AmaRhubo 68:1-35
Kumnqophisi. Irhubo lakaDavida. Ingoma.
68 UZimu akasikime, amanabakhe akarhatjheke,
Labo abamhloyako ababaleke phambi kwakhe.+
2 Njengentuthu ephembethwa mumoya, kwanga ungabaphembetha;Abakhohlakeleko ababhubhe phambi kwakaZimu,Njengalokha amafutha weliju arhadzileko ancibilika phambi komlilo.+
3 Kodwana abalungileko abathabe;+Kwanga bangathaba khulu phambi kwakaZimu;Kwanga bangajekezela.
4 Bhinelani uZimu; bhinelani igama lakhe iindumiso.+
Bhinelani Loyo odlula emmangweni othabaleleko.*
Igama lakhe nguJah!*+ Thabani phambi kwakhe!
5 Uyise wabanganabobaba nomvikeli* wabahlolokazi+NguZimu endawenakhe ecwengileko.+
6 UZimu unikela labo abanganabani indawo yokuhlala;+Ukhupha iimbotjhwa azise epumelelweni.+
Kodwana abanekani* kufuze bahlale enarheni eyomileko.+
7 Maye! Zimu, lokha nawurhola abantu bakho,+Lokha nawumatjha erhalawumbeni, (Sela)
8 Iphasi lasikinyeka;+Izulu lana ngebanga lakaZimu;ISinayi le yasikinyeka ngebanga lakaZimu, uZimu ka-Israyeli.+
9 Maye! Zimu, wenze bona kune umvimbi;Wavuselela abantu bakho abadiniweko.*
10 Bahlala ekampenakho yamatende;+Maye! Zimu, ngobuhle bakho, wondla abadududu.
11 UJehova ukhupha umyalo;Abafazi abamemezela iindaba ezimnandi balibutho elikhulu.+
12 Amakhosi wamabutho ayabaleka,+ ayabaleka!
Umfazi osala ekhaya ufumana ingcenye yepahla ethunjiweko.+
13 Ngitjho nanyana nina bantu benilala hlangana nomlilo osekampeni,*Nizokufumana ijuba elinamaphiko alekwe ngesiliva,Nelinamasiba wegolide ecwengiweko.
14 Lokha uMninimandla Woke nakaphadlhalaja amakhosayo,+Igabhogo lakhithika eTsalimoni.*
15 Intaba yeBhatjhani+ yintaba kaZimu;Intaba yeBhatjhani yintaba yeenqongolo.
16 Kubayini niqala ngelihlo elinomona nina ntaba zeenqongolo,Niqala intaba uZimu akhethe ukuhlala kiyo?+
Nangambala, uJehova uzokuhlala khona ngokungapheliko.+
17 Iinkarana zepi zakaZimu zimatjhumi weenkulungwana, iinkulungwana phezu kweenkulungwana.+
UJehova uze endawenakhe ecwengileko avela eSinayi.+
18 Ukhuphukele phezulu;+Wathatha iinthunjwa;Wathatha izipho ezibabantu,+Maye! Jah Zimu, ngitjho nabanekani,+ bona uhlale hlangana nabo.
19 Akadunyiswe uJehova, osithwalela imithwalwethu qobe langa,+UZimu weqiniso wesindiswethu. (Sela)
20 UZimu weqiniso unguZimu osindisako kithi;+UJehova iKosi ePhakemeko uhlenga ekufeni.+
21 Iye, uZimu uzokuphahlaza iinhloko zamanabakhe,Ihloko kananyana ngubani oraga nokwenza isono.*+
22 UJehova uthe: “Ngizobabuyisa eBhatjhani;+Ngizobabuyisa ekuzikeni kwelwandle,
23 Ukwenzela bona inyawo lakho limanziswe ziingazi+Nelimu lezinja zakho likhothe iingazi zamanaba.”
24 Maye! Zimu, babona imijeje yabantu bakho,Imijeje yabantu bakho Zimami, Kosami, endaweni ecwengileko.+
25 Ababhini bakhamba phambili, ababetha iinliliso zesinara bayabalandela;+Phakathi kunabantazana abaphethe abosotjherere.+
26 Dumisani uZimu ebandleni elikhulu;Dumisani uJehova nina abavela eMthonjeni ka-Israyeli.+
27 Lapho uBhenjamini+ ongomncani kunabo boke, uyabahlula,Namakhosana wakwaJuda nesiqubuthu sawo esinetjhada,Amakhosana wakwaZebuloni, amakhosana wakwaNafitali.
28 UZimakho umemezele ukuthi uzokuba namandla.
Maye! Zimu, veza amandlakho njengombana ukhe wenza ngaphambilini.+
29 Ngebanga lethempeli lakho eJerusalema,+Amakhosi azokulethela izipho.+
30 Khalima iimbandana zomhlanga,Isiqubuthu seenkunzi+ namakonyanazo,Bekube kulapho iintjhaba zikhothama ziletha* izinto zesiliva.
Kodwana uphadlhalaja iintjhaba ezithatjiswa yipi.
31 Kuzokulethwa izinto zebhronzi zivela* eGibhide;+IKutjhe izokurhaba ukuletha izipho kuZimu.
32 Maye! Mibuso yephasi, bhinelani uZimu,+Bhinelani uJehova iindumiso, (Sela)
33 Kiloyo okhwele izulu lezulu lekadeni.+
Qala! Iphimbo lakhe liduma njengezulu, iphimbo lakhe elinamandla.
34 Vumani ukuthi uZimu unamandla.+
Ubukhosi bakhe buphezu kwaka-IsrayeliNamandlakhe asemafini.
35 UZimu uyababazeka endawenakhe ecwengileko ekulu.+
UnguZimu ka-Israyeli,Onikela abantu amandla.+
Akadunyiswe uZimu.
Imitlolo Ephasi
^ Namkha kungenzeka “emafini.”
^ Elithi “Jah” sirhunyezo segama elithi Jehova.
^ NgesiHebheru, “nomahluleli.”
^ Namkha “abavukelako.”
^ NgesiHebheru, “ilifa lakho elidiniweko.”
^ Namkha kungenzeka “eembayeni zezimvu.”
^ Namkha “Kwaba ngasuthi kukhithike igabhogo eTsalimoni.”
^ NgesiHebheru, “nomlandwakhe.”
^ Namkha kungenzeka “zigadange.”
^ Namkha kungenzeka “Kuzokuza abazenda bavela.”
