Kutullo ya go ya ga Johane 7:1-17
7 Ka nthago ga hone ke bonne mangeloyi ka mane ma yemme ga dikhona tsa lefase ka dine, ma ngangarele diphefo ka dine tsa lefase, gore go sa be le moya wa go teya lefaseng, lewatleng kela wa go teya mohlare.
2 Ka bona lengeloyi le lengwana le yinuga le tšwa bohlabatšatši, le tshwere konopo ya Modimo wa go phela, ke mokane la yahlamela mangeloyi yala ka mane ya gore Modimo o ma butsiye gore ma sinyanye lefase le lewatle,
3 la re: “Le sa sinyineng lefase kela lewatle kela mehlare, go segela mo re šele re merekiye malata ya Modimo wa rune mo mopong.”
4 Ke mokane ka kwa nombhoro ya bo ba merekiwweng, go le 144 000, bobone ba ba merekiyeng ba tšwa ga moloko wo mongwana le wo mongwana wa barwayi ba Israyele:
5 Ga moloko wa Juda go merekiwwe 12 000 ya bona,ga moloko wa Rubeni 12 000,ga moloko wa Ghada 12 000,
6 ga moloko wa Aša 12 000,ga moloko wa Nafthali 12 000,ga moloko wa Manase 12 000,
7 ga moloko wa Simiyoni 12 000,ga moloko wa Llifi 12 000,ga moloko wa Isakhara 12 000,
8 ga moloko wa Zebhuloni 12 000,ga moloko wa Josefa 12 000,ga moloko wa Bhenjamini go merekiwwe 12 000 ya bona.
9 Ka nthago ka bona mogoba wo mogolo ka matla wa batho, wa gore ke mo go se na ye a ka kgonang go wo balela, ga mogoba wone ke mo go na le ba go tšwa ga ditšhaba ka mokana ga tsona, ditšo ka mokana ga tsona, batho ba mehlobo ka mokana ga yona le mebolabolo ka mokana ga yona, ba yemme mahlong ga setulo sa go lawola le mahlong ga Nku, ba yapere dikobo tse ditšhwewu, fote ba tshwere makala ya mohlare wa mofeni.
10 Ke mokane ba ya mahlong ba yahlamela, ba re: “Modimo wa rune ke yene ye a re phonisang, wa gore o duli ga setulo sa go lawola fote le Nku le yona ya re phonisa.”
11 Byalo mangeloyi ka mokana ga wona le bagolo bala le dilo tsela tsa go phela ka dine ke mo ba kgobakanele setulo sa go lawola fote ba yinamisiye dihlogo gana hone mahlong ga setulo sa go lawola sa Modimo fote ba mo rapela,
12 ba re: “Amene! Modimo wa rune wa gore o hlalefiye, wa gore o na le matšhika, wa gore fote o kgona go maka dilo ka moka, a thanakiwe, a gadimisiwe fote batho ka mokana ga bona ba šupetse gore baa mo hlompa, ba mo leboge go ya go yye. Amene.”
13 Ke mokane ye mongwana ga bagolo bala a re gaka: “Bo ba go yapara dikobo tse ditšhwewu ke bomang, ba tšwa kaye?”
14 Byalo nna ka re gage di sa tloga: “Morena waka, ke wene o tšibang.” Ke mokane yene a re gaka: “Bowa ke bo ba gore ba tšwa ga motšhatšhamelo wo mogolo fote ba hlatswiye dikobo tsa bona gore go be tse ditšhwewu ka madi ya Nku.
15 Nka taba lo ba leng mahlong ga setulo sa Modimo sa go lawola, baa mo rapela fote ba mo makela mmereko wa go hlawolega motshegare le bošego tempeleng yage, ke mokane ye wa gore o duli setulong sa go lawola o ba kogela ka letente lage.
16 Ba ka sa sa kwa tlala fote ba ka sa sa wongwa, le letšatši le ka sa sa ba tšhuba kela go ba tlabolela.
17 Ka taba la gore Nku ya gore yi gare ga setulo sa go lawola, yi nyoko ba disa fote ya ba yetetsa ga sediba sa meetši ya lephelo. Modimo o nyoko ba sula menepedi ka mokana ga yona mahlong ya bona.”
