Lengwalo la Bobedi la go ya ga Mathesalonika 2:1-17
2 Magageru, mo re tla ga taba ya go ba gona ga Morena wa rune Jeso Kreste le go kgobaketsiwa gore re thogo ba naye, re ya le kgopela
2 gore le sa dumele motho ye mongwana a maka gore le thogathoge ka so le se naganang kela a make gore le kamake gore letšatši la Jehova le segele. Le mo ba ka le botsa gore molayetsa wone wo tšwa ga Modimo kela la di kwelela ga motho ye mongwnana kela la bala borifi bya gore batho ba re bo ngwadiye ke rune, le sa tšhoge.
3 Ba sa le tshokanye, ka gore go nyoko thomisa go tla bo ba go kgeloga fote le ye wa go maka tsa go befa o nyoko wunyulliwa. Ke yene ye ba nyoko fetsang ka yene.
4 O kwana le go ganetsa fote o timaka nkare o kgakala ga motho ye mongwana le ye mongwana ye ba reng ke modimo kela selo so batho ba se rapelang, o kena le ka tempeleng ya Modimo a timaka nkare ke yene modimo.
5 Anthe le lebele gore nakwela ke na le lune ke mo ke dula ke le botsa dilo tsowa?
6 Gana byalo le ya di tšiba gore king so se mo thibelelang gore a sa nyaretsiwi ka nako ya gona.
7 Nnete ke gore dilo tsa go befa tso motho yene a di makang, tsa gore a di soko wunyulliwa, di kene di ya makega mara mmereko wo a wo makang wo nyoko dula wo le wa ka makhukhung go segela mo ye a mo thibelelang a sa sa le šiyo.
8 Ye wa gore aa na molawo o nyoko nyaretsiwa fote Morena o nyoko fetsa ka yene a berekisa mantsu ya go ba le matšhika ya ma tšwang molomong wage* mo a segela.
9 Motho yene wa go maka tsa go befa o gona ka taba la Sathane. Sathane ke yene a mo neyang matšhika ya go maka dilo tsa go makatsa, mešupetso ya matsaka, mehlolo,
10 le dilo ka mokana ga tsona tsa go sa loka tsa gore o di makiye gore a thogo tshokanya bo ba gore go nyoko fela ka bona. Go nyoko fela ka bona ka taba la gore ke mo ba sa kwane le nnete ye ne ba tšhutisiwa yona ya gore ne yi nyoko ba phonisa.
11 Nka taba lo Modimo a ba lisetsang ba fokola ke dilo tso ba di tšhutang tsa matsaka gore ba thogo tshepa matsaka yane,
12 gore ka mokana ga bona ba yahludiwe ka taba la gore a baa dumela nnete mara ba jabodisiye ke dilo tsa go sa loka.
13 Mara re kwa di re tšhofa gore re leboge Modimo ka taba la lune magageru ya gore Jehova o ma nyaka ka matla, ka gore go tlugisela mathomisong, Modimo o le yedisiye ka moya wa go hlawolega, a maka gore le phonisiwe ka gore le tshepiye dilo tsa gore ke nnete.
14 O le hlawodiye a berekisa ditaba tsa go bafala tso re le botsang tsona, gore le gadimisiwe go tshwana le Morena wa rune Jeso Kreste.
15 Byalo magageru, le sa tekateki fote di nyaka le ngangarele ga ditšo tso ba le tšhutisiyeng tsona, go ka fo ba tso re le butsiyeng kela tso re le ngwaleleng tsona.
16 Go tokegela gana hone, nkare Morena wa rune Jeso Kreste le Modimo Papa wa rune wa gore o re nyakiye ka matla, a boya a re šupetsa gore o re kwela go baba ka go re kgomoletsa le go re neya so re ka tshepelang ga sona,
17 a ka le kgomoletsa le go maka gore le tiyelele gore le thogo bolabola le go maka dilo tsa gabutši.
Ditwaba
^ Gabutšibutši ke “moya wo wo tšwang molomong wage.”
