¿Kech itoka kipiya toTajtsin?
Tlen Biblia kijtoua
ToTajtsin san se itokayo kipiya. Ika hebreo ijkin noijkuiloua יהוה niman ika español noijtoua “Jehová”. a Itoka toTajtsin uajnestiuj kanaj 7,000 veces ipan amatlajkuiloltin tlen yeuejkaui ononextijkej. Más miyekpa uajnestiuj itoka toTajtsin xijkon ken tlajtoltin “toTEKO” noso “toTajtsin”, noso okse tokayotl.
¿Jehová kinpiya okseki itokayouan?
Biblia kikui tokayotl Jehová ijkuak tlajtoua itech toTajtsin, san ika, noijki kinkui okseki tlajtoltin niman ijkon kiteneuas toTajtsin. Ipan recuadro tlen uajnestiuj tlatsintlan uelis tikitas kenon noijki noixmati toTajtsin. Nochi yejuin tlajtoltin techpaleuiyaj más kuajli matikixmatikan toTajtsin.
Ken noixmati |
Kampa uajnesi ipan Biblia |
Tlen kijtosneki |
|---|---|---|
Alá |
(Xuajnestiuj) |
Tlajtojli Alá ualeua itech tlajtojli árabe. Yejuin xse tokayotl, san se tlajtojli tlen kijtosneki “toTajtsin”. Ipan seki Biblias tlen yonotlajtolkuepkej ika árabe noso ika okseki tlajtoltin, onotlali Alá para kiteneuaskej toTajtsin. |
Akin nochi ueli kichiua |
Génesis 17:1 |
Xakaj nemi nion xitlaj onka tlen más makojtik ijkon ken yejua. Tlajtojli ika hebreo ’El Schaddái, tlen kijtosneki “toTajtsin akin nochi ueli kichiua”, uajnestiuj chikome veces ipan Biblia. |
Alfa niman Omega |
Apocalipsis 1:8; 21:6; 22:13 |
Alfa, ijkon itoka on kachtopa letra tlen ika peua alfabeto griego, niman omega itoka yejon letra tlen ika ontlami yejon alfabeto. Yejuin kijtosneki ika Jehová yejua akin kachtopa niman yejua akin sa ika tlami. Achto nemiskia Jehová xonen yakaj akin melak makojtik niman xkeman nemis okse ijkon ken yejua (Isaías 43:10). |
Akin yeuejkaui nemi |
Daniel 7:9, 13, 22 |
Ika yejua nemi desde ijkuak xyakaj uajnemiya niman desde ijkuak xitlaj nochijchiuaya (Salmo 90:2). |
ToTlachijchiujkauj |
Isaías 40:28 |
Ika yejua okichijchiuj nochi tlen onka. |
ToTaj |
Ika yejua techmaka tonemilis. |
|
ToTajtsin |
Génesis 1:1 |
Ijkon kixmatij yakaj noso itlaj tlen kiueyichiuaj, niman noijki yakaj akin kojtik. Tlajtojli hebreo ʼElohím kiteasikamachiltia ika san Jehová yejua akin más ueyixtok, akin noneki tiktlakaitaskej niman tikueyichiuaskej. |
ToTajtsin akin más ueyixtika itech nochimej dioses |
Deuteronomio 10:17 |
Ika san yejua toTajtsin akin más ueyixtika, niman ika yejua xijkon ken “on dioses yejuan san okinmachijchijkej” (Isaías 2:8). |
ToUeyitlamachtijkauj |
Isaías 30:20, 21 |
Ika techyekana niman techmachtia pampa kineki kuajli matinemikan (Isaías 48:17, 18). |
ToUeyitlachijchiujkauj |
Salmo 149:2 |
Ika yejua okichijchiuj nochi tlen onka (Apocalipsis 4:11). |
ToTajtsin akin yolpaki |
1 Timoteo 1:11 |
Ika yejua se toTajtsin akin kuelita yolpakis (Salmo 104:31). |
Akin kinkaki toteoyouan |
Salmo 65:2 |
Ika kinkaki nochimej akin kinotsaj. |
Nejua ninejua |
Éxodo 3:14 |
Yejuin xsan kiteititia ika toTajtsin melauak nemi. Ika hebreo yejuin tlajtoltin kiteititiaj ika toTajtsin uelis kichiuas noso nochiuas tlen noneki para kichiuas manochiua tlen yejua yokijto. Yejuin tlajtoltin noijki uelis notlajtolkuepas ken: “Nejua ninochiuas tlen niktlapejpenis ninochiuas” noso “nejua ninochiuas tlen nejua niknekis”. Yejuin techpaleuiya matikasikamatikan tlenon kijtosneki itoka toTajtsin, tlen uajnestiuj ipan Éxodo 3:15, itech Traducción del Nuevo Mundo. |
Akin kitlajtlani san yejua makiueyichiuakan |
Éxodo 34:14 |
Ika xkixikoua kitas makinueyichiuakan oksekimej tajtsitsintin. Yejuin tlajtoltin kiteititiaj ika kineki san yejua makiueyichiuakan. |
Tekiuaj akin nochipa nemi |
Apocalipsis 15:3 |
Ika san yejua kinamiki nochipa maueyixto. |
ToTeko |
Salmo 135:5 |
Ika yejua akin ueyixtika; ika hebreo noijkuilouaya ʼAdhóhn niman ʼAdhoním. |
Akin más ueyixtika |
Salmo 47:2 |
Ika xnemi yakaj akin más ueyixtika ken yejua. |
Dios Yektitikaj |
Proverbios 9:10 |
Ika san yejua akin más chipauak, xkipiya itlaj tlen xkuajli. |
Konchijchijketl |
Isaías 64:8 |
Ika yejua ueli technauatia niman ueli kinnauatia kalpamej, ijkon ken se “konchijchijketl” ueli kitekitiltia sokitl ijkon ken yejua kineki (Romanos 9:20, 21). |
Tetl |
Salmo 18:2, 46 |
Ika uelis itech titiyanaskej. |
Totemakixtijkauj |
Isaías 45:21 |
Ika yejua uelis techmakixtis itech mikilistli, itech itlaj tlen xkuajli niman ijkuak kijtos tlapopolos. |
Tlajpixketl |
Salmo 23:1 |
Techtlajpiya ijkon ken se tlajpixketl kintlajpiya iborreguitos. |
Ueyixtika Dios |
Daniel 7:18, 27 |
Yejua akin más ueyixtika. |
Seki tokayomej tlen uajnestiuej ipan Tlajkuiloltin ika Hebreo
Intoka seki tlaltin noso kalpamej kipiyaj itoka toTajtsin, san ika, xkijtosneki tla yejuin okseki itokayouan toTajtsin.
Itoka kalpan noso tlajli |
Kampa uajnesi ipan Biblia |
Tlen kijtosneki |
|---|---|---|
Jehovah-jireh |
Génesis 22:13, 14 |
“ToTEKO yejua kitemaka on tlen noneki”. |
Jehová-Salom |
Jueces 6:23, 24 |
“ToTEKO teyolseuiya”. |
¿Tleka melak noneki matikixmatikan niman matijkuikan itoka toTajtsin?
ToTajtsin kineki matikmatikan kenon itoka, yejua ika, miyekpa okitlali itoka ipan iTlajtol (Malaquías 1:11).
Ikoneuj toTajtsin, Jesucristo, miyekpa okijto ika melak noneki matijkuikan itoka iTajtsin. Ika yejon, yejua okimijli inomachtijkauan ijkin makichiuakan teoyotl: “ToTajtsin, akin tinemi ne iluikak, ma mitsyekteneua nochi tlakatl” (Mateo 6:9; Juan 17:6).
San tla tikixmatij niman tijkuij itoka Jehová, uelis iuan touikaskej (Salmo 9:10; Malaquías 3:16). Tla tejuamej iuan touikaj, yejua techijlia tlenon kichiuas topampa: “Nikmakixtis on yejuan nechtlajsojtla, niman nikmanauis on yejuan nechixmati” (Salmo 91:14).
Biblia kijtoua ika ne ipan cielo noso ipan in tlaltikpaktli onka miyek tlemach tlen noteneuaskiaj dioses niman ika oniaskiaj miyekej dioses niman tekomej (1 Corintios 8:5, 6). Kuakon, ijkuak tejuamej tikteneuaj itoka toTajtsin Jehová, kuajli titeasikamachiltiaj ika tikteneujtokej toTajtsin akin melauak, itoka Jehová (Salmo 83:18).
a Sekimej ixtlamatkej akin kuajli kixmatij tlajtojli hebreo más kuelitaj kitlajtolkuepaskej ken “Yahweh” noso “Yahvé”..
Puede que también le interese
ENSEÑANZAS IMPORTANTES DE LA BIBLIA
¿ToTajtsin kipiya itoka?
ToTajtsin miyek ken kixmatij, ijkon ken: Akin Ueyixtika, Tlachijchiujketl niman toTeko. Yejuin video kiteititia ika itoka toTajtsin notekitiltia ipantsin 7,000 veces ipan Biblia.
TOTECHKOPA
Xteijli mamitstlajpalotij
Xkita tlen Biblia temachtia noso xmati más itech iteixpantijkauan Jehová.