AmaRhubo 21:1-13
Kumnqophisi. Ingoma kaDavida.
21 Maye! Jehova, ikosi iyathaba ngamandlakho;+Qala bona ithaba kangangani ngesindiswakho!+
2 Uyinikele lokho okufiswa yihliziywayo,+Begodu azange uyidime nayikubawako. (Sela)
3 Ngombana uyihlangabeza ngeembusiso ezinengi;Uyithwese isihlohlo segolide elitsengiweko.+
4 Ikubawe ukuphila, wayinikela khona,+Ukuphila isikhathi eside, iye ukuphila okungapheliko.
5 Isindiswakho iyilethela idumo elikhulu.+
Uyinikele isithunzi nephazimulo.
6 Uyibusise isiphelani;+Uyenza ithabe ngethabo lokuba khona kwakho.+
7 Ngombana ikosi le ithemba uJehova;+Ngebanga lethando* loPhezukoke, angekhe isikinywe.+
8 Isandla sakho sizokufumana woke amanabakho;Isandla sakho sokudla sizokufumana labo abakuhloyako.
9 Ngesikhathi esibekiweko nawubatjhejako, uzobenza babe njengekehla yomlilo.
UJehova uzobaginya ngelaka lakhe begodu umlilo uzobaqeda.+
10 Uzokubhubhisa isithelo sabo* ephasini,Neenzukulwana zabo hlangana namadodana wabantu.
11 Ngombana bebahlose ukukulimaza;+Baluke amano angekhe aphumelele.+
12 Ngombana uzobenza bahlehle+Ngokubakorola ngomsubelakho.
13 Ngilwela Jehova, utjengise amandlakho.
Ngebanga lamandlakho, sizokubhinela iindumiso.
