AmaRhubo 64:1-10
-
Isivikelo ekusahleleni okufihlekileko
-
“UZimu uzobadumuza” (7)
-
Kumnqophisi. Ingoma kaDavida.
64 Maye! Zimu, ngiyakurabhela, yizwa iphimbo lami.+
Vikela ukuphila kwami ngombana inaba lami liyangithusa.
2 Ngivikela emaqhingeni afihlekileko wabakhohlakeleko,+Esiqubuthwini sabenzi bokumbi.
3 Balola ilimu labo njengesabula;Banqophisa amezwabo ahlabako njengemisubela,
4 Bona badumuze onganamlandu baseendaweni zabo zokubhaca;Bamdumuza angakalindeli, banganavalo.
5 Bakakarela ehloswenabo embi;*Babonisana ngokuthi bangazifihla njani iinthiyo zabo.
Bathi: “Ngubani ozozibona?”+
6 Bafuna iindlela ezitja zokwenza okumbi;Baluka amano wobuqili ngemsitheleni;+Izinto eziseenhliziyweni zabo azizwisiseki.
7 Kodwana uZimu uzobadumuza;+Ngibo abazokulinyazwa msubela kungakalindeleki.
8 Bazokuwiswa lilimu labo;+Boke ababukeleko bazokunikina iinhloko.
9 Yeke boke abantu bazokusaba,Bazokumemezela lokho uZimu akwenzileko.
Bazozilemuka izenzo zabo.+
10 Olungileko uzokuthaba ngoJehova, aphephele nakuye;+Boke abalungileko ehliziyweni bazokuthaba.*
