PARTE 7
¿A̱’ yej Jesús?
Jehová kiné’ iga Jesús mawiki pan Ta̱jli (1 Juan 4:9)
Achto iga Jehová makichi̱wa Adán, kichij se̱ ángel ajko yej kipiá komati tajpal. Dios kineki iga no̱ matikakikan iní̱n ipiltsi̱n.
Panoj komati xiwimej iga Dios kichij iní̱n ángel, wa̱n Jehová kiné’ mawiki ipiltsi̱n pan Ta̱jli ken se̱ ta̱ga’. Kichij iga pan a̱ltepe̱’ Belén se̱ tago yej ito̱ka̱ María makipiá ikone̱’. Kito̱ka̱wijkej Jesús (Juan 6:38).
Ke̱man Jesús onoya pan Ta̱jli, kine̱xtij iga yajki se̱ ye̱kti ta̱ga’ wa̱n kinekiá inochimej, ijkó̱nsan ken Jehová. Tajta̱gamej wa̱n siwa̱tkej kinekiáj maonokan ina̱. Amajmawi iga kine̱xtij te̱ kijtowa Dios.
Tajta̱gamej wa̱n siwa̱tkej kijiyakej Jesús wa̱n akiye̱ʼitakej tejté̱ ye̱kti yej yéj kichij (1 Pedro 2:21-24)
Jesús kijtoj iga yej tamachtiayaj de Dios pan a̱ltepe̱’ judío takajkaya̱wayaj wa̱n kichi̱wayaj yej aye̱kti, wa̱n iní̱n kichij iga makijiyakan.
Wa̱n no̱ kipajtij yej kipiayaj kokolis wa̱n kixitij sekin yej miktoyaj.
Yej tamachtiayaj pan a̱ltepe̱’ judío kichijkej iga tekiwajmej romanos makiwi̱tekikan Jesús wa̱n makimiktikan.
