Boitsebišo ka go Bona Ofisi le Moago
Re go laletša ka borutho gore o tlo bona diofisi tša rena le mafelo a go gatiša. Hwetša mafelo le dinako tša go bona meago.
Batho ba ka Thoma go Etela Bethele Gape: Go thoma ka di-1 tša June 2023, re ile ra thoma go dumelela batho gore ba etele diofisi tša makala dinageng tše dintši. Gore o hwetše ditaba ka botlalo, ikgokaganye le lekala leo o nyakago go le etela. Hle o se ke wa etela bethele ge e ba o na le COVID-19, goba o ikwa okare o tlo swarwa ke flu goba mphsikela. Le gona o se ke wa tla ge e ba ga se kgale o bile kgauswi le motho yo a swerwego ke COVID-19.
Afrika Borwa
Boitsebišo bja Mabapi le go Bona Meago ya Bethele
Na o swanetše go dira dikgopelo pele o tlo bona meago ya bethele? Ee. E le gore batho bao ba tlago go bona meago ba se ke ba pitlagana le gore ba tle ba ipshine ka go bona meago, re kgopela gore pele le etla le dire dikgopelo, go sa šetšwe gore le ba ba kae. O ka dira dikgopelo beke pele o ka tla. Ge e ba o nyaka go tlo bona meago ka matšatši a maikhutšo, re go kgothaletša gore o dire dikgopelo e sa le ka pela.
Na o ka dumelelwa go tlo bona meago le ge o se wa dira dikgopelo? Ge e ba o se wa dira dikgopelo, re ka no se go dumelele go bona meago. Ka gobane letšatši le lengwe le le lengwe go na le palo yeo e lekanyeditšwego ya batho bao ba dumeletšwego go tlo bona meago ya rena.
O swanetše go fihla nako mang ge o tlo bona meago? E le gore go se ke gwa ba le pitlagano, re kgopela gore le fihle e sa le ka pela, mohlomongwe iri e tee pele nako ya go thoma go bona meago e ka fihla.
O ka dira dikgopelo tša go bona meago bjang? Kgotla mo go rego “Dira Dikgopelo.”
Na go a kgonega go fetoša letšatši la go tlo bona meago goba go khansela kgopelo ya go tlo e bona? Ee. Kgotla mo go rego “Fetoša Goba o Khansele Dikgopelo.”
O swanetše go dira eng ge e ba matšatši ao o nyakago go tlo bona meago ka ona re sa šome? Dula o lebelela wepesaeteng ya rena go bona ge e ba matšatši ao o nyakago go bona meago ka ona, re šoma. O ka dira kgopelo ya go tlo bona meago ka matšatši ao batho ba bangwe ba a khansetšego.
Bona gore go diragala eng
Lefelo la go Amogela Baeng: Go na le dibidio tše dintši tšeo di bontšhago gore batho bao ba lego Bethele ba šoma bjang. Le tšeo di bontšhago gore ofisi ye ya lekala e re thuša bjang go tšwela pele re hlankela Modimo.
Lefelo la Baeng Leo le Lego Printery 2: Go na le dibidio tšeo di bontšhago bohlokwa bja modiro wa go fetolela dikgatišo le go di phrintha ka maleme ao a laolwago ke ofisi ya lekala. Go na le lefelo leo batho ba emago go lona e le gore ba kgone go bona moo dikgatišo di phrinthelwago gona. E bile go na le lefelo leo le bontšhago histori ya kamoo leina la Modimo le ilego la dirišwa ka gona ka Beibeleng ka maleme a mangwe ao a laolwago ke ofisi ya lekala.
Lefelo la Baeng Leo le Lego Printery 3: Go na le lefelo leo baeng ba emago go lona e le gore ba kgone go bona lebato leo go nago le dikgatišo tšeo di emetšego go išwa mafelong a itšego, le sekirini seo se bontšhago moo dikgatišo tšeo di pakilwego di felelago gona. E bile go na le dibidio tšeo di bontšhago kamoo Diholo tša Mmušo di agwago ka gona, kamoo dikgatišo di romelwago ka gona, le kamoo dibidio le dikgatišo tša go theetšwa di tšweletšwago ka gona.
Boitsebišo bjo bo Oketšegilego: Go na le dipese tšeo di išago batho bao ba tlilego go bona meago mafelong a go amogela baeng le go ba bušetša moo di ba tšerego gona. Baeng ba ka thabela dijo tša bona tša mosegare ba le lefelong leo go dulago baeng.
Aterese le Dinomoro tša Founo
1 Robert Broom Drive East
Rangeview
KRUGERSDORP
1739
AFRIKA BORWA
+27 11-761-1002