Izaga 12:1-28
12 Loyo othanda isiyalo uthanda ilwazi,+Kodwana loyo ohloya ukusolwa akanangqondo.+
2 Umuntu olungileko wamukelwa nguJehova,Kodwana uyamlahla umuntu onamaqhinga akhohlakeleko.+
3 Umuntu angeze azivikela ngokwenza ukukhohlakala,+Kodwana abalungileko angeze baruthulwa.
4 Umfazi onobukghoni usihlohlo endodenakhe,+Kodwana umfazi owenza izinto eziphathisa iinhloni unjengokubola emathanjeni wendodenakwakhe.+
5 Imicabango yabalungileko ilungile,Kodwana isinqophiso sabakhohlakeleko siyakhohlisa.
6 Amezwi wokhohlakeleko asithiyo esibulalako,*+Kodwana umlomo wabalungileko uyabasindisa.+
7 Abakhohlakeleko nabatjhatjalaliswako, abasabi khona,Kodwana indlu yabalungileko izokuhlala ijamile.+
8 Umuntu uzokudunyiswa ngokuba nomlomo onelemuko,+Kodwana onehliziyo eyonakeleko uzokunyazwa.+
9 Kungcono ukuqalelwa phasi begodu ube nesisebenziKunokuziphazimulisa ungabi nokudla.+
10 Olungileko utlhogomela ifuywakhe,+Kodwana isirhawu sabakhohlakeleko sinelunya.
11 Loyo olima ihlabathakhe uzokwaneliswa ngokudla,+Kodwana loyo ogijimisa izinto ezingatjho litho akanangqondo.
12 Umuntu okhohlakeleko ukhanukela izinto abantu abambi abazibambileko,Kodwana umrabhu wabalungileko uthela iinthelo.
13 Umuntu omumbi ubanjwa yikulumakhe esisono,+Kodwana olungileko uphunyurha ekugandelelekeni.
14 Lokho umuntu akutjhoko kungenza izinto zimkhambele kuhle,+Begodu lokho akwenzako kungamlethela umvuzwakhe.
15 Indlela yesidlhayela ilungile emehlwenaso,+Kodwana ohlakaniphileko wamukela iseluleko.+
16 Isidlhadlha siyarhaba ukunyenya,+Kodwana umuntu ohlakaniphileko akayinaki ihlamba.
17 Ufakazi othembekileko uzokukhuluma iqiniso,Kodwana ufakazi wamala uzokukhuluma okukhohlisako.
18 Ikulumo engakacatjangwa kuhle injengokuhlaba kwesabula,Kodwana ilimu labahlakaniphileko liyalapha.+
19 Iindebe ezikhuluma iqiniso zizokuhlala ngokungapheliko,+Kodwana ilimu elinamala lizokuhlala isikhatjhana kwaphela.+
20 Ukukhohlisa kusehliziyweni yalabo abahlose ukona,Kodwana labo abakhuthaza ukuthula banethabo.+
21 Akunalitho elilimazako elizokwehlela olungileko,+Kodwana ukuphila kwabakhohlakeleko kuzokuzala ihlekelele.+
22 Iindebe ezikhuluma amala ziyanyenyisa kuJehova,+Kodwana labo abenza ngokuthembeka bayamthabisa.
23 Umuntu ohlakaniphileko ufihla akwaziko,Kodwana ihliziyo yesidlhayela ipepeza ubudlhayela baso.+
24 Izandla zabakhutheleko zizokubusa,+Kodwana izandla zamavila zizokukatelelwa bona zisebenze budisi.+
25 Ukutshwenyeka kwenza umuntu agandeleleke,+Kodwana ilizwi elimnandi liyathabisa.+
26 Olungileko ufuna amadlelwakhe,Kodwana indlela yabakhohlakeleko iyabaphambukisa.
27 Ivila aligijimisi inyamazana,+Kodwana ukukhuthala kumnotho oligugu emuntwini.
28 Indlela yokulunga isa ekuphileni;+Endlelenakho akunakufa.
Imitlolo Ephasi
^ NgesiHebheru, “alindele ukuphalaza iingazi.”
