Izaga 16:1-33
16 Umuntu ulungisa imicabango yehliziywakhe,Kodwana ipendulwakhe ivela kuJehova.+
2 Zoke iindlela zomuntu zibonakala zilungile kuye,+Kodwana uJehova uhlola iinhloso.+
3 Tjhiyela koke okwenzako kuJehova,+Okuhlelako kuzokuphumelela.
4 UJehova wenze koke bona afeze umnqophwakhe,Ngitjho nabakhohlakeleko bazokujeziswa ngelanga lehlekelele.+
5 Woke umuntu onehliziyo ezikhakhazisako unyenyisa uJehova.+
Uzokujeziswa nanyana kunjani.
6 Ngethando* nokuthembeka, imitjhapho iyalitjalelwa,+Begodu umuntu osaba uJehova uyasuka kokumbi.+
7 UJehova nakathabako ngeendlela zomuntuUbangela ngitjho namanabakhe bona abe nokuthula nomuntu loyo.+
8 Kungcono ukuba nokuncani ngokulunga+Kunobunjinga ngaphandle kobulungiswa.+
9 Umuntu angayicabangisisa kuhle indlelakhe ehliziywenakhe,Kodwana nguJehova onqophisa amagadangwakhe.+
10 Isiqunto esivela kuZimu kufuze sibe seendebeni zekosi;+Kufuze ingahluleli ngokunganabulungiswa.+
11 Iinlinganiso neenkali ezithembekileko zivela kuJehova;Nabo boke ubudisi bomgodla ngebakhe.+
12 Izenzo ezikhohlakeleko ziyawanyenyisa amakhosi,+Ngombana isihlalo sobukhosi sidzinyeleliswe ngokulunga.+
13 Ikulumo elungileko ithabisa amakhosi.
Athanda umuntu okhuluma ngokuthembeka.+
14 Ilaka lekosi lifana nesithunywa sokufa,+Kodwana umuntu ohlakaniphileko uyalibalekela.+
15 Nangabe ikosi iba nomusa emuntwini othileko, umuntu loyo uzokuba nokuphila okuthabisako;Umusayo unjengelifu lezulu ngetwasahlobo.+
16 Kungcono khulu ukufumana ukuhlakanipha kunegolide!+
Kungcono ukuzuza ukuzwisisa kunesiliva.+
17 Indlela yabalungileko igegeda okumbi.
Nanyana ngubani otjhejisisa indlelakhe uvikela ukuphila kwakhe.+
18 Ukuzikhakhazisa kurholela* ekutjhatjalalisweni,Begodu ukuzikhukhumeza kurholela ekuweni.+
19 Kungcono ukuthobeka hlangana nabathobekileko+Kunokuhlanganyela izinto ezifunyenwe epini nabazikhakhazisako.
20 Loyo onelemuko ngendaba uzokuphumelela,Begodu uyathaba othembela kuJehova.
21 Abanehliziyo ehlakaniphileko kuzokuthiwa bayazwisisa,+Begodu loyo okhuluma ngomusa unekghono lokwenza abantu bamkholelwe.+
22 Ilemuko mthombo wokuphila kilabo abanalo,Kodwana iindlhadlha zikhalinywa ngobudlhadlha bazo.
23 Ihliziyo yohlakaniphileko inikela umlomakhe ilemuko+Begodu yenza ikulumakhe ikholweke.
24 Amezwi athabisako anjengeliju elithontako,Amnandi emphefumulweni begodu alapha amathambo.+
25 Kunendlela ebonakala ngasuthi ilungile emuntwini,Kodwana isiphetho sayo kukufa.+
26 Isisebenzi sizisebenzele budisiNgombana indlala isenza sisebenze budisi.+
27 Umuntu ongasizi ngalitho wemba okumbi;+Ikulumakhe injengomlilo orhabulako.+
28 Umuntu ophehla iinturhu ubanga ukungazwani,+Nomrhwayeli uhlukanisa abangani.+
29 Umuntu onenturhu uyenga umakhelwanakheBewumdosela ekwenzeni okumbi.
30 Uncinza ilihlo lakhe njengombana ahlela okulimazako.
Uluma iindebe zakhe enze okonakeleko.
31 Iinhluthu ezimhlophe zolupheleko zisihlohlo sobuhle+
Nazifunyanwa endleleni yokulunga.+
32 Ongasilingeki msinyana+ ungcono kunendoda enamandla,Begodu loyo olawula ilaka lakhe ungcono kunohlula idorobho.+
33 Ifumbe yenzelwa enyongeni,+Kodwana esinye nesinye isiqunto esenziwa ngayo sivela kuJehova.+
Imitlolo Ephasi
^ Namkha “Ngethando elithembekileko.”
^ NgesiHebheru, “Ummoya wokuzikhakhazisa urholela.”
