BHAYIBELE YI TŠHENTŠHA MAPHELO

Ne ke sa Nyake go Kgwa

Go hlayisa Yvonne Quarrie

O BELEGIWWE KA: 1964

O TŠWA: ENGLAND

TSA LEPHELO: KE YYE KA BA MMANE WA GO TŠWA PATENG KE SA LE YE MONYANA

TSA NAKWELA KE SA GOLA

Ke belegiwwe Paddington, ga poleke ya batho ba gore ba tlele yo ba reng ke London ku England. Ne ke dula le mmane le bosesi baka ka bararo ba gore ke ba bagolo gaka. Papa ke mo a fela a dula le rune ka nakwenngwana a re šiya ka taba la gore ne a bo tšhela.

Nakwela ke sa le ye monyana, mmane waka o ntšhutisiye gore ke rapele bošego byo bongwana le byo bongwana. Ne ke fo ba le Bhayibele ya go na le dipisalema fela, ke mo ke tikhandela dikoša ka tso ke di badiyeng. Ke gopola ke bala puku ye nngwana ya gore yi bolabodiye taba ye nngwana ya gore a yi tloge ho monaganong waka, ya gore: “Ka letšatši le lengwana dilo ka mokana ga tsona go nyoko fela ka tsona.” Mantsu yane ma makiye gore ke šekele ma boya ma nkona boroko, ka gore ne ke tiputsisa gore go nyoko makega ying ka rune ku mahlong. Ka nagana gore, ‘Go na le tse dingwana tsa gore a ke di tšibi, go tshwana le gore anthe ke phelela ying?’ Ne ke sa nyake go kgwa.

Ke yye ka tiputsisa ka taba ya masalamose. Ka leketsa go bolabola le batho ba gore ba kgwile, ke ya mabitleng le banghana baka ba sekolong fote ne re lebelela difilimi tsa go tshosa. Ke mo re nagana gore di ya jabodisa mara ka thoko ne di tshosa.

Ke yye ka thomisa go maka tsa go tšwa pateng mo ke na le lesome la mengwaga. Ke thomisiye ka go kgokga lefole ke mokane ka napa ke topela. Ka nthago ke yye ka kenelela dipatša. Mo ke na le 11 ya mengwaga, ke yye ka thomisa go nwa byala. Ke mo bo sa nnatefele mara ne ke fo jabodisa ke go tlayila ho. Ke mo ke kwana le dikoša le go bina. Ne ke ya diphathing le ga go tijabodisa tsa bošego. Ke mo ke tšwa bošego ba sa mpone, ke boya go sa le ka phu le gona ba sa mponi. Ka gore ne ke tsoga ke tenne, ke mo ke lofa sekolong. Tšatši lo ke yang sekolong ne ke segela ke nwa mokgete.

A ke ya pasa gabutši sekolong. Mekgwa yaka ya go tšwa pateng yi yye ya kena mmane matolong ya boya ya mo kwatisa. Ne re dula re lakatsana, ke feleletsiye ke tšhabiye gaye. Ke mo ke dula le Tony wa Lerasta, wa gore ne ke jola naye. Tony ke mo a yetswa, a rekisa didhrakse fote ne a tšibega go le motho wa go teyana. Ke yye ka yima ke na le 16 ya mengwaga, ke mokane ka belega ngwana wa mošomanyana.

KA MOKGO BHAYIBELE YI TŠHENTŠHIYENG LEPHELO LAKA

Ke gahlanne le Dihlatse tsa Jehova mo ke dula ga dintlo tsa gore ne ba di makele batho ba gore ba na le bana, mara ba sa šadha. Batho ba go bereka ka tsa go gelepa ba go tihlupegela, ba yye ba nneya kamara. Dihlatse ka dipedi tsa basadi ke mo di vakašela bo mmane ba bangwana ba gore ba sa gola. Letšatši le lengwana ke yye ka dula nabo ka theetsela mo ba tšhuta. Ke mo ke nyaka go ba šupetsa gore Dihlatse di bolabola matsaka. Mara bona ne ba mfetola ba kene ba bebiye ba berekisa Bhayibele. Ne ke jabodisa ke gore ne ba lukiye fote ba bolabola gabutši. Ka napa ke dumela gore ba tšhute le nna Bhayibele.

Ke yye ka tšhuta se sengwana ho Bhayibeleng sa gore se yye sa tšhentšha lephelo laka. Go tlugisala ke sa le ye mo nyana ne ke tšhaba go kgwa. Mara ganabyalo ke tšiba tso Jeso a di hlayyeng tsa gore bo ba hlokofeleng ba nyoko tsoga. (Johane 5:28, 29) Fote ke yye ka tšhuta le gore Modimo wa tihlupa ka nna. (1 Petro 5:7) Mantsu ya Jeremiya 29:11 ma yye ma ntikisa ka matla, ma re: “Jehova o re: ‘Ka taba la gore ke tšiba tso ke le nabelelang tsona, ke nyoko maka gore le bebe, le sa tlele ke tsa go baba, le kraye lephelo la gabutši ku mahlong fote le be le tshepo.’” Ke yye ka thomisa go tshepa gore le nna nka phela Pharadeyising go ya go yye ho lefaseng.​—Pisalema 37:29.

Dihlatse tsa Jehova di šupetsiye gore di nnyaka ka matla. Mo ke ya megahlanong ya bona la mathomo, ka mokana ga bona ba n’yamogele gabutši. (Johane 13:34, 35) Tsotsone ke mo di fapana ka matla le tsa kerekeng ye nngwana ya gana mo ke dulang. Dihlatse di n’yamogele di kene di tšiba seyemo saka. Ba tsere nako ya bona gore ba be le nna, ba mpasopa, ba ntheetsela, ba boya ba n’gelepa ka mokgo ba ka kgonang. Ne ke fo kwa nkare ke mutšing wa batho ba gore ba nyakanana ka matla.

Mo nkene ke tšhuta Bhayibele ke di bonne gore di nyaka ke tšhentšha dilo tsa go tlala gore ke thogo jabodisa Jehova Modimo. Ke mo di nthathafela go lisetsa go kgokga lefole. Fote ne ke kwa dikoša tso ke di theetselang di ntšhofa gore ke kgokge dipatša, byalo ke yye ka lisetsa go di theetsela. Ka taba la gore ke mo ke nyaka go lisetsa go nwa byala, ke yye ka lisetsa go ya diphathing le ga go tijabodisa tsa bošego ga gore ne ke nyoko fetsa ke tlayila. Ke yye ka kraya banghane ba gore ne ba nyoko n’gelepa gore ke tšhentšhe maphelelo.—Diyema. 13:20.

Tony le yene o yye a thomisa go bala le Dihlatse tsa Jehova. Mo Dihlatse di kene di fetola diputsiso tso a nang natso di berekisa Bhayibele, o yye a tshepa gore dilo tso a di tšhutang ke nnete. O yye a tšhentšha ka matla, a lisetsa go sepela le batho ba go maka dilo tsa go befa, a lisetsa go yetswa a boya a lisetsa go kgokga dipatša. Gore re thogo jabodisa Jehova, re yye ra di bona gore di nyaka re tšhentšhe maphelelo ya rune le go kraya poleke ya gabuši gore re thogo gudisa morwayi wa rune. Re šadhiye ka 1982.

Ke gopola ke bala dihlogotaba ka teng ga Sewokamelo le Phafoga! a tsa gore di bolabola ka batho ba gore ke mo ba na le mathata ya go yelana le yaka, le ka mokgo ba tšhentšhiyeng maphelelo ya bona. Mešupetso ya bona yi ntiyisiye. Yi n’gelepiye gore le nna ke sa lahle tewu. Ne ke rapela gore Jehova a nlefisele pelo. Nna le Tony re kolobetsiwwe ka July 1982.

KA MOKGO DI N’GELEPIYENG KA GONA

Go ba le senghana le Jehova go phonisiye lephelo laka. Nna le Tony re bonne gore Jehova ke mo a na le rune ga dinako tsa go thathafa. Re tšhutiye go tisamela ka Jehova mo re gahlana le tsa go re ghula fote re di bonne gore o dula a gelepa mutši wa rune le go wo pasopa.​—Pisalema 55:22.

Ke jabodisa ke go tšhutisa morwayi le morwediya wa rune ka Jehova, gore ba mo tšibe go tshwana le nna. Le gana byalo lo ke sa fo jabola mo ke bona ditlogolo tsaka di gola di tšiba Modimo.

A ke sa tsoga bošego ke šekela ka tso di nyoko makegang ku mahlong kela ka likgu. Nna le Tony re tshwaraganne ka go vakašela diphutego tsa mehlobohlobo tsa Dihlatse tsa Jehova beke ye nngwana le ye nngwana, re tsama re ba tiyisa. Re sepela le batho ba phutego re tšhutisa batho gore mo ba dumela ga Jeso ba nyoko tikwisa ka lephelo la go ya go yye.

[Tsa ku tlase]

 [Monopo]

“A ke sa tsoga bošego ke šekela ka tso di nyoko makegang ku mahlong kela ka likgu”