AmaRhubo 104:1-35
104 Umphefumulwami awudumise uJehova.+
Maye! Jehova Zimami, umkhulu khulu.+
Wembethe ubukhosi* nephazimulo.+
2 Uziphuthele ngomkhanyo+ ngasuthi sisambatho;Welule izulu kwanga litende.+
3 Ubeke iingodo zekumbakhe ephezulu, phezu kwamanzi asemkayini,+Wenza amafu ikaranakhe,+Ukhamba phezu kwamaphiko womoya.+
4 Wenza iingilozi zakhe zibe namandla,*Wenza neenceku zakhezibe mlilo orhiribidelako.+
5 Usekele iphasi phezu kweensekelo zalo;+Angeze lasuswa endawenalo kuze kube ngokungapheliko.+
6 Uligubuzese ngamanzi amanengi ngasuthi sisambatho.+
Amanzi ajame phezu kweentaba.
7 Nawuwakhalimako abaleka;+Nawezwa itjhada lokuduma kwakho abaleka ngebanga lokuthukwa
8 Iintaba zakhuphuka,+ imirhoba yehla,Yaya endaweni oyenzele yona.
9 Uwabekele umkhawulo okungakafuzi awudlule,+Ukwenzela bona angasagubuzesa iphasi godu.
10 Uthumela imithombo emirhobeni;Igeleza hlangana neentaba.
11 Inikela zoke iimbandana amanzi;Nabodumbana bemmangweni baqeda lapho ukoma.
12 Iinyoni zakha iindleke ngaphezu kwayo;Zibhina hlangana namakari wemithi.
13 Uthelelela iintaba aseenkumbeni zakhe eziphezulu.+
Ngesithelo semisebenzakho iphasi liyaneliseka.+
14 Wenza utjani bukhule bona iinkomo zidleUpha nabantu iintjalo bona balime,+Ukwenzela bona bafumane ukudla okuvela ehlabathini
15 Newayini elenza ihliziyo yomuntu ithabe,+Namafutha enza ubuso buphazime,Noburotho obupha umuntu ofako amandla.+
16 Imithi kaJehova yanelisekile,Imisedari yeLibhanoni ayitjalileko,
17 Lapho iinyoni zakha khona iindleke.
Nendlu kadoyi+ isemithini yomjunipha.
18 Iintaba eziphakemeko ngeezembuzi zommango;+Amadwala asiphephelo seembila.+
19 Wenze inyanga bona itshwaye iinkhathi;Ilanga lazi kuhle bona litjhinga nini.+
20 Uletha ubumnyama begodu kuba sebusuku,+Lokha iimbandana zehlathini nazizulazulako.
21 Amabhubezana ayabhodla afuna inyamazana+Afuna nokudla kwawo kuZimu.+
22 Ilanga naliphumako,Ayahlehla, alala nendawenawo.
23 Umuntu utjhinga emsebenzinakhe,Usebenza bekube sentambama.
24 Qala bona minengi kangangani imisebenzakho Jehova!+
Yoke uyenze ngokuhlakanipha.+
Iphasi lizele ngokwenzileko.
25 Kunelwandle elizikileko nelibanzi,Elizele izinto ezinengi eziphilako, ezincani nezikulu.+
26 Imikhumbi ikhamba lapho,NoLeviyathani*+ omenzileko bona adlale lapho.
27 Koke kulinda wenaBona ukuphe ukudla kwazo ngesikhathi esifaneleko.+
28 Okunikela zona, ziyakubuthelela.+
Nawuvula isandla sakho, zaneliseka ngezinto ezihle.+
29 Nawufihla ubuso bakho, ziyathikamezeka.
Nawuthatha ummoyazo, ziyafa, zibuyele ethulini.+
30 Nawuthumela ummoyakho, ziyabunjwa,+Begodu wenza zoke izinto ephasini zibe zitjha.
31 Iphazimulo kaJehova izokuhlala ngokungapheliko.
UJehova uzokuthaba ngemisebenzakhe.+
32 Uqala iphasi bese liyahlengezela;Uthinta iintaba, zithunye intuthu.+
33 Ngizokubhinela uJehova+ ukuphila kwami koke;Ngizokubhinela uZimami iindumiso nangisaphilako.+
34 Imicabangwami ayimthabise.*
Ngizokuthaba ngoJehova.
35 Izoni zizokuqedwa ephasini,Abakhohlakeleko angekhe basabakhona.+
Umphefumulwami awudumise uJehova. Dumisa uJah!*
Imitlolo Ephasi
^ Namkha “isithunzi.”
^ NgesiHebheru, “mmoya.”
^ Qala Ihlathululo.
^ Namkha kungenzeka “Ukuzindla kwami akuthabise uZimu.”
^ Namkha “Haleluya!” Elithi “Jah” sirhunyezo segama elithi Jehova.
