He Aho Faraile ia Fepuari 24, 2023 ne tū e taha e tau he kamata e felakutaki i Ukraine. Hagaao ke he falu hokotaki, kavi ke he 300,000 he tau kautau Ukraine mo Rusia ne kelipopo po ke pakia ti kavi ke he 30,000 he tau tagata noa ne talitonu kua mamate he felakutaki. Ka e liga lahi atu e numera katoa.

 Momoko ai kua liga nakai oti mafiti e felakutaki nei.

•   “Teitei taha e tau tali he o atu e matakau tau ha Rusia ki Ukraine ti nakai fai fakakiteaga to oti mafiti e latau. Liga to nakai kautū e tau faahi ne ua ke he pule fakakautau mo e to nakai moua e taliaaga he tau fakatutala.”​—NPR (National Public Radio), Fepuari 19, 2023.

 Tokologa e tagata ne tupetupe lahi mahaki he mamahi mo e matematekelea ha ko e latau nei ne lauia e tau tagata he lalolagi katoa. Ko e heigoa e amaamanakiaga he Tohi Tapu? To fakaoti nakai e felakutaki?

 Tutala e Tohi Tapu hagaao ke he felakutaki ka fakahao e tau tagata ka e nakai kelipopo ai. Ko e tauaga ia ne iloa ko Amaketo ti fakamaama ai ko e “tau ke he aho lahi he Atua mana.” (Fakakiteaga 16:14, 16) Puhala mai he felakutaki ia, to utakehe he Atua e pule he tagata ne kua fakatupu e tau felakutaki loga ne moumou. Ke iloa to moua mai i Amaketo e mafola tukulagi, totou e tau vala nā:

•   “What Is the Battle of Armageddon?”

•   “Amaketo ko e Tala Mitaki!”