Jeremia 16:1-21
16 Jehofa a bolela le nna gape a re:
2 “O se ke wa nyala mosadi, le gona o se ke wa ba le barwa le barwedi lefelong le.
3 Ka gobane Jehofa o bolela mabapi le barwa le barwedi bao ba belegwago lefelong le, le mabapi le bommago bona le botatago bona o re:
4 ‘Ba tla bolawa ke malwetši a šoro. Eupša ga go na yo a tlago go ba llela goba go ba boloka. Ba tla swana le manyora lefaseng, ba tla fedišwa ka sabola le tlala gomme ditopo tša bona e tla ba dijo tša dinonyana tša magodimong le dibata tša lefase.’
5 “Jehofa o re:‘O se ke wa tsena ntlong ya batho bao ba llago, e bile o se ke wa yo lla le bona le go ba kwela bohloko.’“‘Ka gobane ke tla dira gore batho ba ba se sa ba le khutšo,’ o realo
Jehofa,‘E bile nka se sa ba bontšha botho* le kgaugelo.
6 Batho ba bagolo le ba banyenyane ba tla hwela nageng ye.
Ba ka se bolokwe,E bile ga go na yo a tlago go ba llela,Le gona ga go na yo a tlago go itshega ka baka la bona goba go kota letwadi ka baka la bona.
7 Le gona ga go na yo a tlago go nea bao ba llago dijo,Gore a ba homotše ka baka la ge ba hlokofaletšwe.E bile ga go na yo a tlago go ba nea komiki yeo e nago le beine gore e ba homotše,Gore motho a nwe ka baka la ge a hlokofaletšwe ke tatagwe goba mmagwe.
8 Le gona, o se ke wa tsena ntlong ya monyanyaGomme wa dula fase wa ja le go nwa le bona.’
9 “Ka gona Jehofa wa madira, yena Modimo wa Isiraele, o re: ‘Ke tla dira gore go se sa ba le medumo ya lethabo, lentšu la monyadi, le lentšu la monyadiwa lefelong le. Ke tla dira seo mehleng ya lena le pele ga mahlo a lena.’
10 “E tla re ge o botša batho ba mantšu a ka moka, bona ba tla go botšiša ba re: ‘Ke ka baka la’ng Jehofa a boletše masetlapelo a makaaka ka rena? Re diretše Jehofa Modimo wa rena molato ofe le sebe sefe?’
11 O ba arabe o re: Jehofa o re: ‘“Ka gobane borakgolokhukhu ba lena ba ntlogetše, gomme ba dula ba latela medimo e mengwe, ba e hlankela le go e khunamela. Eupša ge e le nna ba ntlogetše gomme ba se latele molao wa ka.
12 Le dirile dilo tše mpe go feta borakgolokhukhu ba lena, gomme yo mongwe le yo mongwe wa lena o ngangabaletše go dira dilo tšeo pelo ya gagwe e mpe e di ratago go e na le go nkwa.
13 Ka gona ke tla le ntšha nageng ye, ka le lahlela nageng yeo lena le borakgolokhukhu ba lena le sa e tsebego, gomme ge le le moo le tlo swanelwa ke go hlankela medimo e mengwe bošego le mosegare, ka gobane nka se le gaugele.
14 Jehofa o re: “‘Tsebang gore go tla matšatši ao go ona ba ka se sa bolelago ba re, ‘Re ikana ka Jehofa yo a phelago yo a ntšhitšego Baisiraele nageng ya Egepeta!”
15 Eupša ba tla re: “Re ikana ka Jehofa yo a phelago yo a ntšhitšego Baisiraele nageng ya leboa le dinageng ka moka tšeo a bego a ba tšitlanyeditše go tšona!” Ke tla ba bušetša nageng ya bona, yeo ke e neilego borakgolokhukhu ba bona.’
16 Jehofa o re: “‘Ke romela barei ba bantšhi ba dihlapi,’‘Gomme ba tla ba rea.
Ka morago ga moo ke tla romela batsomi ba bantšhi,Gomme ba tla ba tsoma dithabeng ka moka, mebotong ka mokaLe mengeng ya maswika.
17 Ka gobane mahlo a ka a bona dilo ka moka tšeo ba di dirago.
Ba ka se kgone go mphihlela dilo tšeo ba di dirago,E bile mahlo a ka a bona molato wa bona.
18 Ke tla ba otla ka mo go feletšego ka baka la molato wa bona le sebe sa bona,Ka gobane ba šilafaditše naga ya ka ka medimo ya bona yeo e šišimišago yeo e sa phelego,E bile ba tladitše naga ya ka ka dilo tša bona tše di šišimišago.’”
19 Wena Jehofa o matla a ka le lefelo leo le šireletšegilego,Leo ke tšhabelago go lona letšatšing la ge ke tlaletšwe.Ditšhaba di tla tla go wena di etšwa lefaseng ka mokaGomme di tla re: “Borakgolokhukhu ba rena ba ile ba no tšwela pele ka mokgwa wa go rapela medimo ya maaka,*E lego dilo tša lefeela tšeo di se nago mohola.”
20 Na motho a ka itirela medimo?Gape yona e ka se be medimo ya nnete.
21 “Ka gona ke tla dira gore ba tsebe,Ka nako yeo ke tla ba bontšha matla a ka,Gomme ba tla tseba gore leina la ka ke nna Jehofa.”
Mengwalo ya tlase
^ Phetolelo ya lentšu ka lentšu e re, “lerato le le botegago.”
^ Goba, “ba be ba na le dilo tša bofora.”
