata a achu.
5 Sookhalano eyano nto hinnawerya oloca;Miitho, nto hinnawerya woona;
6 Sookhalano maaru, nto hinnawerya wiiwa;Iphula, nto hinnawerya weemurya;
7 Sookhalano mata nyenya hinnawerya ophara echu;Inaani, nto hinnawerya weeca,Va mmilo vaya honakhumavo nsu.
8 Achu yaawo anapaka anahaala okhala ntoko seiho,Vamoha ni oothene yaawo anaroromela seiho.
9 Khwoo Isarayeli, omuroromele Yehova:
Owo nikhaviheryo naa ni eyaakiho aa.
10 Khwoo empa ya Aroni, omuroromele Yehova:
Owo nikhaviheryo naa ni eyaakiho aa.
11 Nyuwo munamoova Yehova, mmuroromele Yehova:
Owo nikhaviheryo nanyu ni eyaakiho anyu.
12 Yehova onnanuupuwela nave onamunireeliha:
Onahaala oreeliha empa ya Isarayeli;Onahaala oreeliha empa ya Aroni.
13 Onamwaareeliha yaale anamoova Yehova,Akhaani ni atokweene.
14 Yehova onamweeriha wi nyuwo mukhale awaaca,Nyuwaano vamoha ni anamwane anyu.
15 Nyuwaano mureelihiwe ni Yehova,Yoowo opanke erimu ni elapo yavathi.
16 Vooloca sa erimu, eyo ti ya Yehova,Nto elapo yavathi owo aavanhe anamwane a achu.
17 Alipa ookhwa hanamucicicimiha Yehova;Naari mano yaawo anakhuruwela wookhwani.*
18 Nto hiyo nnahaala omucicimiha YehovaOvinyerya hiihaano ni okhala wookhala.
Mmucicimihe Yehova!*
Inoota
^ Naari: “Hiyaavo enaniphwanela, khwoo Yehova, hiyaavo enaniphwanela.”
^ Mu Ehepiri, “oriwo elapo cuu.”
^ Mu Ehepiri, “Aleluya!” Nsu nla nookhalano marepeliwo ookhuveya a nsina, Yehova.
