¡MATISATOKAN!
¿Melá̱ wel el mundial de fútbol kiseka̱ntiá la gente? | ¿Te̱ kijtowa la Biblia?
Mocha’ iga ken 5.000 millones de personas makitakan la Copa Mundial de la FIFA, yej tsi̱nti pan 20 de noviembre wan tami pan 18 de diciembre de 2022. Miakejmej kijtowaj iga eventos ken iní̱n wel kiseka̱ntiá la gente, ayá̱ kua̱san kitaj el mundial.
«El deporte wel kipata el mundo, kichi̱wa iga la gente mamomachi̱li ye̱kti, ateyi seu’ tejté̱ yej makichi̱wa iga la gente maseka̱ntito» (Nelson Mandela, expresidente de Sudáfrica).
«El fútbol […] kiseka̱ntiá la gente iga makipiakan esperanza, wan masenpa̱kikan, mamomachi̱likan ye̱kti, mamonekikan entre nochimej» (Gianni Infantino, presidente de la FIFA). a
¿El futbol kiseka̱ntiá la gente iga makipiakan esperanza, wan masenpa̱kikan, mamomachi̱likan ye̱kti, mamonekikan entre nochimej? ¿ Wel la gente moye̱wigas wan seka̱ntitoskej?
¿Kichi̱was masekantitokan?
El mundial de iní̱n año ayejsan fútbol. Iní̱n evento deportivo kichij iga matajla̱mikikan pan los derechos humanos, el racismo wan la desigualdad económica.
Aunke ijkon, miakejmej tajla̱mikij iga iní̱mej eventos deportivos internacionales ken el mundial de fútbol kichi̱wa iga la gentej mayo̱lpa̱kikan. Pero, aunke la gente kinekiskiá, iní̱n eventos akichi̱wa iga maseka̱ntitokan nochipa. Al contrario: kine̱xtiá ken tajla̱miki la gente wan ken nemij, yej kichi̱wa iga amo maseka̱ntitokan. La Biblia kijtojkaya’ kén nemiskiáj la gente wan kijtowa iga iní̱n kine̱xtiá iga tonokej pan «itamilis de iní̱nmej días» (2 Timoteo 3:1-5).
Yej melá̱ kichi̱was iga matisekantitokan
La Biblia tajtowa de se̱ esperanza yej kichi̱was iga nochi el mundo mamoseka̱ntito. Kijtowa iga nochi las personas pan ta̱jli sekantitoskej pan se̱ gobierno celestial yej moto̱ka̱wiá «Irreinoj Dios» (Lucas 4:43; Mateo 6:10).
El Rey de iní̱n Reino, Jesucristo, kichi̱was iga maono paz mundial. La Biblia kijtowa:
«Yej ye̱ʼnemi ken kua̱ xo̱chowas, wan onos komati paz» (Salmo 72:7).
«Yéj kimanawis yej pobre yej tsajtsi iga kitajtani makipale̱wi̱kan […]. Kima̱kixtis de yej kiyo̱lmiktiáj wan de la violencia» (Salmo 72:12, 14).
Wan a̱man yej tene̱xtiliá Jesús nemiya kiseka̱ntiá a millones de personas pan 239 países wan territorios, wan nemi kipale̱wiá iga mamoye̱ʼwigakan. Iga xikmati ma̱j, Xikita la serie de artículos «Rompamos el ciclo del odio».
a La Federación Internacional de Fútbol Asociación yawi se̱ institución yej kojkui̱ltiá las asociaciones de fútbol a nivel internacional.
Puede que también le interese
XINE̱IXMATIKAN
Xiktajtani iga ágaj mamitspaxa̱lowili
Ximomachti yej timotajtani de la Biblia, o xikmati ma̱j de yej tajto̱lmoya̱waj de Jehová.
