Salmu 44:1-26
Wa muhooleli a macipo. Salmu a anamwane a Kora. Masikili.*
44 Khwoo Muluku, nohiiwa ni maaru ahu,Makholo ahu aanleelaSaweera seiho mwaapankaanyu mmahiku aya,Mmahiku akhalai.
2 Ni ntata nanyu mwahiikara maloko,Nave mwaatikitherya makholo ahu mwemmo.
Mwaavootha maloko nave mwiikara yaawo.
3 Awo hiiyakunxe elapo yeela wa nthowa na nlema naya,Naari mano hiyavoonthe wa nthowa na nwono aya.
Mweeparipari, waari wa nthowa na ntata nanyu noolopwana, wa nwono anyu ni omwaleela wa ethoi anyu,Woona wi mwaanasiveliwa ni yaawo.
4 Nyuwo muri Mwene aka, khwoo Muluku;Mulamule wi Yakopo aakhele* ovuluxa otokweene.*
5 Ni owerya wanyu nnanwiikara amwiicani ahu;Mu nsina nanyu nnamwaanyaparara yaale ananivinyerya.
6 Tiwi nkinaroromela munra aka,Nave nlema naka hiniwerya okivuluxa.
7 Ti nyuwo munivulunxe wa amwiicani ahu,Mwaalamwinhe yaale ananiica.
8 Nnarwa nimvaha ncicimiho Muluku nihiku noothene,Nave nnarwa nthamalela nsina nanyu okhala wookhala. (Selaha)
9 Nto vano nyuwo munnanikhooca ni onilamwiha,Nave himunaahoola anakhoco ahu.
10 Nyuwo munnaneeriha okookela oculi vamiithoni va mwiicani ahu;Yaale ananiica annanaakha mootaphuwa yeeyo anachunaaya.
11 Nyuwo munnaniveleela wi nikhuuriwe ntoko ipuchepuche;Munnanimwaramwaxela wa maloko.
12 Munnaatumiha achu anyu mahala ene;Hamunaphuravo echu mu waakuliha.*
13 Munnaneeriha okhala echu yoonyemuwa wa amwacamani ahu,Echu yoorohiwa ni yootheiha wa yaale anirukurenrye.
14 Munnaneeriha okhala echu yoonyemuwa variyari va maloko,Echu yeeyo achu anacikinyeryaaya muru.
15 Kinnalamwiheya nihiku noothene,Wuuliwa waka muru onnakihuruwela,
16 Wa nthowa na onyakula wa oroha ni oruwana waya,Wa nthowa na mwiicani ahu yoowo onavya wunla ikuhu.
17 Soothene seiha sooniphacuwela, nave naamwi hiiha, hanoocuwanleeni,Naari mano hanchekenle nlakano nanyu.
18 Murima ahu hohuwenle;Meecelo ahu hahin’ye ephiro anyu.
19 Nto nyuwo munnaninyaanyerya weiwo anapiili anakhalaayawo;Nave munnanikhuneela ni epiiphi etokweene.
20 Wakhala wi noocuwala nsina na Muluku ahu,Naari nookola matata nimvekelaka muluku mukina,
21 Apwanne Muluku hani asuwele yeeyo?
Owo oosuwela sawiiphiini sa murima.
22 Wa nthowa nanyu, nihiku noothene ninnaveleeliwa wookhwani;Nnooniwa ntoko ipuchepuche inaya wiiphiwa.
23 Khwoo Yehova, vinyani! Ntakhara heeni munatitelelaanyu okona?
Vinyani! Muhinikhooce okhala wookhala.
24 Ntakhara heeni munavithaanyu ethoi anyu?
Ntakhara heeni munaacuwalaanyu wuukhuwa wahu ni ohooxeya wahu?
25 Tiwi nohuuramihiwa* ophiyerya onchupini;Mwiili ahu woopatela vachayani.
26 Mweemele wi munikhaviherye!
Munoopole wa nthowa na osivela wanyu woororomeleya.
Inoota
^ Moone Masu Atharihiwe.
^ Naari: “Mumvahe Yakopo.”
^ Naari: “ovootha wawaakhwanela.”
^ Naari: “ni epereesu aya.”
^ Naari: “okumi ahu wohuuramihiwa.”
