Mogoba wa go Lawola ke paranyana ya mogoba wa Makreste ya gore ma butšwiye ya ma yetetsang Dihlatse Tsa Jehova lefaseng ka mokana ga lona. Ga mmereko wa bona ba maka dilo ka dipedi:

•   Ba wokamela mmereko wa go lukiselela dikgatiso, megahlano le dikolo tsa Dihlatse Tsa Jehova ba berekisa ditšhiko tsa Bhayibele.—Luka 12:42.

•   Ba wokamela mmereko wa Dihlatse Tsa Jehova wa go tšhomayela wa lefaseng ka mokana ga lona le go lebelela gore dilo tso batho ba neyeleng ka tsona di berekisiwa gabutši.

 Mogoba wa go Lawola wo latelela mošupetso wa “mapostola le bagolo ba ku Jerusalema” ba ku botala ba gore ba yye ba segelela dipheto tse dikgolo tsa phutego ya Sekreste. (Mebereko 15:2) Go fo tshwana le banna bone ba gore ne ba tshepega, ba Mogoba wa go Lawola le bona a ba yete mokgahlo wa rune mahlong. Ba berekisa Bhayibele gore yi ba yetetse, ba kene ba dumela gore Jehova Modimo o kgetiye Jeso Kreste gore go be Hlogo ya phutego.—1 Makorente 11:3; Maefeso 5:23.

 Bo ba leng ga Mogoba wa go Lawola ke Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane, le Jeffrey Winder. Ba bereka ga ntlo ye kgolo ya lefase ka moka hala Warwick, New York, U.S.A.

 Mogoba wa go Lawola wo makiye kobodi ya dikomiti gore di wokamele mebereko ya rune ya mehlobohlobo fote ye mongwana le ye mongwana wa bona o bereka ga komiti ka yi teya kela ga tsa go tlala nyana.

•   Komiti ya go Wokamela: Yi wokamela ga tsa molawo le go gelepa mo go makegiye dikotsi tsa hlago, yi boya yi gelepa Dihlatse Tsa Jehova mo di tshwariwa ka taba la so di se dumelang le dilo tse dingwana tsa go fo tšhoga di makegiye tsa go yama Dihlatse Tsa Jehova.

•   Komiti ya ba go Bereka: Yi bereka go lukiselela dilo tso di nyakegang tsa ba mutši wa Bhethele.

•   Komiti ya ba go Gatisa: Yi wokamela ga mmereko wa go maka le go romela dipuku tsa go tšwa ka Bhayibeleng yi boya yi wokamela mmereko wa go yaga dipoleke tso re rapelang ga tsona, diofisi tsa go hlatolla le meyago ya lekala.

•   Komiti ya ba go Garagara: Yi wokamela mmereko wa go tšhomayela “ditaba tso tsa go bafala tsa Mmušo.”—Matewu 24:14.

•   Komiti ya ba go Tšhutisa: Yi gelepa ka go tšhutisa le go lukiselela tso tsa Modimo yi berekisa megahlano, dikolo, tsa go theetsela le dividiyo.

•   Komiti ya ba go Ngwala: Yi gelepa ka go tšhutisa le go lukiselela tso tsa Modimo ka go di phrintha le go di nyaretsa ho wepsayeteng, yi boya yi wokamela mmereko wa go hlatolla.

 Go tokegela ga mmereko wo mongwana le wo mongwana wa dikomiti tsowa, ba Mogoba wa go Lawola ba gahlana beke ye nngwana le ye nngwana gore ba thogo tšiba tso mokgahlo wo di nyakang. Ga mogahlano wone, ba bolabodisana ka tso Mangwalo ma di hlayang ba kene ba dumelela moya wa Modimo wa go hlawolega gore wo ba hlohletsele ba thogo segelela dipheto tsa go tshwana.—Mebereko 15:25.

 Ke Makreste ya go tshepega ya ma gelepang ga dikomiti tsa Mogoba wa go Lawola. (1 Makorente 4:2) Ba bereka ka matšato fote ba tšiba mmereko wowa ba ba neyyeng wona wa go wokamela ga dikomiti tsowa ba boya ba gahlana beke ye nngwana le ye nngwana. Le mo bo ba go gelepa ba sa segelele dipheto mara ba gelepa ka mayele ya gabutši le ditaba tso di nyakegang ba boya ba berekisa tso komiti yi di segeleleng le go lebelela maphomela ya gona. Fote Mogoba wa go Lawola wo ba romela gore ba ye ba vakašele magageru ga dipoleke tsa mohlobohlobo gore ba ye ba beye dipolabolo ga megahlano ya go hlawolega kela mo go yaloga sekolo sa Gilead.