Magoši wa Mathomo 8:1-66
8 Ka nako yonone, Solomoni o yye a kgobaketsa banna ba bagolo ba Israyele, banna ba go lawola meloko ka mokana ga yona, le dindhuna tsa barwayi ba Israyele. Ba tla ga Kgoši Solomoni ku Jerusalema, ba leya areka ya Jehova ya go kwanisanya ba tšwa ga Mutši wa Dafita wa gore wo Tsiyoni.
2 Banna ba Israyele ka mokana ga bona ba yye ba gahlana mahlong ga Kgoši Solomoni ka nako ya monyanya ka kgwedi ya Ethanimi* ya gore ke kgwedi ya kašupa (7).
3 Byalo, banna ba bagolo ba Israyele ka mokana ga bona ba tla, ke mokane maprista ma kakola Areka.
4 Ba leyye Areka ya Jehova, letenteng la mogahlano le dilo ka mokana ga tsona tsa go hlawolega tso ne di le mone letenteng. Di leyye ke maprista le Malifi.
5 Kgoši Solomoni le batho ka mokana ga bona ba Israyele bo ne ba gahlanne ba gore ke mo a ba bitsiye, ne ba yemme mahlong ga Areka. Go yye gwa makiwa dihlabelo ka dinku le dikgomu tsa go tlala lela la gore ne di sa kgonege go di balela.
6 Ke mokane maprista ma yye ma leya areka ya go kwanisanya ya Jehova mo yi tshwaneleng go dula gona, kamareng ya ka tengteng ga ntlo, kamara ya gore yi Hlawolegiye ka Matla, ka fase ga mafafela ya makerubi.
7 Mafafela ya makerubi ke mo ma bulegiye ma le ka gedimo ga Areka, tsa gore makerubi yawa ke mo ma wokamele Areka le dikwata tso ba yi kakolang ka tsona.
8 Dikwata tso ba yi kakolang ka tsona ne di lefiye lela la gore motho ke mo a di bona mo a le ga kamara ya go Hlawolega ya gore yi mahlong ga kamara ya go hlawolega ka matla, mara ka tawong ke mo di sa bonagale. Fote di sa le gona le lekgono lo.
9 Ka howa ga Areka ke mo go na le matlapa ka mabedi (2) ya gore Moše o ma tšhediye nakwela ba le Horebe, nakwela Jehova a maka kwano le batho ba Israyele mo ba tšwa nageng ya Egepita.
10 Mo maprista ma tšwa polekeng ya go hlawolega, liru le yye la tlala ntlo ya Jehova.
11 Maprista ke mo ma sa kgone go tlogamela ma maka mmereko wa wona ka taba la liru lone, ka gore go gadima ga Jehova ke mo go tlele hone ntlong ya Jehova.
12 Ka nako yonone Solomoni a re: “Jehova o yitseri o nyoko dula letshwifing la liru lone.
13 Ke go yagele ntlo ya malenghelengheng, ntlo ya gore o nyoko dula ga yona go ya go yye.”
14 Ke mokane kgoši ya jika ya rufa phutego ka mokana ga yona ya Israyele yi kene yi le mahlong gage.
15 Ya re: “Nkare go ka thanakiwa Jehova Modimo wa Israyele, wa gore o tshepisiye Dafita papaka ka molomo wage fote ka letsogo lage o makiye tso a di tshepisiyeng mo a re,
16 ‘Go tlugisela ka nakwela ke ntsha batho baka ba Israyele Egepita, a ke ya kgeta mutši ga meloko ka mokana ga yona ya Israyele gore wo n’yagele ntlo gore lebitso laka le hlompiwe, mara ke kgetiye Dafita gore a lawole batho baka ba Israyele.’
17 Papaka Dafita ke mo a nabela go yagela Jehova Modimo wa Israyele ntlo ya lebitso lage.
18 Mara Jehova o yitseri ga papaka Dafita, ‘Ke mo o di nyakiye ka matla go yaga ntlo ya lebitso laka, fote o makiye gabutši ka go nabela go mmakela tsotsone.
19 Mara ntlo yone yi ka sa yage ke wene, mara morwayi wago wa gore o nyoko belega ke wene mong ke yene wa gore o nyoko yaga ntlo ya lebitso laka.’
20 Jehova o makiye tso a di tshepisiyeng, ka taba la gore ke nna kgoši ka nthago ga papaka Dafita, fote ke duli ga setulo sa go lawola sa Israyele go ya ka mokgo Jehova a tshepisiyeng. Fote ke yagiye le ntlo ya lebitso la Jehova Modimo wa Israyele.
21 Fote ke makiye poleke ya gore ke thogo beya Areka ya gore yi na le matlapa ya kwano yo Jehova a yi makiyeng le bokokwane ba rune nakwela a ba ntsha nageng ya Egepita.”
22 Ke mokane Solomoni o yye a yema mahlong ga aletare ya Jehova ya gore ke mo yi le mahlong ga phutego ka mokana ga yona ya Israyele, a yemisela matsogo yage magedimong,
23 ke mokane a re: “Wene Jehova Modimo wa Israyele, a go na Modimo wa go tshwana nago gedimo magedimong kela ka fase ga lefase, wa gore o maka tso a di tshepisiyeng ga molawo wage wa go kwanisanya wa gore o šupetsa malata yage ya gore ma mmerekela ka dipelo tsa wona ka moka gore o ma nyaka ka matla.
24 O makiye tso o di tshepisiyeng lelata lago papaka Dafita. O mo tshepisiye ka molomo wago, fote le lekgono lowa o di makiye ka letsogo lago tso o di tshepisiyeng.
25 Mara gana byalo wene Jehova Modimo wa Israyele, maka so o se tshepisiyeng Dafita papaka wa gore ke lelata lago nakwela o re: ‘Moloko wago ka mokana ga wona wo nyoko dula ga setulo sa go lawola sa Israyele mahlong gaka, mo barwayi bago ba ka theetsela ka go dula ba tshepega mo gaka go tshwana le ka mokgo wene o yyeng wa tshepega ka gona.’
26 Byalo, gana byalo wene Modimo wa Israyele, barena šupetsa gore dilo tso o di tshepisiyeng gore o nyoko di makela Dafita papaka wa gore ke lelata lago ke nnete.
27 “Mara nje Modimo a ka dula mo lefaseng? Magedimo, ke ra gore le mong magedimo ya magedimo a ma go lekane; byalo ntlo yo ke yi yagiyeng gee!
28 Jehova Modimo waka barena, theetsela thapelo ya lelata lago, fote o kwe so nna lelata lago ke se kgopelang, ntheetsele mo ke go llela gore o n’gelepe, theetsela thapelo ya lelata lago lekgono.
29 Nkare maahlo yago ma ka dula ma lebelele ntlo yowa bošego le motshegare, poleke yowa ya gore o yitseri ka yona, ‘Poleke yowa yi nyoko yemela lebitso laka,’ gore o thogo theetsela thapelo ya lelata lago ga poleke yowa.
30 Le gore o thogo theetsela dithapelo tsa malata yago mo ma go kgopela le batho bago ba Israyele mo ba go rapela ba le ga poleke yowa, nkare o ka ba theetsela o le ku polekeng yago ya magedimong wa fetsa wa ba tshwarela ga tso ba di sinnyeng.
31 “Mo motho a ka sinyela ye mongwana wa gabo ke mokane ba maka gore a tshepise, yene a tshepisa gore o nyoko maka tso a di tshepisiyeng ke mokane a tla aletareng yago mo ntlong yowa a šele a titlemme ka mokgonone,
32 nkare o ka mo theetsela o le magedimong, o make se sengwana fote o yahlule malata yago ka go hlaya gore yewa wa pelo ye phifadu o na le molato ke mokane wa patedisa yene ka tso a di makiyeng, ke mokane yewa wa go tilokela wa hlaya gore aa na molato fote wa mo rufa go ya ka dilo tsa gabutši tso a di makiyeng.
33 “Mo batho bago ba Israyele ba hlula ke manaba ka taba la tso ba di sinnyeng, mara ba jika ba thanaka lebitso lago fote ba rapela fote ba kgopela gore o ba kwele go baba mo ntlong yago,
34 nkare o ka ba theetsela o le magedimong ke mokane wa tshwarela batho bago ba Israyele ga tso ba di sinnyeng, ke mokane wa ba busetsa ga naga yo o yi neyyeng bokokwane ba bona.
35 “Mo magedimo ma ka kwalega ke mokane pula ya sa sa na ka taba la gore ba go sinyela, fote ba go rapela ga poleke yowa, ba thanaka lebitso lago, ba boya ba sokologa ga tso ba di sinnyeng ka taba la gore o yye wa ba wolola,
36 nkare o ka ba theetsela o le ku magedimong, wa boya wa tshwarela malata yago ya Israyele ga tso ba di sinnyeng, ka gore ke wene ye a nyoko ba tšhutisang dilo tsa gabutši tso ba tshwaneleng ba di make; fote o nyoko nisa pula nageng yago yo o yi neyyeng batho bago go le lefa.
37 “Mo go ka ba le tlala mo nageng, kela malwele, dimilane di swa di boya di foforega, dimilane di jega, gwa ba le ditšiya tsa go tlala, kela manaba ya bona ma ba hlasela ga mutši wo mongwana le wo mongwana wa poleke yone kela selo se sengwana le se sengwana sa go sasamela kela bolwele bya go bolaya di makega mone nageng,
38 thapelo ye nngwana le ye nngwana, dilo tso di kgopelang ke motho ye mongwana le ye mongwana kela tsa go kgopela ke batho bago ba Israyele (ka taba la gore motho ye mongwana le ye mongwana o tšiba tso di mo kgahleletsang) mo ba yemisela matsogo ya bona ga ntlo yowa,
39 nkare wene o ka ba theetsela o le magedimong, poleke yo o dulang ga yona, wa ba tshwarela fote wa maka se sengwana; wa rufa motho ye mongwana le ye mongwana go ya ka tso a di makiyeng, ka taba la gore wene o tšiba sa ka pelong ya motho (ke wene o le ntoši o tšibang sa ka pelong ya motho),
40 gore ba go hlompe matšatši ka moka ya mo ba sa phela ga naga yo o yi neyyeng bokokwane ba rune.
41 “Fote ga bo ba go tšwa ba sepela ba gore a ba tšwe ga batho bago ba Maisrayele, ba go tšwa dinageng tsa kgole mara ba tlile ka taba la lebitso lago
42 (ka gore ba nyoko kwelela ka lebitso lago la go makatsa le ka matšhika yago ya magolo), fote mo ba tla ba go rapela ga ntlo yowa,
43 nkare o ka ba theetsela o le magedimong, polekeng yo o dulang ga yona, wa maka dilo ka mokana ga tsona tso di kgopelang ke motho yewa wa go tšwa a sepela gore batho ka moka ba ho lefaseng ba tšibe lebitso lago fote ba go hlompe, go tshwana le ka mokgo batho bago ba Israyele ba makang, fote nkare ba ka di tšiba gore ntlo yowa ke yi yagele lebitso lago.
44 “Mo batho bago ba ka ya ntweng gore ba ye lwa le manaba ya bona ka mokgo o ba butsiyeng, ke mokane ba rapela Jehova ba lebelele mutši wo o wo hlawodiyeng le ntlo yowa ya gore ke yi yagele lebitso lago,
45 theetsela dithapelo tsa bona le tso ba di kgopelang gore o ba kwele go baba o le magedimong, fote o ba yahlule gabutši.
46 “Mo ba ka go sinyela (ka taba la gore a go na motho wa gore aa sinyi), ke mokane wene wa ba kwatela ka matla, wa ba lisetsa gore manaba ya bona ma ba hlasele ke mokane ma ba make mabhantiti le go ba yisa ga naga ya bona ya gore yi kgole kela yi thina;
47 ke mokane ba thomisa go nagana gabutši mo ba le ga naga yo ba ba yisiyeng gore go be mabhantiti ke mokane ba boyela gago ba kgopela gore o ba kwele go baba ga naga yo ba leng mabhantiti ga yona, ba re, ‘Re go sinyele; fote re makiye dilo tsa bophokophoko,’
48 ba boyela gago ka dipelo tsa bona ka moka, le ka maphelo ya bona ka moka ba kene ba le ga naga ya gore ba ba makiye mabhantiti ga yona, fote ba go rapela ba lebelele naga yo o yi neyyeng bokokwane ba bona, le mutši wa gore o wo hlawodiye le ntlo yo ke yi yageleng lebitso lago,
49 ba theetsele o le magedimong mo o dulang gona, o ba theetsele mo ba go rapela le mo ba kgopela gore o ba kwele go baba, fote o ba yahlule gabutši,
50 o tshwarele batho bago ga tso ba di sinnyeng, o ba tshwarele ga dilo ka mokana ga tsona tso ba go sinyeleng tsona. O nyoko maka gore manaba ya bona ma ba kwele go baba, fote ba nyoko ba kwela go baba
51 (ka taba la gore ke lefa lago, fote ke batho bago ba gore o ba ntshiye Egepita ga gore ba hlupegiye ka matla tsa nkare kela ne ba le ka teng ga mollo wa go tolosa tshipi).
52 Nkare o ka theetsela lelata lago mo le kgopela gore o le kwele go baba, fote nkare o ka theetsela batho bago ba Israyele mo ba go rapela le mo ba kgopela gore o ba kwele go baba nako ye nngwana le ye nngwana.
53 Ka taba la gore o ba hlawodiye ga batho ba lefase ka mokana ga lona gore go be lefa lago, go fo tshwana le ka mokgo o berekisiyeng lelata lago Moše nakwela o ntsha bokokwane ba rune Egepita, wene Morena Jehova wa Malenghelengheng.”
54 Mo Solomoni a fetsa go rapela Jehova le go kgopela gore a mo kwele go baba, o yye a tlogamela mahlong ga aletare ya Jehova, gana mone ke mo a kgotamme a yemisele matsogo yage ku magedimong.
55 Solomoni o yye a tlogamela ke mokane a rufa phutego ka mokana ga yona ya Israyele ka go yahlamela, a re:
56 “Go thanakiwe Jehova, wa gore o neyye batho bage ba Israyele poleke ya go beba go ya ka mokgo a tshepisiyeng. A go na le lentsu ka lloši la gore a le ya makega ga ya a ma tshepisiyeng a berekisa lelata lage Moše.
57 Nkare Jehova Modimo wa rune a ka ba le rune go fo tshwana le mo a yye a ba le bokokwane ba rune. A sa re lahle kela go re jikela.
58 Nkare a ka maka gore re mo nyake ka matla, fote a make gore re sepele ka ditsela tsage, re theetsele tso a re botsang tsona, melawo yage le go theetsela mo a re yahlula go ya ka mokgo a butsiyeng bokokwane ba rune gore ba di make.
59 Fote nkare Jehova Modimo wa rune a ka dula a gopola dilo tso ke di kgopeleng Jehova gore a nkwele go baba ga tsona motshegare le bošego, gore a thogo yahlulela nna lelata lage le batho bage ba Maisrayele letšatši le lengwana le lengwana mo go nyakega,
60 gore batho ba lefaseng ka mokana ga lona ba di tšibe gore Jehova ke Modimo wa mannete. A go na ye mongwana!
61 Byalo, berekelaneng Jehova Modimo wa lune ka dipelo tsa lune ka moka, ka go dula le theetsela melawo yage le tso a le botsang tsona go tlugisela lekgono.”
62 Byalo, kgoši le Maisrayele ka mokana ga wona ba makiye sehlabelo se segolo mahlong ga Jehova.
63 Solomoni o makele Jehova dihlabelo tsa go hlekediwa: O di makiye a berekisa 22 000 ya dikgomu le 120 000 ya dinku. Byalo, kgoši le Maisrayele ka mokana ga wona ba yye ba maka monyanya wa gore ba fetsiye go yaga ntlo ya Jehova.
64 Ka letšatši lone, kgoši ke mo di nyaka yi yedise lapa la gore le mahlong ga ntlo ya Jehova, ka gore gana hone ke mo a tshwanele a make dihlabelo tsa go tšhubiwa, dihlabelo tsa mabele le dihlabelo tsa go hlekediwa tsa go makiwa ka makgura ya diphoolwane, ka taba la gore aletare ya go makiwa ka koporo ya gore yi mahlong ga Jehova ne yi ka sa kgone go tshwara dihlabelo tsa go tšhubiwa, dihlabelo tsa mabele le dihlabelo tsa go hlekediwa tsa go makiwa ka makgura ya diphoolwane.
65 Ka nako yonone, Solomoni o yye a maka monyanya le Maisrayele ka mokana ga wona, batho ba go tlala ba go tšwa Hamathe le Moyeding wa Egepita mahlong ga Jehova Modimo wa rune ka matšatši kašupa (7) ya wona ke mokane a yeketsa ka ya mangwana kašupa (7) ya wona, ka mokana ga wona ke mo go le 14 ya matšatši.
66 Ka motshwana wa gona,* o yye a re ba palakane ke mokane ba thomisa go thanaka kgoši, ba boyela mitšing ya bona ba jabodiye fote le dipelo tsa bona di yitseri tswee, ka taba la mo Jehova a yye a tshwara Dafita lelata lage le Maisrayele ka mokana ga wona gabutši.
Ditwaba
^ Bona Tsa go Tlats. ga B15.
^ Gabutšibutši ke “la mabala (8),” ke letšatši la go latela ka nthago ga matšatši yala kašupa (7) ya wona.
