Salmu 29:1-11
Salmu a Tavite.
29 Mumvahe Yehova yeeyo enamphwanela, nyuwo anamwane a oowerya,Mumvahe Yehova yeeyo enamphwanela wanthowa na ncicimiho nawe ni ikuru.
2 Mumvahe Yehova ncicimiho nnaphwanela nsina nawe.
Mmukokhorele* Yehova ni soowara saweela.*
3 Nsu na Yehova ninniiweya vasulu va maahi;Muluku oocicimiheya onnoopa itari.
Yehova ori vasulu va maahi mancipale.
4 Nsu na Yehova ti noowerya,Nsu na Yehova ti noocicimiheya.
5 Nsu na Yehova ninnantaka miri sa seetru,Aa, Yehova onnanyaanya miri sa seetru so Liipano.
6 Owo onnamweeriha Liipano* ocupha ntoko mwaasaana a emope,Nave Siriyoni ntoko mwaasaana a enari.
7 Nsu na Yehova ninnakumiha* makalume a mooro;
8 Nsu na Yehova ninnathukumeliha ntakhwa;Yehova onnathukumeliha ntakhwa no Katesi.
9 Nsu na Yehova ninneeriha ikhomace othukumela ni oyara,Nave ninnavarakasa matakhwa.
Nave oothene mu empa awe annaloca eriki: “Ncicimiho!”
10 Yehova okiraanthe vamunyukhuni vawe vasulu va maahi oorweela;*Yehova okiraanthe vamunyukhuni vawe ntoko Mwene okhala wookhala.
11 Yehova onamwaavaha ikuru achu awe.
Yehova onamwaareeliha achu awe ni murecele.
Inoota
^ Naari: “Mmulape.”
^ Naari akhweya: “wanthowa na ovuwa wawe waweela.”
^ Woonaru inaahiwa miyaako so Liipano.
^ Naari: “ninnatolosa ni.”
^ Naari: “vasulu va maahi a wirimu.”
