Diputsiso Tsa bo ba Šeleng ba Badiye
Anthe “mosadi” ye ba bolabolang ka yene ga Jesaya 60:1 ke mang fote o nyoko “tsoga” a boya a “tšhuba llampa” ka mokgo mang?
Jesaya 60:1 yi re: “Tsoga, Wene mosadi, tšhuba llampa, ka gore go khanya gago go segele. Go gadima ga Jehova go khanyisa ho gago.” Taba yowa yi šupetsa gore “mosadi” ke mo go le Tsiyoni kela Jerusalema ya gore ne go le mmušo wa Juda ka nako yonone. a (Jes. 60:14; 62:1, 2) Jerusalema ne yi yemela ditšhaba ka mokana ga tsona tsa Israyele. Mantsu ya Jesaya ma makiye gore go be le diputsiso ka dipedi ke tsowa: Ya mathomo, ke leng fote nka mokgo mang Jerusalema yi yye ya “tsoga” ya boya ya tšhuba llampa ga tso tsa Modimo? Ya bobedi, ayitsano mantsu ya Jesaya ma šele ma makegiye ga dinako tsowa tsa rune?
Ke leng fote nka mokgo mang Jerusalema yi yye ya “tsoga” ya boya ya tšhuba llampa ga tso tsa Modimo? Jerusalema le tempele ya yona yi yye ya dula yi le ga seyemo sa go sa jabodisi mo Majuda ma sa le bobhantiting 70 ya mengwaga ku Bhabhilona. Mara ka nthago ga mo Bhabhilona yi hludiye ke Mamede le Peresiya Maisrayele ya gore ne ma dula ga poleke ye nngwana le ye nngwana ku Bhabhilona ne ma lukulugiye gore ma ka boyela magaye ke mokane ma ye tsosa morapelo wa nnete. (Ezera 1:1-4) Mathomisong ga 537 B.C.E., bo ba šeleng ba gore baa tshepega ba go tšwa ga 12 ya maloko ba yye ba maka ka mokgonone. (Jes. 60:4) Ba yye ba thomisa ka go neyela dihlabelo ga Jehova, ba maka menyanya ba boya ba ro yaga tempele ka bonyuwane. (Ezera 3:1-4, 7-11; 6:16-22) Go gadima ga Jehova go yye gwa thomisa go khanya ga Jerusalema fote—batho ba boyela ba ba ba Modimo fote. Ba yye ba boyela ba maka gore ditšhaba tsa gore ne di sa tšibi selo ka Jehova di tšwe hone letshwifing di kraye go khanya.
Mara, diporofeto tsa Jesaya di yye dya makega ka nako yonone fela. Maisrayele ya go tlala ma yye ma lisetsa go theetsela Modimo. (Neh. 13:27; Mal. 1:6-8; 2:13, 14; Mat. 15:7-9) Ka nthagonyana, ma yye ma phiga Mesiya wa gore ke Jeso Kreste. (Mat. 27:1, 2) Ka 70 C.E., Jerusalema le tempele ya gona yi yye ya psyitlanyiwa fote.
Jehova o hlayye botala gore dilo tsone di nyoko makega. (Dan. 9:24-27) Di fo ba lekgwaying gore Modimo ne a sa tikemisela gore Jerusalema ya ho lefaseng go be yona yo yi segelelang se sengwana le se sengwana ga tso a nyakang go di segelela tsa gore di porofitiwa ga Jesaya tema 60.
Ayitsano mantsu ya Jesaya ma šele ma makegiye ga dinako tsowa tsa rune? Eya, mara tsowa di kene di ya bereka ga mosadi ye mongwana wa go fo tshwanisela—“Jerusalema ya ku gedimo.” Pawulo wa lepostola o ngwadiye ka mosadi yene a re: “Mmane wa rune.” (Magal. 4:26) Jerusalema ya ku gedimo ke mokgahlo wa Modimo wa ku legedimong wa mangeloyi ya go tshepega. Ga bana bage go na le Jeso le ba 144 000 ba gore ke Makreste ya go tlotsiwa ba gore fote ba tshwana le Pawulo ba na le tshepo ya go ye phela legedimong. Makreste ya go tlotsiwa ka mokana ga wona ke “setšhaba sa go hlawolega”—“Israyele ya Modimo.”—1 Pet. 2:9; Magal. 6:16.
Jerusalema ya ku gedimo o yye a “tsoga” le go“tšhuba llampa” ka mokgo mang? Tsotsone o di makiye ka go tšhela le bana ba go tlotsiwa ba ho lefaseng. Lebelela ka mokgo tso ba yyeng ba gahlana natso di tshwanang le tso ba di porofitiyeng ga Jesaya tema 60.
Makreste ya go tlotsiwa ne di nyaka ma “tsoga” ka taba la gore ne ma le ga letshwifi la go tshwanisela mo bo ba go kgeloga ba thomisa go tlala ka nthago ga gore mapostola ma hlokofale. (Mat. 13:37-43) Ka nako yonone, ne go le mabhantiti ya Bhabhilona ye Mogolo, mokgahlo wo mogolo wa lefase wa sedumedi sa matsaka. Bo ba go tlotsiwa ke mo go le mabhantiti go segela “dinako tsa mo lefase le bakiye mafelelong,” tsa gore di thomme ka mongwaga wa 1914. (Mat. 13:39, 40) Ka nthagonyana ka 1919, ba yye ba ba lokolla ke mokane di sa tloga nje ba thomisa go tšhuba llampa la go tshwanisela ka gore ba tšhomayele ditaba tsa go bafala tsa Mmušo wa Modimo. b Mo mengwaga yi kene yi takamela, batho ba go tšwa ga ditšhaba ka mokana ga tsona ba tlile ga llampa lone, go tokegela le bo ba šeleng ba Israyele ya Modimo—ba gore ke “magoši” ya ba bolabodiyeng ka wona ga Jesaya 60:3.—Kut. 5:9, 10.
Ku mahlong, Makreste ya go tlotsiwa ba nyoko khanyisa llampa la go tšwa ga Jehova ka mokgwa wo mogolo ka matla. Byang mara? Mo ba kgwa ho lefaseng, ba nyoko ba ba bangwana ba “Jerusalema ya nyuwane,” kela mosadi wa gore o šadha le Kreste wa ba 144 000 ba gore ke magoši le maprista.—Kut. 14:1; 21:1, 2, 24; 22:3-5.
Jerusalema ya nyuwane yi nyoko maka se sengwana gore go makege tso di leng ga Jesaya 60:1. (Tshwanisa Jesaya 60:1, 3, 5, 11, 19, 20 le Kutullo 21:2, 9-11, 22-26.) Go fo tshwana le mo Jerusalema ya ho lefaseng ne yi le mo mmušo wo tšwang gona ga Israyele ya ku botala, byalo Jerusalema ya Nyuwane le Kreste ba nyoko ba mmušo wa lefase la nyuwane. Jerusalema ya nyuwane “yi thewoga yi tšwa legedimong ga Modimo” ka mokgo mang? Ka go maka se sengwana sa gore se yama lefase. Batho ba gore ba tšhaba Modimo ba go tšwa ga ditšhaba ka mokana ga tsona ba “nyoko sepela ga gore Nku ya [ba] khanyisela.” Ba nyoko ba lokolla ga tsa go sinya le likgu. (Kut. 21:3, 4, 24) Tsotsone di nyoko maka gore “dilo ka mokana ga tsona di lukisiwe,” gwa fo ba ka mokgo Jesaya le baporofeta ba bangwana ba hlayyeng. (Meber. 3:21) Go lukisiwa hone go golo go thomisiye nakwela Kreste a ba Kgoši fote go nyoko fela ka Sekete sa Mengwaga ya mo go Lawola yene.
a Taba ya go lukisa morapelo wa mannete ya gore yi makegiye ka 1919 ba yi hlatolla fote ga Hezekiyele 37:1-14 le ga Kutullo 11:7-12. Hezekiyele o porofitiye ka go lukisiwa ga go tshwanisela ga Makreste ka mokana ga wona ya go tlotsiwa ka nthago ga go ba mabhantiti nako ya go lefa. Seporofeto sa Kutullo se rela go belegiwa fote, ga go tshwanisela ga mogoba wo monyana wa magageru ya gore ne ma yeta mahlong ka nthago ga gore ma sa kgone go berekela Jehova gabutši tsa senakonyana ka taba la gore ne ba ma tshwere. Ka 1919, ba yye ba ma hlawola gore go be “lelata la go tshepega la gore fote le hlalefiye.”—Mat. 24:45; lebelela Pure Worship of Jehovah—Restored At Last!, leph. 118.
