Izaga 31:1-31
31 Amezwi wekosi uLemuweli, umlayezo oqakathekileko awunikelwa ngunina bona amfundise:+
2 Kufuze ngithini kuwe, ndodanami,Kufuze ngithini, ndodana yesibeletho sami,Begodu kufuze ngithini, ndodana yeemfungo zami?+
3 Unganikeli abafazi amandlakho,+Begodu ungalandeli iindlela ezitjhabalalisa amakhosi.+
4 Akusingekwamakhosi Lemuweli,Akusingekwamakhosi ukusela iwayiniNamkha ababusi ukuthi, “Siphi isiselo sami?”+
5 Bona bangaseli bebakhohlwe umthethoBegodu batjhugulule amalungelo wabantu abadududu.
6 Nikela labo abatjhabalalako utjwala+Unikele labo abagandeleleke khulu iwayini.+
7 Abasele, bakhohlwe ngomtlhagwabo;Bangasayikhumbula imirarwabo.
8 Khulumela labo abangakghoni ukuzikhulumela;Vikela amalungelo wabo boke abatjhabalalako.+
9 Khuluma begodu wahlulele ngokulunga;Vikela amalungelo wabadududu newabatlhagako.+
א [Aleph]
10 Ngubani ongafumana umfazi onekghono?+
Uligugu ukudlula amakhorali.*
ב [Beth]
11 Indodakhe imthemba khulu,Begodu ayitlhogi litho.
ג [Gimel]
12 Uyinikela umvuzo omuhle, ingasi okumbi,Ukuphila kwakhe koke.
ד [Daleth]
13 Ufumana iwulu nelineni;Uyakuthabela ukusebenza ngezandla zakhe.+
ה [He]
14 Unjengemikhumbi yomrhwebi,+Uletha ukudla kwakhe akuthethe kude.
ו [Waw]
15 Uvuka kusesemnyama,Aphe umndenakhe ukudlaBegodu abele iinsebenzi zakhe ezisikazi ukudla.*+
ז [Zayin]
16 Ucabanga ngesimu begodu ayithenge;Utjala isimu yamadiribe ngalokho izandla zakhe ezikuzuzileko.
ח [Heth]
17 Uzilungiselela ukusebenza budisi,+Usebenzisa imikhonwakhe ngamandla emsebenzinakhe.
ט [Teth]
18 Uyabona ukuthi ukurhweba kwakhe kunenzuzo;Isibani sakhe asicimi ebusuku.
י [Yod]
19 Uthatha isigodo,Enze iwulu azoyisebenzisa.+
כ [Kaph]
20 Ululela itende yesandla sakhe kwabadududu,Begodu uvula izandla zakhe kwabatlhagako.+
ל [Lamed]
21 Akatshwenyeki ngomndenakhe nalikhithikako,Ngombana umndenakhe woke wembethe izambatho ezifuthumeleko.
מ [Mem]
22 Uzenzela amatjhila wokuleka umbhede.
Izambatho zakhe ngezelineni newulu esipiridzana.
נ [Nun]
23 Indodakhe iyaziwa emasangweni wedorobho,+Nayihlala hlangana nabadala benarha.
ס [Samekh]
24 Wenza izambatho zelineni, azithengiseBegodu athengisele abarhwebi amabhande.
ע [Ayin]
25 Wembathiswe amandla nephazimulo,Begodu uqale ingomuso ngesibindi.
פ [Pe]
26 Uvula umlomakhe ngokuhlakanipha;+Umthetho womusa uselimini lakhe.
צ [Tsade]
27 Utjheja koke okwenzekako emndeninakhe,Begodu akabudli uburotho bobuvila.+
ק [Qoph]
28 Abantwabakhe bayasikima bathi uthabile;Indodakhe iyasikima, imdumise.
ר [Resh]
29 Banengi abafazi abanekghono,Kodwana wena ubadlula boke.
ש [Shin]
30 Ukuqaleka kungakhohlisa, ubuhle bungaba lilize,+Kodwana umfazi osaba uJehova uzokudunyiswa.+
ת [Taw]
31 Muphe umvuzo walokho akwenzako,+Begodu imisebenzakhe ayimdumise emasangweni wedorobho.+
