Woke Umuntu Ufuna Ingomuso Elingcono
Ufuna ingomuso elinjani? Abantu abanengi bafuna ithabo, ipilo ehle, ukuthula nokuphumelela. Akunakuzaza ukuthi ninomndenakho nani niyakufuna lokho.
Nanyana kunjalo, abantu abanengi abaqiniseki ukuthi bangalithola ingomuso abalifisako. Ngokwesibonelo, isindabelaphi i-COVID-19 ibangele amatjhuguluko angakalindeleki endleleni abantu abaphila ngayo, yandise umtlhago beyabulala abantu abanengi. Yeke, abantu bacabanga ukuthi angekhe babe nengomuso elingcono.
Ngebanga lokungaqiniseki okunjalo, abantu abanengi baya phasi phezulu bafunana nezinto ezizobasiza bafumane ingomuso elingcono. Abanye bakholelwa ukuthi kunemimmoya ethileko elawula ukuphila kwabo. Abanengi bacabanga ukuthi ukuba nefundo ephakemeko nokuba nemali kuzobanikela koke lokho abakufunako. Abanye bacabanga ukuthi ukuba mumuntu olungileko kuzobenza babe nokuphila okuthabisako.
Inga-kghani koke lokhu kungakunikela ingomuso olifisako? Bona ufumane ipendulo, cabangisisa ngemibuzo le:
Khuyini elawula ukuthi ingomuso lakho lizokuba njani?
Inga-kghani ukuba nefundo ephakemeko nemali, kusiqinisekiso sokuthi uzokuba nepilo engcono?
Inga-kghani ukuba mumuntu olungileko kukuqinisekisa ukuthi uzokuba nengomuso elihle?
Ungasifumanaphi iseluleko ongasithemba malungana nengomuso elingcono?
IsiThalesi singakusiza uthole iimpendulo.
Okhunye Ongakuthabela
IIMFUNDISO ZEBHAYIBHELI EZIQAKATHEKILEKO
Uyini UmBuso KaZimu?
Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.
IIMFUNDISO ZEBHAYIBHELI EZIQAKATHEKILEKO
Singaqiniseka Njani Bona IBhayibhili Ikhuluma Iqiniso?
Nangabe iBhayibheli latlolwa nguZimu, kufuze bona ayikho incwadi efana nayo.
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
