Salmu 140:1-13
Wa muhooleli a macipo. Salmu a Tavite.
140 Mukoopole wa achu oonanara murima, khwoo Yehova;Mukikhapelele wa achu a nlala,
2 Wa yaale anuupuwelela weera ichu soonanara mmurimani mwayaNave anatannya owanawana nihiku noothene.
3 Annanola nlumi ntoko na enowa;Yeeyo enakhuma vayanoni vaya eri ntoko esenya ya ivili. (Selaha)
4 Mukikhapelele, khwoo Yehova, wa achu oonanara murima;Mukikhapelele wa achu a nlala,Yaawo anuupuwelela okeerela yoonanara.
5 Achu awiikhoma annavitha muraakho wi ekiheye;Ni mikoi, annareya mulapa museresere mwa mphiro.
Awo annakireela miraakho. (Selaha)
6 Miyo kinnaloca wa Yehova: “Nyuwo muri Muluku aka.
Mwiiwe, khwoo Yehova, mavekelo aka a vathi va murima ntakhara nikhaviheryo.”
7 Khwoo Yehova, Pwiya Ooweryaxa, Mvuluxa aka ooweryaxa,Nyuwo munnakhapelela muru aka mu nihiku na mukhico.
8 Khwoo Yehova, muhaakhwaniherye soochuna sa achu oonanara murima.
Muheemererye wi muupuwelo aya oonanara ekhumelele phaama, wi awo ehinnuwihiwe. (Selaha)
9 Simorele vamuru va yaale anakirukureryaSoonanara seiho analocaaya ni iyano saya.
10 Makhala a mooro yaamorele.
Evonyeryiwe vamooroni,Mmalici awiixa,* nave ehirwe tho evinye.
11 Mulipa awootha ahiphwanye nipuro veelaponi.
Otakhala owiikare achu a nlala nave waatoloxe.
12 Koosuwela wi Yehova onanwaakiha achu oothoiwaNave onanweerela ekhaikhai achu oohaawa.
13 Mweeparipari, eekhaikhai anamuthamalela nsina nanyu;Yaale ari awookololowa anamukhala vamiithoni vanyu.
Inoota
^ Naari: “Mu ihime sa maahi.”
