Petro wa Mathomo 3:1-22
3 Ka mokgonone lune basadi, di nyaka le tinyanafatse ga banna ba lune, gore le mo ba sa theetsele lentsu mara ba thogo ba le tumelo mo ba bona maphelelo ya lune le mo le sa ba tšhomayelela,
2 ka taba la gore ba ko ba ba di bonne gore le titshwere gabutši fote le ba hlompa ka matla.
3 Le sa fo bafala tsa ka ho tawong, tsa go loga moriri, ka go yapara tsa go tipafatsa tsa gholdi kela ka go yapara dikobo tsa go tura.
4 Mara le tipafatse ka ho pelong ka gore go wutamme go yitseri tse, fote go bafala hone Modimo o go tseyela gedimo. Dilo tso le tipafatsang ka tsona di ka sa tsoge di khuriye, di bebiye.
5 Basadi ba ku botala ba gore ba hlawolegiye fote ba tshepa Modimo ke mo ba tipafatsa ka mokgonone, ba tinyanafatsa ga banna ba bona,
6 go fo tshwana le mo Sara a yye a theetsela Abhrahama, a boya a re ke Morena. Lune le bana bage mo nkare le ya mahlong le maka tsa gabutši fote le sa tšhoge selo.
7 Ka mokgonone le lune banna, ariyeneng mahlong le phidisana le basadi ba lune gabutši, go šupetsa gore le ya ba kwisisa. Le hlompeneng basadi ka gore ba tshwana le sitša sa gore a se ya tiyelela, ka gore Modimo o ba kwele go baba a ba neya lephelo, go fo tshwana le mo lune a le neyye lephelo. Mo le sa make ka mokgonone Modimo a ka sa le theetsele mo le mo rapela.
8 Ke fetsa ka gore, ka mokana ga lune le nagane go tshwana, le kwelane go baba, le nyakanane tsa nkare ke lune bana ba motho, le kwelane go baba fote le tinyanafatse.
9 Mo ba le maka tsa go befa, lune le sa busetse, mo ba bolabola mantsu ya go le kwisa go baba le sa busetsi. Lune le fo ba makela tsa gabutši, ka taba la gore le bitsiwwe ga pata yowa gore le thogo rufiwa.
10 Byalo, “ye a kwanang le go phela fote dilo di mo sepelela gabutši di nyaka a pasope lleme lage gore le sa bolabole dilo tsa gore a di ya loka, le gore a sa bolabole matsaka.
11 A kganele kgole le dilo tsa gore a di ya loka fote a make dilo tsa gabutši, a kwane le go beba fote a karakare gore go dule go bebiye.
12 Maahlo ya Jehova ma lebelele ba go loka, fote ditsebe tsage di ya ba kwa mo ba mo rapela di ba baba, mara Jehova aa kwane le batho ba go maka dilo tsa go befa.”
13 Nje le ka hlupa ke mang mara mo le karakara go maka dilo tsa gabutši?
14 Le ya jabola mo le hlorisiwa ka taba la gore le maka dilo tsa gabutši. Dilo tso ba di tšhabang lune le sa di tšhabe,* fote di sa le hlagasedisi.
15 Le di tšibeneng ka ho dipelong tsa lune gore Kreste ke Morena, le gore o hlawolegiye fote le duleneng le tikemisele go fetola ye mongwana le ye mongwana ye a butsisang ka tumelo ya lune. Le make tsotsone le bebiye le šupetsa gore le ya hlompa.
16 Le duleneng le na le makwalo ya gabutši gore bo ba le hlayelang matsaka ba šale ba tšebiye, mo ba bona ka mokgo le phelang ka gona le šupetsa gore ke lune Makreste.
17 Di gabutši ka matla mo ba le hlorisa ka taba la gore le maka dilo tsa go loka mo nkare Modimo o f’lo lisetsa gore di le tlele, solanka go se ka taba la gore le makiye dilo tsa go befa.
18 Kreste o kgwele tso re di sinnyeng ga teya gwa ba go fediye, ke motho wa go loka mara o kgwele bo ba go sa loka, gore a le šutetse thina le Modimo. Mo ba mmolaya, ke mo go le motho wa nama le madi mara Modimo o mo tsusiye go le motho wa go phela legedimong.
19 O yye a tšhomayelela madimona yala ya gore ma tlemiwwe a le ka mokgonone,
20 ya gore ma yye ma tithiba ditsebe nakwela Modimo a lefisiye pelo ka dinako tsela tsa Nnowa, hala go yagiwa areka, ya gore ke mo yi rwele mabala ya batho bala ba go phona mogogola.
21 Le lune le phonisiwa ka taba la go kolobetsiwa ga gore go yelana le taba yowa (a yi go kolobetsiwa ga go hlapa dithila tsa ho mmeleng mara ke ga go kgopela lekwalo la go yela ga Modimo) ka go tsusiwa ga Jeso Kreste.
22 Gana byalo o ka letsogong la go ja la Modimo, ka gore o yye legedimong fote ba mo neyye matšhika ya go lawola mangeloyi le bo ba go lawola.
Ditwaba
^ Di ka fo rela gore “Le sa tšhabe tso ba le tshusetsang ka tsona.”
